انصحوني : لادا ولا سويفت

مساء الخير يا اعضاء المنتدى الرائع بجد واكتر من رائع
انا طالب استشارة بسيطة انا نويت انشاء الله انزل اشتري عربية اليومين الجايين بس محتار بين :
1- لادا 2107 او 2015 مويل 93 - 95 .
2- سوزوكي سويفت موديل 93 - 95 .

مع العلم بان استخدام العربية حيكون استخدام معتدل مشاوير مع الاسرة والكلية وبس
وبالنسبة للسواقة فانا مش فارق معايا اللادا عشان في ناس مش بتحبها عشان خشنة شوية في سواقتها . لكن انا عاوز اعرف العربية الافضل من حيث القوة وقلة الاعطال و توفير البنزين وقطع الغيار .
طبعا انا عارف ان الادا بتتفوق في حاجات كتير بس انا عاوز اعلرف هل الفرق شاسع بينهم .

وشكرا .

شوف انت عايز اية كل واحدة ليها فئة اللي بيركبها يعني لو عايز العربية شكلها مقبول و تكييف قوي صالون مريح وعربية سحبها كويس و ناعمة يبقى خليك في السويفت و هي اوفر غي استهلاك البنزين عن اللادا
اما لو مش فارقة معاك الشكل و لا الموديل و لا ليك في السحب و يهمك تركب عربية صاجها قوي و عفشتها ناشفة و عالية عن الارض يبقى هات اللادا
الاختيار في الاخر يرجعلك حسب احتياجتك و متحسبش موضوع التكاليف لان الاثنين تقريبا زي بعض في اسعار قطع الغيار تقريبا

اعتقد السويفت ممكن تكون احسن وربنا يكرمك باللى فيه خير ليك

اقتباس:

---

شوف انت عايز اية كل واحدة ليها فئة اللي بيركبها يعني لو عايز العربية شكلها مقبول و تكييف قوي صالون مريح وعربية سحبها كويس و ناعمة يبقى خليك في السويفت و هي اوفر غي استهلاك البنزين عن اللادا
اما لو مش فارقة معاك الشكل و لا الموديل و لا ليك في السحب و يهمك تركب عربية صاجها قوي و عفشتها ناشفة و عالية عن الارض يبقى هات اللادا
الاختيار في الاخر يرجعلك حسب احتياجتك و متحسبش موضوع التكاليف لان الاثنين تقريبا زي بعض في اسعار قطع الغيار تقريبا

---

اقتباس:

---

اعتقد السويفت ممكن تكون احسن وربنا يكرمك باللى فيه خير ليك

---

شكرا للاهتمام والرد على الموضوع

الواضح انك مقتنع بالادا

اقتباس:

---

الواضح انك مقتنع بالادا

---

لا والله بالعكس انا مقتنع بالسويفت اكتر كعربية مريحة وشكلها حديث نوعا ما . ولكن انا قصدي ان لو مثلا العربية حتتعبني عن اللادا فممكن اتنتازل عن الراحة والشكل في مقابل تجنب الاعطال و زيارات الميكانيكي المتكررة .

خلاص السويفت عربية كويسة ومن راي افضل بكتير من اللادا

السويفت احسن من اللادا انعم واحلي وموفره في البنزين لكن صاجها ضعيف مقارنه باللادا

الادا قطع غيارها سهل تلاقيها... ورخيصه

اكيد هاقولك سويفت
لانها معايا بقالها حوالى سنه

لكن لو عايز دبابه اشترى لادا
وياريت تسوق السويفت وتسوق اللادا علشان تقدر تقرر

من الواضح كدة ان في تحيز للسويفت والصراحة انا مقدر التحيز ده عشان انا جربت العربيتين وطبعا ماينفعش اقارن السويفت باللادا من حيث النعمومة والراحة او عموما مفيش عربية في مصر تقدر تقول انها اخشن من اللادا .

