عمر موتور الانوس ا ...حقيقة ولا اشتغالة

**ENG\AHMED** · 20-10-2009 03:01 PM

المشاركة الأصلية كتبت بواسطة mmamdouh

الموضوع مش مربوط بقدرة المكنة انما راجع للقصور الذاتى للمكونات

انت عارف اصلا لو تخطيت الريد زون ايه الضرر اللى بيحصل؟؟؟

عند اللفات العالية دى بتبقى كل اجزاء المحرك بتتحرك بسرعة عالية جدا... و من ضمن الاجزاء دى الصبابات... و عند سة معينة للموتور ممكن يحصل ظاهرة اسمها طفو الصمام valve float و دى تعريفها هو اسمرار فتح الصباب بالرغم من ان حدبة الكامة مش دايسة عليه...

يعنى باختصار الصباب حيفضل مفتوح مدة اطول من اللازم على السرعة دى نتيجة ان السوستة بتاعتة اضعف من انها ترد الصباب المندفع بسرعة هائلة فى الوقت المناسب و من هنا جة مسطلح الطفو لان الصباب بيبقى مفتوح بدون ما الكامة تدوس علية فا بيبقى اكنة عايم مع نفسة

المشكلة هنا ان مع العوم دة توقيت غلق الصباب بيتاخر و عادة ما بيلحقة البستم و يخبطة اكن سير الكاتينة مقطوع بالضبط و العربية بتجيب طقم صباب و ممكن تكسر الشواكيش كمان

فى عربياتنا الدايو و معظم العربيات الحديثة فيه rev limiter بيفصل الكهربا عن المكنة لما توصل الرد زون عشان يمنع لفات الموتور انها تتخطى حد الامان و دة بيعرف بظاهرة التفصيل

المشكلة بتحصل لو حد نزل نقلة و هو بيجرى و محسبهاش صح... يعنى نزل نقلة و هو اصلا ماشى على لفات عالية فى النقلة الاعلى... هنا حيجبر الموتور انة يرفع لفاتة بشكل كبير و مفاجىء و حيجبر المكنة انها تتخطى الريد زون ( و ساعتها الكونترول مش حيعرف يعمل حاجة) و حيحصل التلف سابق الذكر

اذا من الكلام دة نفهم ان الرد زون بيحددها مكونات المحرك خصوصا الصبابات و السوست بتاعتها و تصميم الشواكيش و خلافة

mmamdouh

فى حاجة تانية كمان زيادة على كلامك

- دورة التزييت .. الكمبيوتر فى الريد زون بيقلل كمية البنزين وبالتلى سرعة الموتور هتقل علشان يخرج برة الريد زون وبعدين يرجع يزود تانى وهكذا ودة هيدى فرصة اكبر للتزييت نتيجة للاحتكاك العالى بين اجزاء المحرك

- كل مادة ليها تردد طبيعة لجزيئاتها بمعنى ان جزيئات المواد غير ساكنة .. لو وصل تردد الاهتزازات الناتجة من دوران المحرك لنفس التردد الطبيعى لمكوناتة هينهار المحرك وبالتالى بيعمل الريد زون بحيث عدد لفات المحرك متعلاش عن قيمة معينة

----------------------------

القرص عمال على بطال اكيد هيقصر من عمر المحرك بغض النظر عن الصيانة .. احنا لو ثبتنا عامل الصيانة فى الحالتين سواء فى القرص او القيادة الاقتصادية هيفرق فى الاتنين يعنى لو واحد مش بيقرص على المحرك ومش مهتم بالصيانة فنفس النتيجة المحرك عمرة هيتقصف

القرص والحرق ملهوش دعوة بتفويق المحرك وعن تجربة اللى بيفرق فعلا طريقة السواقة
يعنى ممكن مثلا على طريق سريع عربيتين بيجيبوا 140 واحد يقرص ويحرق وهيوصل للسرعة دى فى ومن اقل بس هتلاقى صوت العربية عالى والمحرك مش مرتاح والتانى مش بيقرص وبيوصل لنفس السرعة وتلاقى العربية مرتاحة وقابلة انك تزود كمان
ممكن اتنين بيقرصوا واحد تلاقى عربيتة فايقة والتانى مكتومة والعكش اتنين مش بيقرصو تلاقى واحدة فايقة والتانية مكتومة
السبب فى الموضوع دة اتكلمت فية مع ناس كتير ومنهم محمد ممدوح وموصلناش لاجابة مقنعة فية .. اية اللى يخلى السرعة تفوق !!

**E30power** · 24-10-2009 04:43 AM

المشاركة الأصلية كتبت بواسطة scws

انا شخصيا بجيب الخامس على 90 او 100 بالكتير جدااااااااااااااااااااا

بس انتم بتقولوا حجات اول مره اسمعها بس انا شخصيا اخاف اجربها بصراحه
....

واخر حاجه جبتها بالانوس 140

انا الماروتى ال 800 سسى والاربعة غيار بقفل بيها العداد ولعربية ما شاء الله زى الفل مبتقلش بم ....وصاحبى صاحب العربية سواقتة اشد كتيررر منى كمان وعايشة معاة 3 سنين ما شاء الله مجاش ناحية الموتور ابدا .....

**tamercc** · 24-10-2009 06:26 AM

انا كمان باؤيد الكلام دا....و السبب انى معايا العربيتين....معايا ماروتى 2008 و شيفروليه لانوس 2009
الماروتى باوصل 70 على التانى و 110 على التالت و باجيب 145 لما بابقى على طريق حلو و الحمد لله العربه ماشيه تمام و اهيه داخله على سنتين معايا
اما اللانوس فبصراحه اخر سرعه عليها كانت 170 وجبتها لما كنت باشد مع عربيه دايو لانوس و الحمد لله اختفى من مرايتى من ساعه ما نقلت التالت علما انى بانقل اثناء الشد على 6000 لا لشئ الا لانى حاسس ان عربيتى مكتومه و لسه ماتفتحتش فلازم اقرص عليها عشان تجيب(عامله 5000 كيلو بس)...بس بوجه عام و للأمانه انا بارتاح فى الماروتى كتييييييييييييير عن اللانوس....