نكت

[maka]

صعايده سمعوا عن اختراع أسمه السيفون حبوا يعرفوا هو إيه بعتو واحد منهم
القاهرة لما رجع قالهم أما السيفون ده حتة اختراع يا رداله تدوس على
السيفون تنزلك الميه ويا تلحق تشرب يا متلحقش .


صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه .

صعيدي راح لدكتور بلدياته قاله يا دكتور كل أما أحط أيدي على عيني مشوفش
الدكتور خرمله أيده .


صعيدي عمل عمليه نجحت عملها تانى.


صعيدي قال لأبوه أنا عاوز موبايل قاللوا هادبهولك بس تركب أخواتك معاك .


صعيدي بيعمل كشف نظر طلع نظره 6/6 فصاحبه بيقوله مش كده تمام قاله
أنا كنت ممكن أجيب أكتر من كده بس الدكتور اللي لخبطني .


صعيدى دخل راسه فى قفص الاسد
الحارس قاله انت بتعمل ايه يا بويا
قاله يا عم ما تخافش واحنا هناكله


صعيدى عرف ان الجلد موضة مشى عريان
.


صعيدى و صاحبه قاعدين عالقهوة بقالهم يجى ساعة ده يقوله دش والتانى يقوله
لع ده دبش يقوله لع دش يقوله وانى بجولك دبش
صاحب القهوة نادى عالصبى قاله روح يابنى شيل الشطرنج ده من ادامهم
.

10 صعايده بيتعلموا ربط الكرافتة 6 ماتوا و 4 في حاله حرجه.


الصعايده فتحوا محل بيتزا سموه بيتزا هعععععععععع .


صعيدي مات خبي على أهله .


صعيدي حب واحده أتجوز أختها علشان يضمن يشوفها كل يوم .


صعيدى بيقول لصاحبه .. بالي مشغول من امبارح يا هريدى قاله يبجى اكيد حد
رافع السماعه

صعيدى لقى كنز قال يابوى لسه هدور عالخريطة

صعيدى طلع رحلةو قعد جنب السواق
فالسواق نزل استراحة ورجع لقى الفتيس مش موجود قالوا الفتيس راح
فين...قالوا لجيتك طول الطريق عمال تشد فيه مش عارف تخلعه جولت اشلهولك

واحد بلدياتنادخل حمام افرنجي اخد معاه مترجم

صعيدى واقف قدامه خمس شياطين واحد يوسوسله و اربعه يفهموه

..اربع صعايدة راحو يلعبو بلياردو، واحد منهم وقف فوق الطرابيزة وقال لهم
انا الجوووون

صعيدي ابنه بيقوله بكره عيد الحب يابا قاله : يوووه ايه الورطة دى! وده صلاته ازاي

صعايده بيلعبوا شطرنج الملك مات مشلول .

بيسألوا واحد صعيدي بيقولوله المصري بنى الأهرامات والياباني بنى إيه
قالهم بنا سونيك .

مجموعة صعايده ماتوا غرقانين في غواصة بعد التحقيق في الحادث اكتشفوا أن
واحد فيهم سمع خبط بره فتح يشوف مين .

صعيدي أشترى تاكسي كل لما حد يقوله تاكسي يقوله أيوه تاكسي

صعيدي بيسأل صاحبه بيقوله إيه رأيك في تجارة المخدرات قاله تجارة عين شمس أحسن .

صعايده بلعبوا على قهوة واحد قال كش ملك والتاني قال دبش والثالث راح
واخد الكوتشينة وماشى


واحد صعيدي حب يعمل روش كتب على الشومة أديداس


واحد صعيدي ماشي في الشارع لقى قشرة موز ... قال ييييه حتزحلق تاني

واحد صعيدي بيدهن الحيطة ..
قالوله حط جرنال تحتيك ..
قالهم لأ أنا كده طايل كويس

صعيدي وقع في حفرة حدفوله حبل طلع مشنوق .


صعيدي بيقول لصاحبه شوف العالم الهطله يدفعوا 25 مليون علشان بن لادن
أمال لو كان بن محوج كانوا عملوا إيه


صعيدي راح أمريكا لقى الناس لابسين تي شيرتات مكتوب عليها بيبسى و
كوكاكولا لما رجع البلد كتب على التي شيرت بتاعه عصير جصب


الأمريكان والروس بيترسموا على بعض الأمريكان يقولوا أحنا أول ناس طلعنا القمر
والروس يقولوا لا أحنا أول ناس طلعنا القمر
. صعيدي كان واقف أضايق أوى
قالهم أنتوا لما طلعتوا القمر لقيتوا هناك إيه قالوله طوب ورمل وزلط
قالهم أحنا اللي مطالعينه.