اقتباس:

---

كيد هاقولك سويفت
لانها معايا بقالها حوالى سنه

لكن لو عايز دبابه اشترى لادا
وياريت تسوق السويفت وتسوق اللادا علشان تقدر تقرر http://www.nilemotors.net/nile/image...tons/quote.gif

---

ياريت يا استاذ احمد تقولي ايه اخبار العربية معاك (الاعطال و قطع الغيار متوفرة بسهولة ولا صعبة واسعارها كويسة ولا غالية)
وربنا يباركلك فيها انشاء الله .
اما موضوع السواقة انا جربت السويفت واللادا . طبعا السويفت اريح و انعم بكتير بس مفيش مشكلة معايا وانا بسوق اللادا عشان انا اتعلمت السواقة على لادا فده الطبيعي بالنسبالي .

1++++++++++++

ياريت يا استاذ احمد تقولي ايه اخبار العربية معاك (الاعطال و قطع الغيار متوفرة بسهولة ولا صعبة واسعارها كويسة ولا غالية)
وربنا يباركلك فيها انشاء الله .
اما موضوع السواقة انا جربت السويفت واللادا . طبعا السويفت اريح و انعم بكتير بس مفيش مشكلة معايا وانا بسوق اللادا عشان انا اتعلمت السواقة على لادا فده الطبيعي بالنسبالي .[/quote]

الاعطال : تعتبر اعطال عمر افتراضى لانها موديل 93 يعنى مثلا (العمر الافتراضى لماسوره مياه صدأت ودابت - طبعا عملتلى مشكله والعربيه سخنت فغيرتها فى ساعتها من عند اقرب ميكانيكى)
طبعا الموقف ده ممكن يحصل فى اى عربيه اى نوع
غير كده صيانه عاديه تغيير زيت وفلاتر
والعربيه بتشتغل بنزين 80 عادى (طبعا السحب بيقل لكن لو حطيت بنزين 92 جرب تسحب بعد ما تقوم من اى اشارة مع العربيات اللى جنبك وشوف السحب رائع على عربيه موديل 93 )

قطع الغيار : مش عارف اسعار لأنى الحمد لله ما احتاجتش حاجات كتير لكن المنتدى فيه لينكات كويسه لقطع غيار - ادخل على سوزوكى وهتلاقى
الحاجات اللى اتكسرت منى : فانوس خلفى : حوالى 65 جنيه تايوانى او صينى مش فاكر- مرايه جانبيه حوالى 75 جنيه تايوانى او صينى برده

بخصوص الاسعار ممكن تلاقي هنا
http://www.nilemotors.net/Nile/77427-a.html (اسعار قطع غيار السوزكي سوفت

الجر احسن من السحب (كرونة ) خليك فى اللادا

:36_1_1[1]: شكرررررررررررررررررررررا على الرد والاهتمام بالموضوع . وعلى فكرة انا اتفرجت على عربية سويفت مو 94 ولقيت الاتي : الفرش والتابلوه فبريكة بجد كأنهم زيرو بس شكلها مرشوشة من الخارج كلها وفي كمان حاجة مخوفاني من العربية العربية فيها بارومة في السقف معالجة والسقف شكله مش عاجبني اوي والعربية وانا بدورها بطلت بعد ما دارت ب 3 ثولني كانت عاوزة دوسة بنزين مع اني اعرف ان السويفت مش محتاجة دوسة بنزين وانت بتدور عشان فيها تسخين اوتوماتيك . فقررت ابعد عن العربية وخيرها في غيرها انشاء الله

اقتباس:

---

المشاركة الأصلية كتبت بواسطة ramyworm

:36_1_1[1]: شكرررررررررررررررررررررا على الرد والاهتمام بالموضوع . وعلى فكرة انا اتفرجت على عربية سويفت مو 94 ولقيت الاتي : الفرش والتابلوه فبريكة بجد كأنهم زيرو بس شكلها مرشوشة من الخارج كلها وفي كمان حاجة مخوفاني من العربية العربية فيها بارومة في السقف معالجة والسقف شكله مش عاجبني اوي والعربية وانا بدورها بطلت بعد ما دارت ب 3 ثولني كانت عاوزة دوسة بنزين مع اني اعرف ان السويفت مش محتاجة دوسة بنزين وانت بتدور عشان فيها تسخين اوتوماتيك . فقررت ابعد عن العربية وخيرها في غيرها انشاء الله

