افيدونييا جماعه انا ان شاء الله هبقى بروتوناوي قريب

**assem_omar** · 12-10-2009 07:37 AM

انا محتار اجيب جين ولا برسونا ,, انا خاطب وهتجوز ان شاء الله قريب يعني مش عيله بقى وكده انهي واحده احسن
وايه الفروق بينهم والف وبجد بجد بجد انا اكتر حاجه قالقاني هي قطع الغيار حد يديني اجابه وافيه
وبصراحه احلى جروب في منتدى شوفتوا ناس زي الفل عاوز اقولكوا اني مسحول مع المنتدي والعربيه كمان عجباني مووووت

**ramyar** · 12-10-2009 07:54 AM

يا فندم ربنا يتمم بخير بخصوص الجين والبيرسونا الاتنين نفس العربيه والموتور وكل حاجه باختلاف الشنطه يعني الجين والبيرسونا نفس العربيه لغايه الباب الي ورا والفرق في الشنطه لاكن اعتقد ان البيرسونا اشيك (راي شخصي)علي الاقل بكره وبعده لما ربنا يكرمك باولاد البيرسونا تسد معاك
وبخصوص قطع الغيار الاخوه فطاحل البروتون يقدروا يفيدوك اكتر لاكن من هنا لغايه مايردوا ماتخفش قطع الغيار موجوده ومتوفره في التوكيل وكمان بره التوكيل جديد ومستعمل ومره تانيه ربنا يتمم بخير

- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

مشرف القسم

**m.3abdel3al** · 12-10-2009 01:00 PM

اولا الف مبروك مقدما على الجواز

و بالنسبة للفرق بين الجين و البيرسونا هو الشنطة بس

انا من وجه نظري ان الجين احسن من البيرسونا لان شكلها رياضي اكتر

بالنسبة للعيوب دلوقتي يعتبر ما فيش عيوب غير قليلة جدا

بالنسبة لقطع الغيار في كذا محل بيبيعهم بره التوكيل و باسعار كويسة جدا جدا جدا

ولو احتجت اي معلومات تاني او صور خش على اللينك دا

http://www.nilemotors.net/Nile/96474...sona-waja.html

**assem_omar** · 12-10-2009 04:41 PM

تمام يا بروتوناويه الف شكر بس ليه سؤال تاني هو الحجم الداخلي للعربيتين واحد؟
ولا البرسونا اوسع
بصراحه انا نفسي ابقى بروتوناوي

**Ahmed.Ali** · 12-10-2009 05:21 PM

انا حجزت و انا خاطب و هستلم انشاء الله بعد الجواز لاني هتجوز الاسبوع الجاي انشاء الله

انا شايف ان الجين مناسبه جدا لان شنطتها مش صغيره و وسعها الداخلي مش بطال

البرسونا اكبر في الشنطه بس و الكرسي الخلفي السقف اعلي حاجه بسيطه

**mimo3000** · 12-10-2009 05:52 PM

المشاركة الأصلية كتبت بواسطة theegyption

البرسونا اكبر في الشنطه و الكرسي الخلفي السقف اعلي حاجه بسيطه

ميه ميه الكلام ده الجين عشان لفت باك فسقفها واطى من ورا شويه فالناس الطويله لو قعدت ورا هتبى واطيه شويه عليهم

انا رايي جيب البرسونا انتا بتجيب عربيه تعيش معاك فتره لقدام فجيب حاجه تلبى جميع متطلباتك دلوقتى وبعد فتره والبرسونا هتبقى هى اللى هتبقى كده معاك عشان لما ربنا يرزقك باطفال تبقى مستعد ليهم

وربنا يتمملك بخير ياباشا

**assem_omar** · 12-10-2009 06:03 PM

الف شكر على المعلومات يا رجاله والف مبرووك يااحمد باشا وربنا يتمم بخير

**jackal_sheriff** · 12-10-2009 06:06 PM

i think there is no difference between both
even if the persona is much more bigger ,but it's only 16 cm
but gen 2 has a better shape
it's only a matter of appeal.......what do you like more??????/

**assem_omar** · 12-10-2009 07:28 PM

تفتكروا ان تركيب جنوط هيبقى مفيد وعملي ولا لأ
مستني اراءكم
واحلى لون ايه في البرسونا

ت

**khpopo** · 12-10-2009 09:31 PM

مبرووووك مقدما ... جين2 مش هاضايقك لان شنطتها مش هينه وعمرها مخذلتنى فى مشوار مع العائله لكن هى والبيرسونا اخوات واحلى من بعض وربنا يتمم لك على خير
ربنا يوفق