اى حد عندى استفسار عن skoda انا موجود !

[yts17]

اولاً كدا اسف جداً على التاخير . انا شغال فى توكيل صيانة وليس مبيعات علشان كدا اسعار الاكسسوارات والعربيات نفسها مش هقدر افدكو فيه ! واللى مش هبقى عارفه بردوا هقول انا معرفوش انا مش هفتى إن شاء الله . باذن الله هجاوب على سوال سوال واسف مرة تانية على التاخير

[yts17]

ازيك يا بشمهندس ...
فعلا حضرتك بتقدملنا خدمه كبيره و مهمه و هتفيد كل الاعضاء و احنا عاجزين عن الشكر ....
معانا اوكتافيا a5 2008 خليجى ...
المهم
من فتره ..
بقى صوت الدركسيون و هو بيلف عالى شويه ...
فى صوت نحره خفيفه كده ....
انا بصراحه مش متأكد ان كان الصوت ده فيها اصلا ولا ظهر مؤخرا ...
يا ريت حضرتك تفيدنى ....

بص يا باشا . صوت لفة الدركسيون داممكن يكون لسببين . اول سبب ممكن يكون عندك شمعدان معوج والشمعدان دا اللى بتبقى راكبه عيلا الطنبورة وراكب عيلها بعد كدا العجلة نفسها لو فيه ميل لو عوجان بيخلى حاجة اسمها الاسكاترة اللى بتخلى العجلة تدور يمين او شمال تخبط فى حاجة اسمها الميزان ودى حلها شمعدان جديد احتمال حدوث السبب دا 20- 30 % . السبب الشائع ان الياى والمساعد بيطلع صوت وانت بتلف الدركسيون ودا بسيط جداً بيتركب على الياى جلد خرطوم علشان متسمعش صوت الاحتكاك بتاه الحديد فى حديد دا ونسبة حدوث العيب دا 70-80 % .

[yts17]

وانا كمان ياباش مهندس ليا استفسار
نوع زيت الفتيس بتاع اسكودا اوكتافيا a4
اوتوماتيك
نوعة اية او اسمة علشان محتاجة ضرورى

زيت الفتيس بتاع ال a4 . معلوماتى عنه انه بيتغير كل 60000 كيلو مع الصيانة وبالنسبة لنوعه واسمه للاسف احنا معندناش انواع مختلفة هوا زيت واحد وتقريباً عامل الكيلو منه فوق ال 100 جنيه والفتيس بياخد 4.5 كيلو

[yts17]

السلام عليكم

شكرا ليك يا باشمهندس انا كان ليا استفسار

العربية كانت عايزة بنزين و كان المؤشر بتاع البنزين في نص العلامة الحمرا و عداد الكيلو متر بيقول ناقص 30 كم على البنزين اللي في العربية

رحت دخال حاطط بنزين المهم بعد مطلعت من البنزينه بمسافه لاقيت العربية صوتها علي جدا و السحب قل خالص و زي متكون العربية اتبرجلت بصيت على الحرارة مظبوطة و العربية مفيهاش اي مشاكل بس لاحظت ان عداد الكيلو مترات بتاعت البنزين مدى صفر و المؤشر بتاع البنزين واقع في الاحمر يعني العربية مفيهاش اي بينزين

انا قلت اقفل العربية و اشغلها تاني و اشوف و فعلا لما عملت كدة العربية اتظبطت و رجعت تمام تاني من غير اي مشاكل


على العلم اني عايش في قطر و البنزيبن اللي بحطه 97 و العربية سكودا اوكتافيا 2008 مشتريها زيرو شهر 9 اللي فات و العربية اتوماتيك اليجنس

دة حاجة عارضة ولا لازم اكشف عليها في التوكيل لانى مش لاقي وقت اروح خالص
ارجو المساعدة و شكرا

بص يا باشا انت كدا فى كذا احتمال . اولاً كونك تخش البنزينة وتمون وتطلع السحب وحش يبقى بنسبة كبيرة جداً بنزين وحش ومغشوش وملوش علاقة بالبلد الغش علامة مسجلة :) . بالنسبة لموضوع مؤشر البنزين . دا بيبقى له علاقة بعوامة البنزين. جرب مون من بنزينة تانية ونشوف السحب اخباره ايه بردوا لاحظ هل الشكمان من بره لو حطيت ايدك عليه بيبقى فيه ريحة بنزين ولا لأ . وان شاء الله واحدة واحدة كدا هتتحل

[yts17]

انا عاوز اجيب a5 مستعملة و سمعت ان العربية بتجيب كمبريسور و فتيس برجاء سرعة الرد وكمان عاوز اعرف الفرق بين الموديلات 2005 2006 2007 واذا كان اجيب a4 احسن شكرا على الاهتمام ولو يريت تحط رقم الموبايل