صعيدي عايز يروح حفله تنكريه بعت أخوه

صعيدي جاى ينزل من باب العربية لقي الدنيا بتمطر راح نازل من الباب التاني .


صعيدي دق في سدر أبنه مسمار عشان يعلقله البزازه .

صعيدي أشتري عربية شبح طلع علي الطريق السريع عشان يجربها فشغل الراديو
لقي المذيع بيقول هنا لندن الصعيدي قال يلعن أبو السرعة .

بلديتنا عايز يعلم ابنه انجليزى راح ابتدائي منفعش، راح ثانوى منفعش، راح
الجامعة منفعش، قال لازم اوديه انجلترا واجوزه واحدة من هناك عشان يعرف
يتكلم انجليزى، راح فى الصباحية بيقولها "مستر هريدى موجود؟" قلتلوا
"نجولو مين؟"


الواد: بتعمل اية يابا؟؟
ابوه: بكتب جواب لعمك
الواد: هو انت بتعرف تكتب؟؟
ابوه: يعني هو عمك اللي بيعرف يقرا يا فالح

يارب يعجبوكوا

منقول من الميل

[ASKAFRAWY]

ههههههههههههههههههههههههههههههههههههههههه
والله كنت مخنوق و نفسى اضحك جامديييين اوى
وطبعا ليك عزومة من عند بيتزا هععععععععععععععععععع
بس انت كدة هتتجتل يا هريدى لازم تحضر الفرفر بجى يا ولد

[أبو إياد]

جامده جدااااااااااااااا
مشكوووووووووووووور

[pro_samir]

هههه :)

فيهم كام واحدة جامدين ، ودى كل ما بشوفها بضحك قوى مش عارف لية

صعيدى دخل راسه فى قفص الاسد
الحارس قاله انت بتعمل ايه يا بويا
قاله يا عم ما تخافش واحنا هناكله

[zaza2002]

هههههههههههههههههه

[eng.octooo]

ههههههههههههه بجد نكت تحفة

[نور العمر]

هههههههههههههههه

شكرا ليك

[mahfouz1983]

ههههههههههههههههههههههههه زي العسل

[maka]

شكرا ليكم .....ونحن نعمل من اجل ابتسامة المنتدى

[نور العمر]

مرة واحد بلدياتنا مات نزل عليه 62 ملاك

2 بيحاسبوه و 60 بيفهموه انه مات

واحد بلدياتنا زكى اوى راح يصطاد نسى ياخد الطعم معاه فقعد يفكر يعمل اية يعمل اية ؟ وفى الاخر جاب ورقة وكتب عليها طعم ورماها فى المية تصوروا حصل اية ؟ بعد ربع ساعة طلعتلوا ورقة مكتوب عليها سمكة

رة واحد ماشى مع خطيبته وآخر انسجام فقالها "عارفة إيه هو الحب وإيه
الجواز؟" قالته "لا" قالها: "الحب زى النجوم الجميلة اللي في السماء"
قالت له "طب والجواز؟" قالها:"دي البلاعة اللي وإحنا بنبص على النجوم
بنقع فيها.."


واحد متجوز وقاعد في البيت وبيبص كتير في عقد الزواج، مراته قالت له:
"بتبص في عقد الزواج ليه يا حبيبي؟" قالها: "مش عارف يا حياتي . المأذون كتب تاريخ انتهاء العقد فين


مرة واحد بلدياتنا كبر دماغه ما عرفش يقلع الجلبية

واحد راح المترو قطع 3 تذاكر قابلة واحد قالة انت قاطع 3 تذاكر لية قالة عشان لو الاولى ضاعت يبقى معايا التانية قا لة طب لو التانية ضاعت.قال يبقى معايا التالتة قال لة طب لو التالتة ضاعت....قالة ماتخفش معايا اشتراك...


