المشاركة الأصلية كتبت بواسطة khalid_mostafa
انا بالفعل قمت بايقاف عمل الأيرباج في اليارس وذلك للإسباب الأتية :
1-المفروض يا جماعة ان الموضوع يتاخد علي بعضه ...يعني مثلا في الخارج لو عربيه عملت حادثة والأير باج فتحت فمعتقدش ان حد بيهتم بإصلاحها ولكن بتترمي وتتجاب عربيه جديده فمحدش يقولي اننا لازم نفكر زيهم لأننا مش حنعرف نعمل زيهم لأن الواحد ببساطه بيجيب عربيه بطفح الدم
2- معتقدش ان اغلبنا بيفكر في موضوع الأيرباج لما بيقرر يشتري عربية..بمعني اخر وجود الإير باج من عدمه او عدد الأيرباجز حتي مبيرجحش كفة عربية علي اخري ولكن تأتي الأير باج في نهاية قائمة اولوياتنا ..يبقي احنا مش بتفرق معانا
3- طول عمرنا بنركب عربيات بدون اير باجز واعتقد انها دخلت مصر فقط في العشر سنوات الأخيرة فقط
4- الياريس بره بتيجي بأوبشن فصل عمل الأير باج وبيبقي ليها لمبة بتوضح انها مفصولة ومكانها تحت زرار الإنتظار ولكن هذا الأوبشن لا ينزل مصر وده معناه ان حتي بره توجد حالات بيتم فصل عمل الأيرباجز فيها
5- اعتقد ان ارتفاع سعر منظومة الأير باج يرجع الي جشع التوكيلات بالإضافة الي عامل مهم اخر وهي ان هذه المنظومة تحتوي علي سوكيتات كثيرة جداً و ترامل هذه السوكيتات (الأطراف المعدنية) مطلية بالذهب النقي لضمان التوصيل الجيد وعدم تأثرها بالرطوبة و الصدأ وخلافه بالإضافة الي ان الأير باج يأتي معها كارته اليكترونية وهي عالية التقنية
واخيراً تتميز جميع سوكيتات منظومة الأير باج لونها الأصفر ولفصل عملها يوجد في السيارات التي تنزل مصر اثنين فقط يتم فصلهم الأول يوجد خلف درج التابلوه ويتم فكه(اي الدرج) بإزالة البستم الأسود من الجانب الأيمن ثم امالة الدرج مع الضغط الخفيف علي الأجناب (وبالمناسة يوجد خلف هذا الدرج ايضاً فلتر التكييف) اما السوكيت الثاني فيوجد اسفل تارة عجلة القيادة بعد فك القطعة البلاستيكية السفلية ويتم ذلك بفك مسمارية من نوع النجمه من كل جانب من التارة
ملحوظة : بعد فك السوكيتات ستظل لمبة الأير باج مضاءة دلالة علي وجود مشكلة بنظام الأير باج