تجريبتى مع ال philips crystal vision كلاكيب تانى مرة...

[ahmad--ezzat]

بعد قراءة مواضيع كتير فى المنتدى عن اللمض وخلافة...استقريت على الفيليبس لانها افضل حاجة...والحقيقة اللى عجبنى انها المانى ونضيفة....المهم

نزلت اروبكوم (محل نضيف جدا بس غالى فى مدينة نصر) ودخلت وقلت للراجل اللى واقف (راجل محترم كدة بس تنك شويه) على اللمض قالى موجودين وشوفتهم...اول ما شفتهم حسيت انهم ضعاف شوية...بس قلت ربنا يستر بقا وهما متجربين ...بالاضافه انه شكرلى فيهم....

توكلت على الله وركبتهم السعر 190 جنيه...جربناا النور ...(النور الفوجات زى متوقعت مختلف تماما عن اللى فوق)...فقلت لازم بقا اجيب طقم عشان يبقى كله جامد

سئلت على الفوجات الفيليبس وهى مقاس اتش 3 ...قالى 180 جنية (حتة لمبة صغيرة ملهاش لازمة ب 180) قلتله لا الصراحة دول غاليين جدا...قالى اشوفلك نوع تانى...المهم عشان مطولش شافلى نوع كورى ب 75 جنية وركبتهم
واصبحت درجه اللون تمام...يعنى دفعت 190+75=265 جنية (زعلان طبعا)

طبعا الوقت كان الصبح ومعرفتش اشوف اللمض كويس....لما جه الليل بقا وما ادراك ما الليل...طلعت بالعربية فى طريق ضلمة...بس الله الرحمن الرحيم...

شغلت النور...لايت سبحان الله مفيش اى فرق خالص بمعنى الكلمة....انا مش فاهم الاعضاء اللى بيكتبو مواضيع على الحجات دى بيشكرو فيها ازاى...والاعجاب الشديد باللمض اللى من النوع دة ازاى بالاضافه اللى المدح واللى يقولك زينون واللى يقلك شبيه واللى يقلك مش عارف ايه....انا مش بهاجم حد بس الكلام يكون واقعى شويه يا جماعة....ماعلينااااااا

نورت النور ونزلت ابص على العربية (مش فى دماغى تصوير ولا غيرو متاسف)...

مميزات اللمض...
1 -الازرق فيها شيك ولايق مع الفوجات والصراحة دة فرحنى شويه بالاضافه انه لايق مه كحلى العربيه

عيوب اللمض (الشىء اللى مش راضى عنه)
1- قوة اللمض لا تختلف اى شيء عن اللمض بتاعت العربية....يعنى الفرق بينهم اللوووووووووووووووووووون فقطططططططططططططططططططططططططط لا غير

2-اللمض على المدى البعيد مش تمام زى الاصليين (مش عارف دة احساس غلط ولا ايه)

3-متهيألى لو دهنت اللمض الاصليه بلون ازرق هتبى زى الفيليبس وعلى فكرة لمض النوبيرا لايتها نفس القوة ونفس النوع ونفس شكل اللمضه ولكن لونها اصفر

4-انا شايف ان التغيير ملوش اى لازمة...بنصح اى حد عايز يغير يبعد عن دى خالص...

5- النور مش ابيض زى ما العضو (مش فاكر مين قال فى موضوع مخصوص) اللون ازرق سماوى ..وانا كان نفسى طبعا يبقى ابيض

من الاخر اللمض دى شكل فقط بنفس قوة لمض الفربريقة...ومن الاخر كمان كل دة ضحك على الدقون


انا بنصح ياجماعة محدش يركب اللمض دى لو عايز اضائة قوية....ومحدش يقولى حالت الفوانيس وحاله مش عارف اية...العربية 2008 وبتبرق من جوة وانا محافظ عليها جدا.....

وربنا بقا يعوض علينا......

[M.almaghraby]

معلش يا هندسة والله انا زعلان عشانك جدا جدا

انا مشوفتش الكريستال مع اني اعجبت بيهم اوي و كنت عايز اجيبهم بدل النايت جايد...

بس بصراحة انا عندي فرق فالنايد جايد ملحوظ

بس ولا يهمك ,, ادينا بنتعلم

[ahmad--ezzat]

معلش يا هندسة والله انا زعلان عشانك جدا جدا

انا مشوفتش الكريستال مع اني اعجبت بيهم اوي و كنت عايز اجيبهم بدل النايت جايد...