مرة واحد من كتر حبة للموبايلات جاب بنت سماها شريحة

مرة واحد مسطوووووووووول قابل واحد بيقولة الساعة كام قالة خمسة وخمسة فرد علية المسطول وقالة ما تعرفش تقول عشرة وخلاص
مرة 3 مساااااااااطيل راكبين عربية ففجأة العربية وقفت فواحد قال للتانى انزل شوف مالها .......فنزل ماطلعش فنزل التانى مطلعش...التالت نزل قالهم فى اية؟ فقالولوا ....هس العجلة نايمة

مرة اتنين صعايدة طالعين فى الاسانسير فواحد منهم قال للتانى هو بطىء لية فقالة احتمال يكون طالع على السلم

بخيل راح يتجوز واحدة فا ابو العروسة بيقولة احنا عايزين مهر عشرة الاف جنية البخيل قالة :عشرة تلاف اية دى انا معروض على بالفين وحامل كمان.


مرة واحد بخيل شقتة ولعت ادى للمطافى رنة.

مرة واحد بخيل مووووووووووووت حلم انة اشترى لحمة وفاكهة ولما صحى حكى لمراتة فشخطت فية . وقالتلة لية البعزقة دى

مرة واحدة حامل ابنها بيسألها اية اللى فى بطنك دة ياماما قالت له دة اخوك يا حبيبى...تانى يوم المدرس سألة انت عندك اخوات؟ فقالة كان عندى بس ماما كلتة




منقوووووول

[أبو صلاح]

ههههههههههه
رائع
بس الصعيدي مايستاهلش ده كله مننا

[mohamed_mohsen]

صعيدي أشتري عربية شبح طلع علي الطريق السريع عشان يجربها فشغل الراديو
لقي المذيع بيقول هنا لندن الصعيدي قال يلعن أبو السرعة .

هههههههههههههههههههههههههههههههههههههههه
جامده قوي علي فكره

[mostafabakry]

الموضوع دا ان دل علي شئ فهو لا يدل الا علي ثقافة شعب متخلف اسمه الشعب المصري
هيفضل شعب متخلف و سطحي و كل همه في الحياه انه ياكل و يشرب و يضحك و خلاص و باي طريقة كانت المهم ان يشبع رغباتة السطحية اللي مالياه ومهما كانت الطريقة الللي هيشبع بيها رغباتة الفارغة دي
مش عارف ايه الإستفزاز الفظيع دا من صاحب الموضوع اللي بيتحفنا بما يحتويه بريده الشخصي و جاي عشان يبسطنا بيه و ما فكرش للحظه ان الرساله اللي عنده دي كلها تجريح و سخرية من ناس و بني آدميين يمكن هو ما بعرفش عنهم اي حاجة غير ان اسمهم صعايدة و بس و الللي يمكن سمعه من النكت البايخة دي
و كمان ما فكرش لحظة ان المنتدي هنا فيه اعضاء من الصعيد "صعايدة يعني" و ممكن يزعلوا من النكت المستفزة دي
انا مش ضد انه يبقي في المنتدي مشاركات تضفي نوع من البسمة او الضحك بس يبقي بطريقة معقولة و بلاش التلزيق عمال علي بطال و الللي بنشوفه اي نكته تتتقال لازم يتحط في اولها واحد صعيدي كناية عن الغباء و السذاجة و العبط
يا جماعة المنتدي دا منتدي غير كل المنتديات عالنت و انا عن نفسي بحس انه زي البيت الكبير اللي بيجمع كل الناس داخله و كل الناس عارفه بعضها فمن الواجب انه يكون فيه نوع من الإحترام و التقدير لمشاعر الناس
المنتدي دا من مميزاته ان كان في بدايته كل اعضائه ناس محترمين و انا عن نفسي اتعلمت من المشاركات بتعاعتهم حاجات كتير بس الظاهر ان المنتدي هيفقد دا
بلااااااااااااااااش تكروهنا في المنتدي بسبب السخافات دي
راعوا مشاعر الناس و بلاش النقل الأعمي دا
بصراحة حاجة تفور الدم

[overline]
يا ريت الإدارة تتدخل شوية و يبقي في كنترول علي المشاركات اللي زي دي و بلاش تبقي الأمور بلا رابط
او اننا نريح نفسنا و نوفر حرق الدم دا و نشوف لنا منتدي تاني طالما المنتدي هنا خلاص عليه العوض او ننا نبطل ندخل عالنت خالص
[/overline]

