السلام عليكم... انا فى الحقيقه بالفعل اشتريت السوبر تشارجر الكهربائى دا من خلال زميل ليا فى الشغل بيسافر امريكا كتير.....كلفنى حوالى 200 دولار...انا لسه مركبتوش لانى لسه برة مصر و بنزل اجازات بس...انا قريت كتير جدا عنه فى النت فى المواقع الامريكيه و فهمت نظريته....فيه ناس امريكان كتير بتقول انه نصب..لان موتور العربيه اصلا بيسحب كميه هواء اكبر من اللى حتديه مروحه البلوور اللى فيه.....ناس تانيه قالوا انه حيستهلك كهرباء كتير و لازم 24 فولت مش 12 فولت ( بطارييتين) عشان يقدر يشتغل كويس.....الكلام كتير و مش عارف فين الحقيقه....بس انا لقيت حضرتك ركبته بالفعل و بتقول انه عامل فرق كويس..ياريت تأكدلى دا...على فكرة..من خلال المواقع الامريكيه اللى قريت فيها لقيت ان اللى بيتباع من ال ebay بيكون ضعيف جدا و تمنه بس حوالى 30 او 40 دولار.....و دا طبعا مابيعملش حاجه.....اللى انا اشتريته و لسه مركبتوش دا بحوالى 200 دولار,,, و مكتوب انه بيدى ضغط هواء (3) PSI ...انا ناوى ان شاء الله اركبه على الكروز...و نفسي يديها باور زياده بس فى الطلعات الاولانيه...يعنى اول و تانى و تالت مثلا ....لان اسرع من كده انا متأكد ان الموتور حيسحب هواء اكتر من البلوور....يعنى لو قدر انه يبنجح فى كده حعتبر انى مرمتش الفلوس فى الارض على حسب كلام الناس اللى بتقول انه مش بيعمل حاجه.... حد جربه تانى يا جماعه ؟ انا على العموم ان شاء الله لما اركبه حنقل التجربه هنا برضه و تحياتى للجميع
المفضلات