ميكروسوفت عملتها: برنامج رائع لتعريب "العربجليزي"

[itsonlyme]

طبعاً كلكم عرفين طريقة كتابة العربي بالأرقام والحروف الانجليزي.

وعارفين انها منتشرة بشدة بين المصريين وخصوصا الشباب الصغير وعلى الشات وال Facebook.

ميكروسوفت، والحمد لله، نزلت برنامج تنزله على جهازك وهو يحول العربجليزي لعربي.
الرائع انه بيحول أي نص بتكتبو في أي برنامج سواء كان برنامج شات أو المتصفح أو منسق النصوص (Office يعني).

صفحة البرنامج فيها فيديو مضحك جداً وشرح للبرنامج ووصلة لتحميله

http://www.microsoft.com/middleeast/egypt/cmic/maren/

طبعا وكالعادة، ميكروسوفت مش أول من نفذ الفكرة دي.
موقع yamli كان له السبق و بعديها Google ta3reeb.

بس ميزة برنامج ميكروسوفت انه مش لازم تروح لموقع معين واعتقد انه كمان مش محتاج نت.

[M.Osman]

بصراحة البرنامج تحفة

كل الكلام اللي أنا كاتبه ده كان فرانكو عرب!!

شكرا يا باشا

[mohamed_mohsen]

انا ليه رأي برضه
أنا بفضل لما اكتب عربي اكتبه بنفسي مش فرانكو و بعدين احوله عشان اتدرب علي كتابة العربي عشان انا بطيء في الكيبورد العربي علي عكس الانجليزي و شكرا علي البرنامج يا باشا

[itsonlyme]

انا ليه رأي برضه
أنا بفضل لما اكتب عربي اكتبه بنفسي مش فرانكو و بعدين احوله عشان اتدرب علي كتابة العربي عشان انا بطيء في الكيبورد العربي علي عكس الانجليزي و شكرا علي البرنامج يا باشا

معاك كل الحق. الموقع هنا خلاني أكتب عربي وأبقى سريع نسبيا في الكتابة على الكيبورد العربي.
مازلت بكتب بالانجليزي بسرعة أكبر بس اعتقد ان السبب هو كثرة الحروف اللغة العربية بالاضافة للأشكال المختلفة للألف والهمزة.

بس في ناس معندهاش الاصرار اللي عند حضرتك ولا أساسا في بالها.

الناس دي ممكن تتكرم علينا وتستخدم البرنامج ده.
أما بقى لو قلت اتعلموا تكتبو بالحروف العربي مباشرة هيقول لك "فكك مني".

[WaleeD-ZidaN]

شكرا يا باشا عل برنامج أنا بكتب بيه
مجهود رائع تسلم
خصوصا إن الكيبورد إنجليزي بس عندي
1000 شكر

[KoDaK_Gti]

جامد جدا
انا بكره الفرانكو ده بس نزلت البرنامج علشان اجربه :)

[EslaM_NagY]

نزلته بس شغال لينكس فحجربه اما احول