[hamedo0]

الموضوع دا ان دل علي شئ فهو لا يدل الا علي ثقافة شعب متخلف اسمه الشعب المصري
هيفضل شعب متخلف و سطحي و كل همه في الحياه انه ياكل و يشرب و يضحك و خلاص و باي طريقة كانت المهم ان يشبع رغباتة السطحية اللي مالياه ومهما كانت الطريقة الللي هيشبع بيها رغباتة الفارغة دي
مش عارف ايه الإستفزاز الفظيع دا من صاحب الموضوع اللي بيتحفنا بما يحتويه بريده الشخصي و جاي عشان يبسطنا بيه و ما فكرش للحظه ان الرساله اللي عنده دي كلها تجريح و سخرية من ناس و بني آدميين يمكن هو ما بعرفش عنهم اي حاجة غير ان اسمهم صعايدة و بس و الللي يمكن سمعه من النكت البايخة دي
و كمان ما فكرش لحظة ان المنتدي هنا فيه اعضاء من الصعيد "صعايدة يعني" و ممكن يزعلوا من النكت المستفزة دي
انا مش ضد انه يبقي في المنتدي مشاركات تضفي نوع من البسمة او الضحك بس يبقي بطريقة معقولة و بلاش التلزيق عمال علي بطال و الللي بنشوفه اي نكته تتتقال لازم يتحط في اولها واحد صعيدي كناية عن الغباء و السذاجة و العبط
يا جماعة المنتدي دا منتدي غير كل المنتديات عالنت و انا عن نفسي بحس انه زي البيت الكبير اللي بيجمع كل الناس داخله و كل الناس عارفه بعضها فمن الواجب انه يكون فيه نوع من الإحترام و التقدير لمشاعر الناس
المنتدي دا من مميزاته ان كان في بدايته كل اعضائه ناس محترمين و انا عن نفسي اتعلمت من المشاركات بتعاعتهم حاجات كتير بس الظاهر ان المنتدي هيفقد دا
بلااااااااااااااااش تكروهنا في المنتدي بسبب السخافات دي
راعوا مشاعر الناس و بلاش النقل الأعمي دا
و اللي انا مستغرب له اكتر ان فيه ناس بتقول انها من اصول صعيدية و مبسوطو باللي بيحصل دا و كمان بيودوا في النكت و كأنه شرف عظيم ان يتقال نكت و الناس تقهقه عالصعايدة !!!!!!!!!!!!!!!!!!! ايه دا !!!!!

بصراحة حاجة تفور الدم

يا ريت الإدارة تتدخل شوية و يبقي في كنترول علي المشاركات اللي زي دي و بلاش تبقي الأمور بلا رابط
او اننا نريح نفسنا و نوفر حرق الدم دا و نشوف لنا منتدي تاني طالما المنتدي هنا خلاص عليه العوض او ننا نبطل ندخل عالنت خالص

يعني يا استاذنا دى شويه نكت بدل الهم الواحد في طول اليوم اه هي معظمها شوفنها قبل كده بس اهي نكته مش محتاجه العريضه الحضرتك كتابها دى

[mostafabakry]

ما هو حضرتك لو صعيدي كنت هتكتب عريضة زي اللي حضرتك زعلان منها دي
و هو يعني الضحك ما يحلاش الا بالسخرية من الصعايدة يا أ/ محمد و لا ايه
ما هو زي ما حضرتك تعبان طول اليوم و عاوز تفرفش شوية من الهم الللي احنا اتزرعنا فيه الصعايدة كمان من حقهم يدخلوا المنتدي زيك يفرفشوا مش يتهزؤا و يتبهدلوا عمال علي بطال
و بعدين الموضوع زاد عن بطريقة وحشة و مش مقبولة كمان
يا اخي قول الحق
و لا احنا عشان نضحك نستهزئ بالناس و خلاص

انا بقووووووووول اني مش ضد الضحك و الإبتسامة
بس يبقي معقول مش رص و خلاااااااااص و اهو كله ضحك و السلام

ايه المانع ان النكته تكون واحد سازج او واحد مش في وعيه او واحد غبي مثلا
لازم تبقي واحد صعيدي يعني هي كلمة صعيدي كناية ولا ايه !!!!!!!!!!! و انا معرفش ؟؟

الرحمة يا جماعة و النبي