---

بس ياجميل
انا هقولك تجربه شخصيه عن السويفت
بس الاول واضح كده من تجربتك للعربيه الي انت شوفتها انك لسه في بدايات السوقه والخبره قليله شويه
اول حاجه طبيعي جدا انك تلاقي عربيه 94 راشه بره
لما 2005 و2004 بيرشوا بره
ثانيا السويفت المصري معروفه بأنها غير معالجه ضد الصدأ علشان كده هتلاقي شائع جدا فيها البارومه غير الياباني مقاومه للصدأ فالبارومه هتلاقيها اقل
ثالثا انك مع التدوير تدوس بنزين ده عادي جدا بعد ماتاخد العربيه تدي ظبطة كربراتير وطقم سيرفس كله هيبقي تمام
فكل الي فات ده مش الي تقيم عليه العربيه
انت بتقيم بحالة الصالون والموتور والكاوتش ونسبة الفابريكه والاستهلاك والحاله العامه
طيب تاني حاجه خبرتي مع السويفت
عربيه ناعمه سحبها حلو قووي مع اني كنت بستخدم 80 ثبات ضعيف حتي مع الجنوط الصاج مش قوي لكن مش ضعيف قوي برضك لان سمعت كده كتير قبل مااشتريها
قطع غيار في كل حته جديد واستيراد
سعر اعادة بيعها مش بطال يعني لما تجي تبيع مش هتخسر فيها

وربنا يوفقك

اقتباس:

---

بس ياجميل
انا هقولك تجربه شخصيه عن السويفت
بس الاول واضح كده من تجربتك للعربيه الي انت شوفتها انك لسه في بدايات السوقه والخبره قليله شويه
اول حاجه طبيعي جدا انك تلاقي عربيه 94 راشه بره
لما 2005 و2004 بيرشوا بره
ثانيا السويفت المصري معروفه بأنها غير معالجه ضد الصدأ علشان كده هتلاقي شائع جدا فيها البارومه غير الياباني مقاومه للصدأ فالبارومه هتلاقيها اقل
ثالثا انك مع التدوير تدوس بنزين ده عادي جدا بعد ماتاخد العربيه تدي ظبطة كربراتير وطقم سيرفس كله هيبقي تمام
فكل الي فات ده مش الي تقيم عليه العربيه
انت بتقيم بحالة الصالون والموتور والكاوتش ونسبة الفابريكه والاستهلاك والحاله العامه
طيب تاني حاجه خبرتي مع السويفت
عربيه ناعمه سحبها حلو قووي مع اني كنت بستخدم 80 ثبات ضعيف حتي مع الجنوط الصاج مش قوي لكن مش ضعيف قوي برضك لان سمعت كده كتير قبل مااشتريها
قطع غيار في كل حته جديد واستيراد
سعر اعادة بيعها مش بطال يعني لما تجي تبيع مش هتخسر فيها

---

اشكررررررررررررك بجد
وعلى فكرة انا جديد فعلا في السواقة ومعنديش خبرة في شراء السيارات .
ياريت لو حد يعرف يفيدني في موضوع الشرا ده ويجيبلي من الاخر عشان انا عندي شوية معلومات بس مش عارف استغلهم صح .
يعني انا لما بروح اتفرج على العربية بشوف الاول الصاج من بره فيه بارومة ولا لأ في كل الاركان وتحت العربية و كل ركن صغير وبعدها اشوف القوائم بتاعت العربية سليمة ولا فيها قلق وافتح الشنطة واشوفهم من جوة تحت الفرش لو في اي خبطة مسمعة جوة فيها ولا لأ وبعدين ادخل وادور العربية واشوف الفرش والتابلوه وادور العربية واسمع صوت الموتور واعلى و اوطي البنزين واشوف صوتها ناعم ولا فيه حاجة غريبة .
المهم بعد كل ده انا بعرف ايه العيوب اللي شوفتها بس ببقى مش عارف انزل في سعر العربية قد ايه ؟؟؟؟؟؟؟.
اسف للاطالة !!!!!!

