استفسار عن عنوان ميكانيكي في صقر قريش

[nerco]

سلام عليكم
انا سمعت ان فيه مركز صيانة رينو معتمد في صقر قريش محدش يعرف عنوانه بالظبط لان صقر قريش كبيره اوي او حتي رقم تيليفونهاو مش لازم مركز الصيانه لوفي ميكانيكي امين و فاهم في الرينو

[medohai510]

علي ما أعتقد لا يوجد مركز خدمة معتمد في صقر قريش لكن يوجد ورش متخصصة لصيانة الرينو، لكن للأسف أنا لا أعلم تليفوناتهم لكنهم بالقرب من طريق الأتوستراد أمام التوكيل يعني ممكن تروح صقر قريش وتسأل وأن شاء الله خير.

[rasha1980]

وياريت حد يعرف بتوع اكسسوار كويس وحاجته حلوة؟

[sherif2net]

فى مركز فى صقر قريش صاحبة اسمة عادل ...... واحد صاحبى بيتعامل معاه من فترة و بيقولى علية كويس.
انا مش عارف العنوان بالظبط بس هوا فى اول صقر قريش على الاوتوستراد مباشرة بعد نزلة الدائرى بشوية.

[nerco]

فى مركز فى صقر قريش صاحبة اسمة عادل ...... واحد صاحبى بيتعامل معاه من فترة و بيقولى علية كويس.
انا مش عارف العنوان بالظبط بس هوا فى اول صقر قريش على الاوتوستراد مباشرة بعد نزلة الدائرى بشوية.

شكرا جزيلا علي اهتمام حضرتك بس لو تعرف تيجيبلي تيليفون عادل يبقي هايل لاني روحت فعلا صقر قريش و توهت وكل اللي لاتيهم ميكانيكيه صغار

[ramygeorge]

شكرا جزيلا علي اهتمام حضرتك بس لو تعرف تيجيبلي تيليفون عادل يبقي هايل لاني روحت فعلا صقر قريش و توهت وكل اللي لاتيهم ميكانيكيه صغار

فى واحد اسمه ................... دة كويس وبرة ..... كويس ودى ارقام تليفوناتهم

.......................

ولو عاوز محل قطع غيار فى محل اسمه ............ اسعارة كويسة ودة تليفونة

..........


الإعلانات التجارية ممنوعة طبقاً لنظام المنتدى دون الرجوع والتنسيق مع إدارة المنتدى.

يرجى مراجعة قواعد المنتدى

راسل إدارة المنتدى

مشرف رينو

[renualt_engineer]

فى واحد فى صقر قريش مدينة نصر 0104115560 برده وعنده قطع غيار استيراد

[ecybrarian]

فى واحد فى صقر قريش مدينة نصر 0104115560 برده وعنده قطع غيار استيراد

على فكرة دي نمرة المهندس محمد عبد المنعم هو كان فاتح في صقر قريش في المعادي وبعدين راح صقر قريش مدينة نصر..اعتقد إنه هو صاحب السمعة في الميجان..زعيم الوحوش احمد عبد المقصود كان عمل عنده شغل (انظر القول الفصل في مشكلة شريط الإيرباج) وانا كمان تعاملت معاه

[momo10000]

دا صاحب المشكلة اللي حصلت مع حجازي .....

http://www.nilemotors.net/Nile/niuuu...eiuuuun-4.html

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

[momo10000]

تحذيـــــر هــــــــــــام .. للأخ عبد المقصـود
الراجل بتاع العاشر اللي قلتلي عليه طلع نصاب !!
ما تعملش عنده حاجه غير اللي انت عارفه و عارف عاوز تعمله ازاي !!
غير كده هو كل همه انه يقنعك بمشاكل في عربيتك مش موجوده و يشتغلك بالكمبيوتر و الكبل الوايرلس اللي جايبه عشان يلبسك شوية حاجات استيراد من العربية السنغافوري اللي متلقحة عنده و خصوصا الحساسات
حسبي الله و هو نعم الوكيل فيه

ما أنا قولتلك.......متعملش حاجة عند حد متعرفش عنه كتير.....و خصوصاً شغل التعديل فى ال ecu

قولى أيه اللى حصل معاك ؟؟

ولا تعديل ولا حاجة !! انا كنت ناوي أعمل التعديل بعد ما اصلح عنده أي حاجة بسيطة و اتعرف عليه.
.
كانت العربية مخنوقة كده و خصوصا لما اسحب جامد و في السرعات العالية .. و قالولي اكشف علي موتور طرمبة البنزين
و كشفت عنده و قاللي ضعيف و ركبت واحد تاني .. ماحستش بفرق قوي علي الرغم من اني شفت ان ضغط الموتور الجديد للبنزين مع الكونتاكت أفضل .. بس لسه مخنوقة !!
ركب الجهاز و عمل شوية حركات و قاللي حساس الأوكسجيـــــن !!
و أكدلي ان ده السبب و لحسن حظي عنده واحد استيراد ب 350 جنيـــه !!
و سيب العربية ساعة روح مشوارك و تعالي تاني
.
رحت و رجعت و لقيتها فعلا تمام .. و دفهت 450 جنية و مشيت
و بالصدفة بعد كام يوم لقيت خرطوم الهوا اللي جاي من عند الشبكة لعلبة الفلتر بالوصلة مش موجـــــود !!
سألته هو فين ؟
قال عندي !
و تأكدت بعد كده ان العربية كانت مخنوقة عشان كان مسدود و مش بيدخل هوا كتير .. و لبست حساس مالوش لازمه .. و كسرلي فيشة الحساس القديم و مابقاش ينفع يركب .. و يعتبر كان نصب عليا في ان العيب كان في حاجة تانية .. و سرق الخرطوم بالوصلة بتوعي و تمنهم في التوكيل 600 جنيه ( و ممكن أركب خرطوم تاني بس حراري..لو تعرف تساعدني قوللي ) من غير ما يقوللي
.
بس ياسيدي .. و ربنا كبيـــر

لا حول ولا قوة إلا بالله......

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