ليه الناس بتبيع النيو Cerato كتير كدة

**bmwx5** · 04-04-2010 12:07 AM

اولا السلام عليكم
انا معاياالعربية نيو سيراتو مانيوال العربية تحفة نتكلم اولا عن العربية
الشكل و المنظر الخارجى مالوش حل
ثانيا الى بييقول ان العربية فيها اصوات كتيرة دة غير صحيح
ثالثا الى بيقول ان العربية بتقلب عند 100 دة مجربش العربية لانى انا بسافر بيها وببقى على سرعة عالية واعمل بيها غرزة و العربية ثبتة ما شاء الله
رابعا حكية التقفيل الزبالة الى انتا بتقول علية يا راجل دى احلى تقفيل من فئات اغلى فى السعر
انا بانصح اى شخص بيفكر يشتريها لا يتردد العربية ممتازة و زى الفل
وعلى فكرة انا اقول ماجبت العربية كلت بيها مطب من المطبات المصرية و والعربية حتى ما حكتشى فى المطب و بعدين الى بيقول دى كورى
انا مش فاهم احنا بناخد بالصناعة ولا بجودة العربية نفسها

ياجماعة ياريت ماحدش يتهة اى عربية انها زبالة قبل ما يجربها
ويقول اى كلام لمجرد اثبات راية فقط

**Samir_Adel** · 04-04-2010 04:40 AM

العربية كا اساسيات, زي الفتيس و الموتور و العفشة, بصراحة مفهمش حاجة, و اكيد محدش هيشتري حاجة فيها عيوب فابريقة و مستمرة!
جواب الموضوع دة يبان في المعارض و ملحق السيارات و المنتديات و كل دة بيدل عن ان كمية العرض و الطلب هايل مش اكتر.. مش هقلك هي بي ام دبليو ولا هقلك هي ميني كوبر! و في نفس الوقت مش هقلك مشاكل في الأساسيات محدش اشتكي منها ولا ظهرت! يا استاذ دي كيا.. معروفة في العالم كلة و علي مدي سنين طويلة.. مش ماركة جديدة هدفها انها تكون منتج استهلاكي و غير معمر!

**Beeso** · 04-04-2010 09:08 AM

ياااااااااااااااه ده أنا الموضوع ده اتردم عليه من زمان قوي :) أنا نسيته

أولا احب أوضح بس إن الموضوع ده أنا كنت عمله قبل مجيب العربية بتاعتي sx وكيل وده كان عشان كنت سمعت شوية إشاعات على النيو سيراتو وكنت عاوز أسأل الملك الحقيقيين للسيارة عشان أتأكد وفعلا ناس كتير جدا كان ليهم الفاضل بعد ربنا إني أجيب العربية ده اللي لنا فعلا مش ندمان إني جبتها ومستمتع بيها جدان ما شاء الله

اشكرك يا دوك إنك ردت على الناس اللي بتزم في العربية ده وبتقول إشاعات من غير حقائق

يجمعا العربية ده خلاص اثهرت بحث وتجارب ارحمنا مش معقولا بعد كل الحاجات ده برده نرجع نقول أصل إيه وكلما من ده من غير أدلة

شكرا واسف على الاطالة

**night_phoenix** · 04-04-2010 12:27 PM

ايه ده
انا سافرت شهر هوة لسه الكلام ده بيتفال و ينعاد
يادي القرف

**Beeso** · 04-04-2010 03:41 PM

إيه ده هو كمان الموضوع اتنقل من غير معرف :(

**Atrees** · 06-04-2010 02:24 PM

صباح الفل علي رجالة السيراتو

يعني هيا الناس اللي بتشتم في السيراتو مش عايزة تقتنع انها عربية محترمة ؟؟؟؟

يعني برة مصر وجوا مصر العربية محققة مبيعات خيالية وكل التقيمات اللي عليها برة وجوة مصر ممتازة وكل دة مش عاجب ؟

تعالوا نحسبها - كل الناس اللي اشترت السيراتو في العالم اغبية ( مثلا ) والخمسة ستة اللي في المنتدي بيشتموا في السيراتو هما اللي فاهمين ؟؟؟؟؟؟

يعني كلام الملاك مش عاجب - والمبيعات مش عاجبة - والتقيمات كدب - والانتشار وهم ملوش اساس - والعربيات اللي مشييت 15000 و 20000 الف كم كتجربة مش عاجب

طيب نعمل اية بقي ؟؟؟؟؟؟؟؟؟؟؟؟؟؟؟؟؟؟؟؟؟؟

اقولكم حاجة لكم المعارضين للسيراتو وشايفنها وحشة ؟؟ - خليكم في عربياتكم وسيبونا مع السيراتو الوحشة - احنا مبسوطين بيها جدا جدا جدا ودة عن تجربة مش سمعت وشوفت واحد صاحبي وابن خالتي اصلة مش عارف اية - وجاري اصلة بيقول علي الهامر احلي منها - وفلان اتقلب بيها وهوا واقف

نفسي واحد بس يقول ان العربية وحشة ويجيب دليل - مفيش - كلة كلام في البلوظة

وعجبي
اخوكم عتريس من قلب السيراتو المحتلة

**mameen** · 06-04-2010 03:32 PM

المشاركة الأصلية كتبت بواسطة atrees

صباح الفل علي رجالة السيراتو

يعني هيا الناس اللي بتشتم في السيراتو مش عايزة تقتنع انها عربية محترمة ؟؟؟؟

يعني برة مصر وجوا مصر العربية محققة مبيعات خيالية وكل التقيمات اللي عليها برة وجوة مصر ممتازة وكل دة مش عاجب ؟

