زيت تحت العربية

[dentist2future]

السلام عليكم ورحمة الله وبركاته
السيارة دايو لانوس 1
المشكلة
أنه عند تشغيل السيارة بينزل من المنطقة الأمامية تحت الموتور تقريبا تحت الفلتر او المكان اللي بنقيس منه الزيت بينزل نقط زيت عند بداية التشغيل وبعد ما تمشي العربية ما بتنزلش ولا وهي مطفية وواقفة مش بتنزل
فقط عند بداية التشغيل أول الوقت فقط
رحت لميكانيكى
قالى هغير مش عارف السيكلاتير باين او حاجة زي كدة وهضطر لتغيير الزيت
فغير الحاجات دي
اشتراها ب 80 جنيه وقاللي لزق ب 8 جنيه
والزيت ب 65 جنيه
وبعدها المشكلة زي ما هيا
مش عارف اعمل ايه
روحت له قاللي لا دي تمام
وقاللي انه لما غير الزيت حط كمية أكبر من المفروض وده الفايض طبعا بيشتغلنى
وبعد يوم روحتله قلتله لسة نفس المشكلة
قاللي فلتر الزيت بيفوت مع انى لسة مغيره من اكتر من شهر تقريبا والمشكلة ظهرت من 10 ايام تقريبا
وقال ضغط عليه والمفروض نغيره لكن حرام عشان الزيت لسة جديد وكدة وقاللي ما تخافش
بس طبعا انا مش مقتنع
يا تري مين يقدر يفيدنى

[samirayad]

قالى هغير مش عارف السيكلاتير باين او حاجة زي كدة وهضطر لتغيير الزيت
فغير الحاجات دي

هل تقصد جوان الكارتير ......وبيسمى برضه الجاسكت بتاع الكرتير

وقاللي انه لما غير الزيت حط كمية أكبر من المفروض وده الفايض طبعا بيشتغلنى

ولو فعلا يقصد جوان الكرتير فهو فعلا مش عارف يتصرف فى الحل الأمثل

قاللي فلتر الزيت بيفوت مع انى لسة مغيره من اكتر من شهر تقريبا والمشكلة ظهرت من 10 ايام تقريبا

غير الميكانيكى ده.............لأن دورة الزيت من الدورات الحساسه جدا فى المحرك .......وخللى معاك زيت مؤقتا للتزويد عند الحاجه ...لحين الوقوف على سبب المشكله .............لأنه ممكن يكون مغير جوان كرتير رفيع ومقطعش كويس .........

ولا وهي مطفية وواقفة مش بتنزل
فقط عند بداية التشغيل أول الوقت فقط

وخللى بالك الحته دى مشكوك فى أمرها برضه .....لأن ممكن يكون فيه تسريب برضه ...لو كان من الجوان وأنت ماشى ومش واخد بالك ( فخللى بالك من المقاس ) على ماتشوف ميكانيكى تانى .....يحدد الوضع بالضبط

[Samir Elshahawy]

فيه كاوتش علي المقاس o-ring بيعمل أحكام لفتحة المقاس مع المقاس , ممكن لو متأكل يحصل تسريب الزيت عند بداية التشغيل و برضه أثناء التشغيل بص عليه و ممكن تغيره أنت بنفسك

[dentist2future]

[QUOTE=samirayad;942570]هل تقصد جوان الكارتير ......وبيسمى برضه الجاسكت بتاع الكرتير ولو فعلا يقصد جوان الكرتير فهو فعلا مش عارف يتصرف فى الحل الأمثل غير الميكانيكى ده على ماتشوف ميكانيكى تانى .....يحدد الوضع بالضبط[/

انا رحت لميكانيكى تانى
وقاللى انه من فلتر الزيت مضروب وعاوز يتغير
بس قاللي هنغير الزيت
قلتله انا لسة مغير الزيت امبارح
فغيرلى فلتر ب 20 جنيه
وزودت بشوية زيت كدة كانو عندي
ومستنى اشوف النتيجة

[samirayad]

نتمنى من الله التوفيق ......

[dentist2future]

الحمد لله أخويا نزل بص عالعربية ودورها 5 دقايق كدة وبيقول ان مفيش زيت نزل يبقى هو الفلتر اللي كان مضروب فعلا
بس الميكانيكى الاولانى كان قايللي ان غلط تغير الفلتر من غير ما تغير الزيت
وطبعا انا لسة جايب زيت من يومين ولا حاجة
يمكن 30 كيلو بالكتير
وطبعا لما غيرلى جوان الكرتير الميكانيكى الاول غير الزيت معاه كان عامل 300 كيلو بس
مع العلم انى بحط موبيل 1000
هل فيه مشكلة في اللي حصل ده وهل كان من الافضل تغيير الزيت

[samirayad]

الحمد لله أخويا نزل بص عالعربية ودورها 5 دقايق كدة وبيقول ان مفيش زيت نزل يبقى هو الفلتر اللي كان مضروب فعلا

الحمد لله

بس الميكانيكى الاولانى كان قايللي ان غلط تغير الفلتر من غير ما تغير الزيت

هو عارف حاجه .....مهو غير الفلتر البايظ ....من غير ماينصحك ......وعامل زى الدكتور بتاع الأسنان اللى يركبلك حشو .....وبمجرد ماتستعمل لبانه ....تلاقى الحشو فيها .....يبقى نصدق كلامه.............طبعا لا

وطبعا انا لسة جايب زيت من يومين ولا حاجة
يمكن 30 كيلو بالكتير
وطبعا لما غيرلى جوان الكرتير الميكانيكى الاول غير الزيت معاه كان عامل 300 كيلو بس
مع العلم انى بحط موبيل 1000
هل فيه مشكلة في اللي حصل ده وهل كان من الافضل تغيير الزيت

أهم شىء ....تتابع الحاله بأستمرار .....لحين أنتهاء فترة النقاهه ( سواء من ناحية تسريب الزيت أو مقاس الزيت )

[samirayad]

......وعامل زى الدكتور بتاع الأسنان اللى يركبلك حشو .....وبمجرد ماتستعمل لبانه ....تلاقى الحشو فيها .....يبقى نصدق كلامه.............طبعا لا

عزرا .....يا أخى ....فأنا لا أقصد شيئا سواء التشبيه فقط .....لكى لا يحدث تداخل بين التشبيه والأسم المستعار لك ......فلقد لاحظت فيما بعد أن الأسم المستعار بيعنى أنك حاليا تدرس بطب الأسنان ...........وغير مقصود شىء طبعا سواء التشبيه بصاحب مهنه شاطر وآخر مش قد كده ..................فهناك الأطباء الشطار أيضا كما أن هناك اللى على قد الحال ( وعن تجربه )............

[dentist2future]

بس انا مش بدرس طب اسنان
انا دكتور اسنان
فمحدش قال لحد بعد ما يعمل حشو يندغ اللبانة لان الحشو هيطلع اكيد
طبعا بهزر يا جماعة اوعى تصدقوا

[samirayad]

عموما أنا برضه بأهزر ......وحصلت معايا بجد .....بعد سنه من تركيب حشو لأحد الأضراس............مش عارف بقه كان محشى أيه ( أحتمال جودة الحشو ......أو عيب تنظيف ....أو عيب صنعه )