بس بصراحة انا عندي فرق فالنايد جايد ملحوظ

بس ولا يهمك ,, ادينا بنتعلم

عادى ياباشا فعلا محدش بيتعلم ببلاش...

هو انا مش خسران اوى ...انا كسبان الشكل الشيك ولكن ينقصها الاضائه القويه

بس الفرق مايستهلش كل الفلوس دى....على العموم انا قلت انصح الناس بس ...تيجى فى واحد احسن متيجى فكتير

انا بس اللى مزعلنى ان الناس بتقعد تكتب كلام وهمى والفاظ تحسسك ان اللمض دى تضرب الزينون بالجزمة وحاجة محصلتش....يلا حصل خير بس انا عايز اقول حاجة بجد لاحظتها...الزينون زينون...واللمض لمض والمقامات محفوظة

[M.almaghraby]

ههههههههههههههههههههههههه عندك حق الزينون زينون فعلا

هيا لونها فالفانوس عامل ازاي؟؟

[eltorky]

غريب قوي الموضوع داة معأن معظم اللي راكب اللمض دية بيشكر فيها

[ZALABANY]

إسأل مجرب ولا تسأل طبيب

[CryptonX]

هو عامة انا ركبت ال osram night breaker
للنور الواطي قلت اجربه .

والفرق كبيييييير جدا عن الفابريكة و لكن مش في شدة الاضاءة .. في مدى الاضاءة .. يعني الفابريكة كانت بتنورلي حتة صغيرة جدا اماي .
ال osram نورتلي مسافة كبيرة جدا امامي لدرجة ان اللوحة بتاعة نمر العربيات الي قدامي بتبقى منورة بشكل ملفت !

بصراحة مش ندمان عليم خالص و حجيبهم للعالي - تمنهم في حدود 120-130 بس هما لونهم اصفر عادي زي اللمبات الفابريكة .

[Solom507]

تجريبتى مع ال philips crystal vision كلاكيب تانى مرة...
بعد قراءة مواضيع كتير فى المنتدى عن اللمض وخلافة...استقريت على الفيليبس لانها افضل حاجة...والحقيقة اللى عجبنى انها المانى ونضيفة....المهم

نزلت اروبكوم (محل نضيف جدا بس غالى فى مدينة نصر) ودخلت وقلت للراجل اللى واقف (راجل محترم كدة بس تنك شويه) على اللمض قالى موجودين وشوفتهم...اول ما شفتهم حسيت انهم ضعاف شوية...بس قلت ربنا يستر بقا وهما متجربين ...بالاضافه انه شكرلى فيهم....

توكلت على الله وركبتهم السعر 190 جنيه...جربناا النور ...(النور الفوجات زى متوقعت مختلف تماما عن اللى فوق)...فقلت لازم بقا اجيب طقم عشان يبقى كله جامد

سئلت على الفوجات الفيليبس وهى مقاس اتش 3 ...قالى 180 جنية (حتة لمبة صغيرة ملهاش لازمة ب 180) قلتله لا الصراحة دول غاليين جدا...قالى اشوفلك نوع تانى...المهم عشان مطولش شافلى نوع كورى ب 75 جنية وركبتهم
واصبحت درجه اللون تمام...يعنى دفعت 190+75=265 جنية (زعلان طبعا)

طبعا الوقت كان الصبح ومعرفتش اشوف اللمض كويس....لما جه الليل بقا وما ادراك ما الليل...طلعت بالعربية فى طريق ضلمة...بس الله الرحمن الرحيم...

شغلت النور...لايت سبحان الله مفيش اى فرق خالص بمعنى الكلمة....انا مش فاهم الاعضاء اللى بيكتبو مواضيع على الحجات دى بيشكرو فيها ازاى...والاعجاب الشديد باللمض اللى من النوع دة ازاى بالاضافه اللى المدح واللى يقولك زينون واللى يقلك شبيه واللى يقلك مش عارف ايه....انا مش بهاجم حد بس الكلام يكون واقعى شويه يا جماعة....ماعلينااااااا

نورت النور ونزلت ابص على العربية (مش فى دماغى تصوير ولا غيرو متاسف)...

