م /طارق مصراوى جداً أرجو الإفادة بخصوص مركذ صيانة الصفوة

[mohey]

م/ طارق
أنا على وشك عمل صيانة 1000كم وحيث أننى من الأسكندريه لذا فكرت فى الذهاب إلى مركذ الصفوة بمحرم بك
أحد الزملاء نصحنى بالتوجه إلى مركذ قليوب لكونه الأكثر تخصصيه
حيث أن الصفوة مركذ خدمة لأكثر من نوع سيارة

فهل أتوجه إلى الصفوة أم أنتظر أسبوع حيث أكون متواجد بشبين الكوم "قريب من قليوب" فأتوجه إلى مركذ قليوب ؟
برجاء النصيحه

[مصراوي جدا]

استاذ محيي

اهلا وسهلا بيك

صيانة الألف عبارة عن تغيير زيت وفلتر اساسا ثم شوية مراجعات بسيطة على العربية وتربيط عفشة لو احتاج الأمر يعني صيانة سهلة اوي فمش محتاج ابدا تيجي مخصوص قليوب علشانها

كذلك فان مركز الصفوة مركز معتمد والناس هناك واخدين دورات تدريبية عندنا على صيانة الميتسوبيشي فحتى الصيانات القادمة ممكن تعملها هناك بدون مشاكل وفيه كمان مركز تاني في اسكندرية معتمد اللي هو المأمون في الازريطة وده تم اعتماده من كام شهر وناس محترمين

ولو فيه اي شكوى من حد منهم يهمنا نعرفها واحنا كان عندنا زمان ناس تانية معتمدة في اسكندرية لكن لما كترت الشكاوي منهم تم التخلي عنهم كمراكز معتمدة فاطمن فيه متابعة دايما من عندنا للمراكز المعتمدة وادائها والشكاوي منها

[mohey]

مهندس / طارق
ألف شكر على سرعة الرد وإن شاء الله يوم السبت هاتوجه لمركذ الصفوة
خالص تحياتى

[AlmAhAtmA]

مهندس / طارق
ألف شكر على سرعة الرد وإن شاء الله يوم السبت هاتوجه لمركذ الصفوة
خالص تحياتى

محيي
ممكن تروح المامون اللي في الازاريطه
عن تجربه مع احد اصدقائي مالكي اللانسر
المامون هوه المضمون
انا بعمل صيانه الهوندا في المامون من يوم ما استلمت
ناس محترمه ما فيش جشع
و كفايه انهم في نص البلد و بتكون العربيه قدامك
4844617
ده الرقم كلمهم و اتوكل علي الله

[mohey]

متشكر جداً يأستاذ / AlmAhAtmA

وإن شاء الله هكلمهم

[yahyanaabil]

حضرتك لو ناوى تروح الصفوه فضى يوم او تروح الصبح من النجمه عشان الصفوه ماسك صيانه الدايو فطبعا كميه العربيات اللى بتروح مهوووووله انا مره روحت الساعه 9 وكان دورى ال12

[AlmAhAtmA]

حضرتك لو ناوى تروح الصفوه فضى يوم او تروح الصبح من النجمه عشان الصفوه ماسك صيانه الدايو فطبعا كميه العربيات اللى بتروح مهوووووله انا مره روحت الساعه 9 وكان دورى ال12

المامون و خليك في المضمون

[mohey]

متشكر جداً ياجماعه على النصيحه
الحمد لله أنا رحت المأمون بالأمس السبت 27/10
ناس محترمه جداً كنت هناك حوالى 10ص خلصت 10.30 ص أى حوالى نص ساعة حيث تم تغير زيت وفلتر
ومراجعة تربيط العفشة
وأنا كنت واخد معايا زيت شيل هليكس ألترا وتم محاسبتى فقط على سعر الفلتر 50 جنيه .
;)

[ali1spc]

الاخ العزيز mohey ياريت توضحلى مكانة فين وشكرا

[AlmAhAtmA]

المامون مكانه في الازاريطه
ادخل شارع سوتر و بعد سيراميك كليوباترا ادخل يمين
رقم التليفون في الموضوع

الله ينور يا باشا اتمني ان نصيحتي تكون جابت فايده
الناس دي ظريفه و انا كنت لسه عندهم يوم السبت بسلم عليهم و اليوم ده عملت لهم اسم دخول للمنتدي

[mohey]

فى الأزريطه لو أنت جاى من على البحر وبعد مكتبة إسكندريه دخلت شارع مجمع الكليات عدى شريط الترام وخليك ماشى على طول هيكون ثالث شارع يمين وعلى مدخل الشارع ستجد إعلان لمركذ خدمة هوندا أدخل الشارع بعد حوالى 50 متر ستجده على شمالك.

[mohey]

الله ينور يا باشا اتمني ان نصيحتي تكون جابت فايده

أكيد وألف شكر ;)