السويفت أحسن من اللادا جايز..
السويفت؟؟!!!!!!!!
مع إحترامي للسويفت و لملاكها.
بس السويفت لا تقارن باللادا نهائياً من ناحية أي شئ و تعالوا نقارن و لو أني زعلان من المقارنة و مش تحيز للادا لكن أنا سوقت الأتنين و حقارن مقارنة عادلة و اضحة و أي حد بيعرف في العربيات ممكن يقارنها ببساطة لأني العربيتين مفيهومش تقنيات عالية و هتخلي المقارنة صعبة:

الصاج:
اللادا: صاجها قوي و أكصداماتها غنية عن التعريف و اللي معاه لادا أو عربيته أتخبطت منها قبل كدة أيا كانت عربيته عارفها كويس.
السويفت: ورق بمعني الكلمة و عن تجربه.

الكماليات:
اللادا: لا يوجد بها كماليات.
السويفت: لا يوجد بها كماليات.

الثقل:
السويفت: عادية.
اللادا: أتقل أكيد بس مع صيانتها مش هتحس بالموضوع ده.

الثبات:
السويفت: مجربتش أجري بيها أوي (للأمانة).
اللادا: ثابتة معايا و مفتكرش أني السويفت تكون أثبت من اللادا بأي حال من الأحوال.

الشكل:
اللادا: شكلها قديم.
السويفت: شكلها غير حديث و لكنه الأفضل.

النعومة:
اللادا: ناعمة لو محافظ عليها و مكنتش راكب قبلها حاجة خفيفة أو ياباني.
السويفت: مفتكرش أني في أي عربية ممكن تقارن بنعوم الياباني بالرغم من أني السوزوكي أقل السيارات اليابانية نعومة في رأيي و انا سقت غالبية الياباني بمختلف موديلاته.

البعد عن الأرض:
اللادا: أكيد أعلي.
السويفت: قريبة جداً من الأرض.

و متهيألي كدة المقارنة وضحت و أهم حاجتين فيها الصاج و الكماليتات الصاج في اللادا أتقل و الكماليات العربيتين مفيهمش كماليات يبقي ليه أخد عربية صاجها خفيف و قريبة من الأرض و بدون كماليات و قدامي عربية عالية و صاجها قوي و برضه مفيهاش كماليات؟؟!!
عشان أنعم؟؟!!
دي بقي مسألة أراء و أذواق.

عامة هي أذواق و كل واحد و رأيه و أياً كان الي جبته طالما انت مقتنع بيه يبقي ربنا يباركلك فيه.

سوزوكي سويفت

السويفت احسن بكتير الادا صاجها مش تمام على حد قول منظمة السلامة الأوروبية لومش مقتنع ادخل على اليوتيوب واكتبlada crash test وشوف ومش عالية اووى كنا بنركب 3 ورا اجسامنا صغيرة مش كبيرة اووى وبتحك خليك فى السويفت

اقتباس:

---

الثبات:
السويفت: مجربتش أجري بيها أوي (للأمانة).
اللادا: ثابتة معايا و مفتكرش أني السويفت تكون أثبت من اللادا بأي حال من الأحوال.

---

الصراحة انا موافقك في كل اللي قولته بس معترض على ان اللادا ثابتة !!!!!!!!!!!!
اعتقد ان حضرتك اول من ذكر كلمة ثبات مع عربية لادا لان كلمة ثبات لا يجوز ان تأتي بجانب كلمة لادا سواء ثبات ضعيف او ثبات قوي .انا اعتقد ان اللادا عربية صنعت بدون مفهوم الثبات .
والدليل على كلامي
1- ان انا اكتر عربية شوفتها بتعمل حوادث على طريق الكورنيش بسبب عدم الثبات هيا اللادا .
2- كلما ارتفعت العربية عن الارض وتصميمها كان غير انسيابي كلما قل ثبات العربية ( وطبعا انت لسة كاتب انها مرتفعة عن الارض والشكل كلنا عارفينه ) .
3- انا عملت حادث باللادا بسبب ان العربية عومت وانا ماشي على التاني مش اكتر .
4- العربية مريحة جدا في المطبات يعني عفشة ناعمة = عدم ثبات .
5-ده فيديو من اليوتيوب بيبين ازاي السواقين في روسيا بيرفعوا السيارة اللادا على عجلتين بس بمنتهى السهولة وهما ماشين طبيعي او على المارشدير ( طبعا بتترفع بسهولة لقلة الثبات )
[youtube]http://www.youtube.com/watch?v=5UMozftY3hw&feature=player_embedded#[/youtube]