مميزات اللمض...
1 -الازرق فيها شيك ولايق مع الفوجات والصراحة دة فرحنى شويه بالاضافه انه لايق مه كحلى العربيه

عيوب اللمض (الشىء اللى مش راضى عنه)
1- قوة اللمض لا تختلف اى شيء عن اللمض بتاعت العربية....يعنى الفرق بينهم اللوووووووووووووووووووون فقطططططططططططططططططططططططططط لا غير

2-اللمض على المدى البعيد مش تمام زى الاصليين (مش عارف دة احساس غلط ولا ايه)

3-متهيألى لو دهنت اللمض الاصليه بلون ازرق هتبى زى الفيليبس وعلى فكرة لمض النوبيرا لايتها نفس القوة ونفس النوع ونفس شكل اللمضه ولكن لونها اصفر

4-انا شايف ان التغيير ملوش اى لازمة...بنصح اى حد عايز يغير يبعد عن دى خالص...

5- النور مش ابيض زى ما العضو (مش فاكر مين قال فى موضوع مخصوص) اللون ازرق سماوى ..وانا كان نفسى طبعا يبقى ابيض

من الاخر اللمض دى شكل فقط بنفس قوة لمض الفربريقة...ومن الاخر كمان كل دة ضحك على الدقون


انا بنصح ياجماعة محدش يركب اللمض دى لو عايز اضائة قوية....ومحدش يقولى حالت الفوانيس وحاله مش عارف اية...العربية 2008 وبتبرق من جوة وانا محافظ عليها جدا.....

وربنا بقا يعوض علينا......
__________________

بص يا باشا مبدئيا موضوع الإقتناع و الاعجاب بنوع معين من اللمض دة يعتبر نسبى.... عشان في حد ممكن الإضاءة عنده تكون ضايعة و بعد ما يركب نوع كويس زى فيليبس و دى حاجة لازم نكون متفقين عليها كلنا ان فيليبس ماركة ممتازة في مجال الإضاءة و إلا مكنتش ماركات العربيات الكبيرة زى bmw و المرسيدس تنزلها في عربيتها.., نرجع تانى لموضوعنا فبعد ما يركب لمض فيليبس يلاقى فرق كبير و ياسلام لو كانت حاجة لون الإضاءة حلو فا دة طبعا لازم يكون مبسوط من النتيجة مع الوضع في الإعتبار ان الفوانيس عنده 100 100 مافيش فيها اى مشكلة.. وطبعا مشاكل الفوانيس معروفة.... و دى بقي هيا النقطة المهمة اللى انا عاوز اقولها ان يا جماعة مينفعش نحكم حكم مطلق على حاجة زى اللمض انها حلوة او رديئة الا إذا كان الحكم بتجربة علي كذا عربية من نفس الموديل و نفس حالة الفوانيس بكدة نقدر نتوصل للنوع الكويس فعلا...و دة اللى عملناة انا و اصحابى و اثبت لنا ان اللمض الفيليبس فعلا كويسة.
كمان فى حاجة لازم تاخد بالك منها ان الإضاءة الأبيض التلجى جوة البلد شكلها حلو بس بتبقى ضعيفة بتبان اكتر في السفر على الطريق فممكن تجربها كدة و تقول لنا... و متزعلش على الفلوس لانك أن شاء الله مخسرتش حتى لو مختش قوة أضاءة فانت عملت شكل حلو للإضاءة

[ahmad--ezzat]

بص يا باشا مبدئيا موضوع الإقتناع و الاعجاب بنوع معين من اللمض دة يعتبر نسبى.... عشان في حد ممكن الإضاءة عنده تكون ضايعة و بعد ما يركب نوع كويس زى فيليبس و دى حاجة لازم نكون متفقين عليها كلنا ان فيليبس ماركة ممتازة في مجال الإضاءة و إلا مكنتش ماركات العربيات الكبيرة زى bmw و المرسيدس تنزلها في عربيتها.., نرجع تانى لموضوعنا فبعد ما يركب لمض فيليبس يلاقى فرق كبير و ياسلام لو كانت حاجة لون الإضاءة حلو فا دة طبعا لازم يكون مبسوط من النتيجة مع الوضع في الإعتبار ان الفوانيس عنده 100 100 مافيش فيها اى مشكلة.. وطبعا مشاكل الفوانيس معروفة.... و دى بقي هيا النقطة المهمة اللى انا عاوز اقولها ان يا جماعة مينفعش نحكم حكم مطلق على حاجة زى اللمض انها حلوة او رديئة الا إذا كان الحكم بتجربة علي كذا عربية من نفس الموديل و نفس حالة الفوانيس بكدة نقدر نتوصل للنوع الكويس فعلا...و دة اللى عملناة انا و اصحابى و اثبت لنا ان اللمض الفيليبس فعلا كويسة.
كمان فى حاجة لازم تاخد بالك منها ان الإضاءة الأبيض التلجى جوة البلد شكلها حلو بس بتبقى ضعيفة بتبان اكتر في السفر على الطريق فممكن تجربها كدة و تقول لنا... و متزعلش على الفلوس لانك أن شاء الله مخسرتش حتى لو مختش قوة أضاءة فانت عملت شكل حلو للإضاءة