صلى بيناعلى النبى :) ! مبدئياً ال A5 تعنى الرفاهية وال A4 تعنى الاداء الرياضى. انا عارف ان فى ناس كتير ممكن متتفقش معايا فى الموضوع دا بس دا رايى ال A5 هتلاقى فيها امكانيات من جوا اكتر بس كسحب واداء وقوة طبعاً ال A4 انا بشوفها رياضاية اكتر . الثبات تقريباً الاتنين واحد وان كنت انا ارجخ كفى ال A4 فى الثبات . معلومة كمان لو اتكلمنا على العربيات الاوتوماتيك ال A5 ستة سرعات وال a4 اربعة سرعات فقط لا غير . ومع ذللك الa4 اقوى بمتير اوى من ال A5 . مثال بسيط لما بتبقى ماشى على النقلة رقم 6 فى ال A5 وتعمل KICK DOWN العربيا بتنزل من 6 الى 3 وليس 5 او 4 حتى لأ 3 النقلات كتير بتبقى مدياك راحة فى السواقة بس تصارع ضعيف . الفروق بين السنين مش هقدر افيدك فيها اوى لانى مش مركز بيع زى ما قلتلك .
موضوع بقى القلقمن العربيا فعلاً فى عربيات كتير بتيجى فيها مشاكل فى الكمبروسور بس مقدرش اقول انا دى حاجة تقلل من قيمة العربيا من الاخر انا لو مكانك مش هتاخر عن ركوب العربية دى A5 او A4 دى ترجعللك .بالنسبة للفتيس ارجو من كل مالكى ال SKODA بالذات الوتوماتيك متتاخروش عن صيانة ال 60000 ابداً بالذات سير الكاتينة وزيت الفتيس .
نصيحة اخيرة ابعد شوية عن ال 2005 لانها من تجربة اكتر النسخ تعرضا لعيوب تصنيع .

[yts17]

السلام عليكم

شكرا يا باشمهندس انا كان ليا استفسار استلامت عربية فانتازيا وكيل 2010اول فئة اتوماتيك tp العربية كل حاجة تمام
بس النقل من ال p لى r تقيل وساعات بيبقى تقيل قوى وطبعا دايس فرامل للاخر وزرار ال shift lock
والعربية واقفة عدل مش مطلع او منزل وفرامل اليد مشدودة

وعلى فكرة انا سوقت اتوماتيك يابانى والمانى وكورى ومكنش التقل دة موجود
تانى حاجة هو مفيش لمبة بيان للحزام وشكرا

واضح ان فى مشاكل صناعة كدا! ارجع للوكيل . لان دا مش طبيعى

[yts17]

انا حجزت فى توكيل اسكودا 4 جنوط سبور 16 بالكاوتش بتاعهم عايز اعرف تمن كل حاجة كام
انا لسه شارى عربيتى من يومين (سكودا فانتازيا) معاهم كاوتش وطاسة 15 بالكافر بتاعهم فحديهم لللتوكيل واخد الجنوط ال16 فعايز اعرف تمن القديم كام والجديد كام اللى حخده منهم مع العلم انى لم امشى بالكاوتش الا يومين او تلاته والتوكيل عارف كده بس عشان مكنش فى الجنط اللى انا كنت عايزه التوكيل قالى تعالى كمان يومين تلاته وحبدلهم واحسبلك الفرق فقولتله اعمل حساب انى لسه شاريها وممشيتش بيها قالى انشاء الله بس عايز اعرف منكم تمن كل حاجة من اللى قولتها .
ياريت الرد من اصحاب الخبرة بتوكيل اسكودا

للاسف مش هقدر افيدك فى المبيعات

[yts17]

انا عندى مشكله كبيره جدا وارجو الرد فيها او حد يفيدنى فيها فى الاول لمبه الزيت نورت فى التابلوه مع انى لسه مغير زيت فى شهر سته روحت جبت زيت وفضيته كله ومشيت بيها شويه ولقيت لمبه الزيت راحت نورت تانى اطفى العربيه وادور اللمبه مطفيه شويه والالقيها نورت تانى روت جايب زيت تانى وحطيته العربيه خدت 2 جركن زيت يعنى العربيه فيها 8 كيلو زيت وبعد كدا مشيت بيها شويه اللمبه لسه منوره مشيت بيها لقيتها قلت فى السحب بتاعها وبعد كدا الموتور عمل صوت اكنه صوت عربيه نص نقل ولقيت دخان طالع من من الشكمان وفيه زيت وبس مش عارف اعمل ايه انا وقفت العربيه وجريتها بعربيه تانيه ومش عارف ايه فى الموضوع ده ياريت حد يفيدنى ويقولى ايه حل المشكله ديه وتكلفتها تكون فى حدود كام معلش طولت عليكوا

اهدى كدا ان شاء الله سهلة ومحلولة ! اولاً كدا العربية بتاخد 5 كيلو زيت بالفلتر وكونك تحرق فى العربية وتحطلها 8 كيلو بغض النظر دخلو ازاى فى المكنة بس دا طبعاً سبب الدخنة وخنقة الموتور للنك كدا مبهدل كفاءة المحرك ومأثر على الاحتراق بصفة عامة . بنسبة 80 % مشكلتك يا اما ساعة الزيت ودى تغييرها سهل جدا . بس دا فى حالة العربيا مش بتسخن . لو بتسخن يبقى طلمبة زيت . وان شاء الله بسيطة

[mabdou2005]

النهاردة كنت فى التوكيل نور الدين الشريف علشان اعمل صيانة الالف وقلت لهم على تقل الفتيس والمهندس المسئول قالى دة كدة طبيعى وجربتة معاة اكتر من مرة وكان النقل تمام الظاهر المشكلة عندى انا

[yts17]

النهاردة كنت فى التوكيل نور الدين الشريف علشان اعمل صيانة الالف وقلت لهم على تقل الفتيس والمهندس المسئول قالى دة كدة طبيعى وجربتة معاة اكتر من مرة وكان النقل تمام الظاهر المشكلة عندى انا

طيب الحمد لله انك اطمنت