طبعاااااااااااا سويفت

والله ياءخي عايزسياره حسب استخدام حضرتك او المقاسات والاءوزان والطرق عفوا كل سياره لها امتيازات ولكن مصر عايزه جرار

السلام عليكم
مع احترامي للجميع
من وجهة نظري الادا ليست سياره بمعني الكلمه هي تادي عمل السياره
1 الشكل (صندوق)
2 الموتور (بشع)
3 الصاج (طوبه)
4 الصالون(اشبه بالجلوس علي الرصيف)
5 قطع الغيار (متوفره عند اقرب بقال)
6 الثبات (اتفق فيما قاله رامي)
7 الفرامل (الصبر مفتاح الفرج)
السؤال الذي يطرح نفسه ؟
ماهي مميزات الادا ؟
الاجابه
عربيه ناشفه عاليه عن الارض قطع الغيار رخيصه

طيب هو انا جايب العربيه علشان اخبط بيها و بعدين هو في عربيه بيتجاب لها قطع غيار كل يوم عاليه عن الارض فين الثبات

بالنسه للسويفت
اكثر تجربه كانت بجوار السائق
الشكل مقبول
مريحه عن الادا
شكل التابلوه و العداد مريح
لها ثبات عن الادا
الصاج عادي ليس ضعيف مع عدم المقارنه بالطوب
قطع الغيار متوفره مش غاليه
يقال عليها سياره مع احترامي لكل راكبي الادا
ليه اجيب لادا لما في حجات تانيه اريح و اسهل في التعامل

اولا انا بشكر كل اللي رد على سؤالي وطبعا كل واحد ليه مطلق الحرية في اختيار العربية المفضلة بالنسبة له .

بس في مفهوم عندنا على ان اللادا عربية قوية وانا مش عارف الناس قصدها ايه بعربية قوية
اولا لازم الكل يشوف الفيديو ده الاول

[youtube]http://www.youtube.com/watch?v=erJtIM5r7KE[/youtube]

وبعد ما شوفنا الفيديو اكيد فيه حاجة غلط احنا فاهمينها عن العربية دي . يعني الممكن ان اللادا عربية قوية لو خبطت خبطة بسيطة او حكة في الصاج حتلاقيه اطبق وتروح ترده وخلصت العملية
انما قوة فعلية للعربية في الصدمات القوية لا اعتقد وطبعا انتو شوفتوا الفيديو وليكو الحكم

وياريت تشوفو الفيديو ده كمان عشان تعرفو ان حتى اللانوس اللي كل مللاك اللادا بيقولوا عليها عربية ورق جنب عربياتهم افضل من اللادا

[youtube]http://www.youtube.com/watch?v=y4OLE3vaTI8[/youtube]

سوزوكي سويفت

اقتباس:

---

المشاركة الأصلية كتبت بواسطة powerofhelll

السلام عليكم
مع احترامي للجميع
من وجهة نظري الادا ليست سياره بمعني الكلمه هي تادي عمل السياره
1 الشكل (صندوق)
2 الموتور (بشع)
3 الصاج (طوبه)
4 الصالون(اشبه بالجلوس علي الرصيف)
5 قطع الغيار (متوفره عند اقرب بقال)
6 الثبات (اتفق فيما قاله رامي)
7 الفرامل (الصبر مفتاح الفرج)
السؤال الذي يطرح نفسه ؟
ماهي مميزات الادا ؟
الاجابه
عربيه ناشفه عاليه عن الارض قطع الغيار رخيصه

طيب هو انا جايب العربيه علشان اخبط بيها و بعدين هو في عربيه بيتجاب لها قطع غيار كل يوم عاليه عن الارض فين الثبات

بالنسه للسويفت
اكثر تجربه كانت بجوار السائق
الشكل مقبول
مريحه عن الادا
شكل التابلوه و العداد مريح
لها ثبات عن الادا
الصاج عادي ليس ضعيف مع عدم المقارنه بالطوب
قطع الغيار متوفره مش غاليه
يقال عليها سياره مع احترامي لكل راكبي الادا
ليه اجيب لادا لما في حجات تانيه اريح و اسهل في التعامل

---

+1
مش عارف اقول ولا كلمه زياده عن حضرتك