انا غيرت الشجرة امبارح بس فى حاجة عايز اعرفها عشان انا حاسس ان سرعة المراوح التانية ما بتشتغلش....ازاى اقدر اعرف السرعة التانية بتشتغل ولا لأ :majd(4):
عرض للطباعة
انا غيرت الشجرة امبارح بس فى حاجة عايز اعرفها عشان انا حاسس ان سرعة المراوح التانية ما بتشتغلش....ازاى اقدر اعرف السرعة التانية بتشتغل ولا لأ :majd(4):
هى كانت بتشتغل قبل كده عندك لأن اللى أعرفه انها بتشتغل عند حوالى 100 درجة
عموما انا عملت مرة حركة عندى ما انصحش حد يعملها جيت عند اطراف الترموستات التلاتة هم بن وبنى فى ابيض واصفرفى ابيض حاولت فيهم لغاية ما شغلت السرعة وواحد من العصابة قال لى كان ممكن تحرق حاجة كدة زى الكتاوت المهم ربنا ستر
لا ياباشا دى بتشتغل عند 92 واللى محيرنى ان قبل ما اغير الشجرة الحرارة كان الوضع العادى بتاعها 90 او اقل و يوم ما تعلى توصل 92 السرعة التانية تشتغل على طول بس دلوقتى الحرارة معظم الوقت عند 92 عشان كدة انا شاكك ان السرعة التانية مابتشتغلش....مرة كنت عند الكهرباءى بيغيرلى الترموستات و بعد ما ركبه كان عايز يجربه ففصل فيشة معينة كدة شوية لحد ما الحرارة عليت و قام موصلها فالمراوح لقطت على السرعة التانية على طول....بس المشكلة انى مش فاكر اى فيشة بالظبط و خايف العب فى حاجة
فايدة الترموستات انة بيقفل الدائرة لما الحرارة تعلى زى مفتاح صاحبك فك الترموستات من مكانه وهو اول واحد من فوق فى الناحية الشمال من الردياتير الحرارة عليت عن حرارة تشغيل المروحة اول ما ركبها اشتغلت المراوح على طول المهم انا قفلت الدائرة من غير ماافك الترموستات قشرت السلك اللى واصل له وقفلته على بعضة يعنى قفلت الدائرة قامت اشتغلت السرعة العالية يعنى عملت تمثيل ان الحرارة عالية على فكرة بعد تغيير الشجرة دى بتحصل حاجات غريبة كدة عندى مثلا شايف المية بتخس فى القربة ممكن تكون الدائرة واخدة هواء نتيجة ان الشجرة دى فى نص الدائرة عاوزين واحد يدلنا احنا الإتنين
مش ترومستات
فيه علبة فيوزات قدام البطارية ناحية الوش
فيه كتاوت لونه بنى
هو ده المسئول الأول عن تشغيل سرعتى المروحه
و غالباً اتحرق
الصلى منه الجى ام ب 65 جنيه و هو 7 او 8 رجول مش فاكر
العيب مش ترموستات خللى الكهربائى يفكه و يجربه بره
مكان رجول الكتاوت للعلم الكهربائى هياخد كهربا من البطارية و يبتدى يلمس و يشوف السرعتين شغالين و لا لأ
شكرا يا طنانى و عموما لما اروح للكهربائى هبقى اقول لكم اللى حصل
ومنكم نستفيد شكرا يا جماعه
موضوع الكتاوت ده فيه كهربائية بيقولوا لازم الترموستات و بعد كده الكنترول بتاع المراوح اللى هو الكتاوت بتاع السرعتين و معروف انى حاجة الكهربة مبترجعش
لو المراوح مبتشتغلش غير بقفله يبقى ترموستات لو شغاله سرعه واحده يبقى كتاوت سرعات
على فكرة انا جبت قصة القفلة على الترموستات دى من الكتالوج اللى كان على المنتدى هو مش واضح قوى بس عافرت من الدائرة اللى موجودة فيه