طبعا البرامج دى معظمها دعاية ومش بتكون مقارنات فاصلة بين العربيات ...
-
لكن الحقيقة ان كل المقارنات بين 09 STi و 09 ايفو .. لقيت ان سواء كانت الايفو أسرع أو أحسن من ال STi أو العكس فان ال STi دايما الكل أجمع انها more FUN than Evo for driving
-------------------------------
YouTube - Fifth Gear - Evo X FQ300 v Impreza WRX STI
مشكوووووووور اتفرجت علي الفيديو مرتين.
احمد باشا كالعاده بتتحفنا بفيديوهاتك الجميله تسلم ايدك
بس انا مش فاهم هو الايفو اوتو بس ولا ايه لان كده تبقا الايفو اتظلمت وكالعاده الا اس تي اي تتألق
ياما نفسي مره اعمل دريفت وانا على سرعه كده بس مره بخاف لانها محصلتليش ولا مره حتي لو بدون قصد
يارب دريفت على خير كده
هو صحيح عايزين نوري فهد الفيديو ده لفهد اللي كان بيقول الامبريزا بتميل اوي وبتحدف على 60 ولا 80
على فكره انا مرتين شوفت فيديو للامبريزا 2006 مع جيرمي كلاكسون وهو داخل بيها ملف وهو على 100 ميل وده التاني برضه اهو للامبريزا 2009 ونفس السرعه
انا مش عارف اقول ايه غير ماشاء الله عليها
الايفو 2009 احسن كتير جدا من الامبريزا 2009 وده كلام كل البرامج العالمية
لو احسن كتير جدا كانت شركه سوبارو قفلت احسناقتباس:
المشاركة الأصلية كتبت بواسطة kholio
لان بديهي حتي مينفعش يبقى ليك منافس قوي اوي والناس دايما بتقارن بينك وبينه في كل حاجه (صغيره وكبيره ) وتسيبه في سنه كده بكل سهوله يتفوق عليك -- ياعم الناس دي مش بتلعب ده اكييد عندهم جواسيس لكل شركه فيهم للتانيه
ودايما الامبريزا والايفو يفرقو عن بعض حاجات بسيطه اوي سواء تميز دي في شئ والتانيه تتميز بحاجه تانيه ( بس برضو فروق بسيطه جدا ) لان في الاخر الاتنين ملوك الفئه اللي بينافسو فيها بدون منازع
وعلى فكره لو الايفو بتنزل ستيب ترونيك بس مفيش منها مانيوال تبقى غلطت غلطه عمرها بس انا مش متأكد من دي ياريت حد يأكد
دة مش فتيس اتوماتيك
دة إسمه دبل كلاتش ذي ال-dsg في عربيات فولكس ومعروف إنه بيدي تسارع أكتر بكتير للعربية من الجير المانوال نفسه
وبالمناسبة
فعلاً الايفو ١٠ تفوقت على الامبريزا في كذا مناسبة عالمية و دي مش حاجة جديدة
وكمان نسبة كبيرة من مكونات موتور الامبريزا مصنوع من متسوبيشي وأولها التربو كامل !!
اقتباس:
المشاركة الأصلية كتبت بواسطة Evo
معلش يا ايفو بس كلامك انا مش مقتنع بيه خالص
اولا الاوتو لحد دلوقتي واسأل عن شركه smg حيقولولك ان برضه لحد دلوقتي موصلوش لفتيس يدي تسارع افضل من المانيوال ( انا بتكلم عربيه واحده او نفس الفئه ودي مانيوال ودي اوتو ) والا ليه لحد دلوقتي عربيات كتير جامده اوي في الاوتو بس لما تعمل حاجه رياضيه تنزل منها النسخه المانيوال اللي بتبقى اعلي في الاداء دايما عن لو كانت اوتو
وكمان شوف الفيديو خد بالك ليه الايفو اخرت عن الامبريزا قالك عشان الفتيس ورد فعله البطي على عكس لو مانيوال كنت قبل ما تعمل ال 180 كنت حتسقط تاني وانت داخل وتلف وتكمل من غير ما تقف لحظه ( هاتلي فتيس اوتو فيه السينس ده لان دايما الانسان حيبقى اذكي اكيد ) وده كان نقطه ضعف في الايفو الجديده وانا كده اتأكدت منك ( انا اصلا بعشق المانيوال وبس ) ومهما سقت من عربيات جامده من جوايا بقول لو كانت تبقى مانيوال بس كانت حتعجبني اكتر كمان
انت عارف اختلاف اذواق بقى
ثانيا هي الايفو منزله الموتور البوكسر ده من زمان اوي كده :P عشان السوبارو تاخده منها ولا يكونش نظام الدفع الرباعي اللي طورته ميتسوبيشي هي كمان السوبارو واخداه منها ولا التيربو اللي مكتوب عليه sti متاخد من ميتسوبيشي برضه بس السوبارو بتكتب عليه بحب بقى http://www.nilemotors.net/Nile/images/smilies/36_3_10[1].gif
ياعم والنبي بلاش الكلام اللي يزعل الناس منك ده بالذات انك جاي جوه قسم سوبارو وعمال تقول كذا كذا ياعم حرام عليك كده قولتلك الاتنين جامدين واللي بيحب واحده مش لازم يغلط في التانيه ( اصلي زمان يامااااا حضرت خناقات هنا وبره وفي الاخر موصلناش لحاجه كل مقتنع بالعربيه اللي بيحبها اكتر ) عشان خاطري خلينا حبايب حيبقى احلى بالكتير :)
انا مش عارف مين قال ان الايفو 10 مفيهاش فتيس مانيوال ؟؟؟؟
فيها فتيس مانيوال عادى جدا .
و ياريت تتفرجوا على الفيديو دة
YouTube - Mitsubishi Evo vs. Subaru Impreza - Top Gear - BBC
fifth gear طبعا برنامج كبير و معروف .. بس top gear افضل و تقييماته ناس اكتر بتثق فيها ..
العربيتين ممتازين .. بس الايفو 10 تفوقت المرة دى بفارق كبير
أعتقد ايفو اتجهت للدفع الرباعى فقط فى الجيل 6 .. Evo6 . وده بعد نجاحات سوبارو فى الرالى ... لكن سوبارو من عام 91 وهى بتستخدم الدفع الرباعى وال boxer engine بوضعية الاسطوانات المتقابلة بشكل أفقى ..
-
أما بخصوص التربو فأسمحولى مش حرد ... والايفو طبعا عربية محترمة