تمام كلامك انا عارف ان الفيليبس كويسة...وهتعيش ان شاء الله ولكن مش زى مكنت متوقع.....انا لو عندى مثلا الفانوس تعبان او اصفر او قديم...كنت قلتلك ماشى يمكن عشان الفانوس بس فعلا الفرق فرق لون لمبه ....وانا مش زعلان...هيا الصراحة مخليه العربيه شكلها شيك

[ahmad--ezzat]

هيا لونها فالفانوس عامل ازاي؟؟

لون الفانوس ازرق جامد (مش سماوى..ازرق فاقع شويه)

والصور هصورها انهردة ان شاء الله وارفعها بليل ان شاء الله

[Solom507]

لون الفانوس ازرق جامد (مش سماوى..ازرق فاقع شويه)

أنت متاكد يا باشا انك جبت Crystal Vision لانها اضاءتها 4300k يعنى ابيض زى زينون BMW أو تقدر تقول علية ابيض تلجى لكن مالوش علاقة خالص بالازرق...اما للى بتدى نور أزرق دى Dimond Vision و دى معجبتنيش عشان انا مش بحب النور الازرق.

[Solom507]

اقتباس:
لون الفانوس ازرق جامد (مش سماوى..ازرق فاقع شويه)
أنت متاكد يا باشا انك جبت crystal vision لانها اضاءتها 4300k يعنى ابيض زى زينون bmw أو تقدر تقول علية ابيض تلجى لكن مالوش علاقة خالص بالازرق...اما للى بتدى نور أزرق دى dimond vision و دى معجبتنيش عشان انا مش بحب النور الازرق.

انا أسف أنا فهمت ان الكلام على لون الإضاءة مش لون اللمبة نفسها

[Ahmed Nouh]

المشكله تكمن فى ان الناس ساعات لما بتقيم لمبه من النوع ده بيكون بعد ما اللمبه القديمه اللى شالها جابت اخرها ونورها بقا ضعيف جدا

فلما النور بتاع الجديده يبقى عادى برده هيحس بفرق كبير ويكتب عنه شعر

بالتأكيد فى لمبات فى السوق نورها كويس جدا بس لما بيكون اساسا قدرتها اعلى من العادى لكن لمبه بنفس قدره لمبه عربيتى مقتنع تماما انها مش هتكون احسن

[wisambasha]

هو عامة انا ركبت ال osram night breaker
للنور الواطي قلت اجربه .

والفرق كبيييييير جدا عن الفابريكة و لكن مش في شدة الاضاءة .. في مدى الاضاءة .. يعني الفابريكة كانت بتنورلي حتة صغيرة جدا اماي .
ال osram نورتلي مسافة كبيرة جدا امامي لدرجة ان اللوحة بتاعة نمر العربيات الي قدامي بتبقى منورة بشكل ملفت !

بصراحة مش ندمان عليم خالص و حجيبهم للعالي - تمنهم في حدود 120-130 بس هما لونهم اصفر عادي زي اللمبات الفابريكة .

انا متفق مع حضرتك للغاية لاني فعلا حسيت بنفس الفرق لما ركبتهم وقولت الكلام ده في مشاركات تانية كتير قبل كده
انا جتب ال H4 الجوز ب 110 جنيه من شهر تقريبا

[tammmer]

ضحكتنى وانا بقرا موضوعك... لان نفس اللى انت عملتة انا عملتة بالضبط عند ارابكوم ..وببصراحة الاضائة جيدة وليست ممتازة داخل القاهرة
والاضاءة سيئة جدا على اى طريق مظلم او طريق سفر
وبصراحة انا هخلعهم واركب لمض 260 مع كتاوت