الموضوع: ليه الناس بتبيع النيو Cerato كتير كدة

المشاركة الأصلية كتبت بواسطة ahmedfd

و ليه مش حاطط إحتمال إن العربية ممتازة و بالتالي عليه طلب كبير و بالتالي بتتباع بسعر أعلى من ثمن التوكيل بالحجز و بالتالي الناس بتجيبها تجارة و تبيعها كسر زيرو بسعر أعلى ما جابتها؟

بالنسبة للسيراتو ممكن نبص على الموقع ده:
Usa news and world report
و ياريت نركز في الجملة الجاية دي اللي بتوضح أسس التقييم:
Rankings based on an in-depth analysis by u.s. News editors of all published auto ratings, reviews and test drives.

ده لينك تقييم السيارات في فئة الـ affordable cars

best affordable small cars - best cars & trucks - u.s. News rankings and reviews

+1

المشاركة الأصلية كتبت بواسطة salahlanser

العربيه دى بتقلب عند سرعه100 وفى اتنين العربيه قلبت بيهم وهما نت المنتدى بردة

مش فاهم
يعني تبقى ماشي كدا في امان الله واول لما العداد يجيب ماية تقوم العربية ضربة شقلباظ ونازلة على السقف ؟؟؟؟

المشاركة الأصلية كتبت بواسطة life_lover

بالنسبة للأخ اللى قال انهم بيبيعوها كسر زيرو عشان يكسبو دا مستحيل حد يكسب من عربية كسر زيرو دا كلام ميحصلش مش ممكن يعنى السيراتو كسرت القاعدة اوى كدة ......ثانية يا خونا العربية منظر عل الفاضى بس و اللى بيشتريها بيشتريها للمنظر بس

انا معاك في الموضوع دا بس اعرف واحد باع لانوس بعد ما جبها بكام سنة اغلى من ما جبها

المشاركة الأصلية كتبت بواسطة egycome

بدون زعل
العربية دى فعلا شكل على الفاضى
انا ركبتها وحسيت بكدة
لازم تحسس عليها اوى وخصوصا على العفشة عشان المقصات عبارة عن علب غير مصمته وممكن تقطم من نقرة كبيرة
وفيه شخص فى المنتدى اسمه غازى اتقلبت بيه من نقرة على الطريق على سرعة 100 وبيلعن فيها بعد ماكان من اشد المتحمسين ليها- واكيد ملوش مصلحة عشان يدعى ده
اسال مجرب ولا تسألش طبيب

انا مع واحد صحبي لبسنا بيها مطب على 60 تقريبا المطب دا بيحك في عربيتي العربية طلعت منها زي الفل

على فكرة انا مبحبش السيراتو بس مبحباش كدا يعني مش مستلطفها
ومش معنى ان انا مبحبهاش اني اهاجم العربية من غير مبرر