تعالوا نحسبها - كل الناس اللي اشترت السيراتو في العالم اغبية ( مثلا ) والخمسة ستة اللي في المنتدي بيشتموا في السيراتو هما اللي فاهمين ؟؟؟؟؟؟

يعني كلام الملاك مش عاجب - والمبيعات مش عاجبة - والتقيمات كدب - والانتشار وهم ملوش اساس - والعربيات اللي مشييت 15000 و 20000 الف كم كتجربة مش عاجب

طيب نعمل اية بقي ؟؟؟؟؟؟؟؟؟؟؟؟؟؟؟؟؟؟؟؟؟؟

اقولكم حاجة لكم المعارضين للسيراتو وشايفنها وحشة ؟؟ - خليكم في عربياتكم وسيبونا مع السيراتو الوحشة - احنا مبسوطين بيها جدا جدا جدا ودة عن تجربة مش سمعت وشوفت واحد صاحبي وابن خالتي اصلة مش عارف اية - وجاري اصلة بيقول علي الهامر احلي منها - وفلان اتقلب بيها وهوا واقف

نفسي واحد بس يقول ان العربية وحشة ويجيب دليل - مفيش - كلة كلام في البلوظة

وعجبي
اخوكم عتريس من قلب السيراتو المحتلة

منور والله يا عتريس باشا
العربية دي بقت عامله زي نجوم السينما اي صحفي تعبان عايز يتشهر يفبك خبر عليها ويكتبه وخلاص من غير دليل
وبردة عايز اقول لولا اختلاف الاذواق لبارت السلع
طيب تعالو نعمل موضوع وناخد راي الناس في البلاك بيري ال 9000 وشوف راي الناس حيكون ايه
كفاية بقى كلام عن موضوع عيوب العربية لانها واضح جدا انها حملات مستهدفة للعربية للحد من نجاحه الكبير
واللي مش عاجبة السيرات الكوري يروح ياخد السيراتوا الالماني بتعاعة الاخ عتريس وشركاه
او الموزمبيقي بتاعتي (مطلوب شركاء)

**Atrees** · 06-04-2010 03:57 PM

المشاركة الأصلية كتبت بواسطة mameen

منور والله يا عتريس باشا
العربية دي بقت عامله زي نجوم السينما اي صحفي تعبان عايز يتشهر يفبك خبر عليها ويكتبه وخلاص من غير دليل
وبردة عايز اقول لولا اختلاف الاذواق لبارت السلع
طيب تعالو نعمل موضوع وناخد راي الناس في البلاك بيري ال 9000 وشوف راي الناس حيكون ايه
كفاية بقى كلام عن موضوع عيوب العربية لانها واضح جدا انها حملات مستهدفة للعربية للحد من نجاحه الكبير
واللي مش عاجبة السيرات الكوري يروح ياخد السيراتوا الالماني بتعاعة الاخ عتريس وشركاه
او الموزمبيقي بتاعتي (مطلوب شركاء)

ههههههههه حبيب قلبي - انا مكنتش اعرف انك المستورد بتاع الموزنبيقي - يا راجل مش تقول - احنا ممكن نبقي الموزعين بتوع حضرتك - الوزنبيقي بردو لية سوق

ربنا يرحمنا بقي من الغل والحقد دة - الواحد مش عارف يلاقيها منين ولا منين

**mameen** · 06-04-2010 04:44 PM

المشاركة الأصلية كتبت بواسطة atrees

ههههههههه حبيب قلبي - انا مكنتش اعرف انك المستورد بتاع الموزنبيقي - يا راجل مش تقول - احنا ممكن نبقي الموزعين بتوع حضرتك - الوزنبيقي بردو لية سوق

ربنا يرحمنا بقي من الغل والحقد دة - الواحد مش عارف يلاقيها منين ولا منين

عندك حق ربنا يسترها علينا كلنا
ومرحبا بك موزعا للموزمبيقي

**egycome** · 06-04-2010 05:40 PM

بدون زعل
العربية دى فعلا شكل على الفاضى
انا ركبتها وحسيت بكدة
لازم تحسس عليها اوى وخصوصا على العفشة عشان المقصات عبارة عن علب غير مصمته وممكن تقطم من نقرة كبيرة
وفيه شخص فى المنتدى اسمه غازى اتقلبت بيه من نقرة على الطريق على سرعة 100 وبيلعن فيها بعد ماكان من اشد المتحمسين ليها- واكيد ملوش مصلحة عشان يدعى ده
اسال مجرب ولا تسألش طبيب

الموضوع: ليه الناس بتبيع النيو Cerato كتير كدة

LinkBack

أدوات الموضوع

عرض

-

-

-

-

-

-

-

المواضيع المتشابهه

الناس اللى بتبيع عربيات وبيقلبوا يتقوا الله رجاء من الإداره مراجعة الروابط واستبعاد ه

هو ليه في كتير من الناس بتحب تفرض رايها

نادي حاجزي النيو سيراتو New Cerato

تحذير عشان كدة كتير على الناس ... رادار على منزل

مقارنه شرسه جدا ومحيره كتير جدا خش ادينا خبرتك suzuki sx4 sedan or kia cerato

الكلمات الدلالية لهذا الموضوع

المفضلات

المفضلات

ضوابط المشاركة