يا جماعة أنا عايز أعرف ايه هو الاضمن لما أجي أبيع العربية عشان مايحصلش مشاكل بعد كده انا رخصة العربية لسه فاضلها سنة وياريت كمان حد يعرف رسوم نقل الملكية للانوس 1998 1500 cc مع الشكر ....
عرض للطباعة
يا جماعة أنا عايز أعرف ايه هو الاضمن لما أجي أبيع العربية عشان مايحصلش مشاكل بعد كده انا رخصة العربية لسه فاضلها سنة وياريت كمان حد يعرف رسوم نقل الملكية للانوس 1998 1500 cc مع الشكر ....
لو انت اللى هتبيع لازم تبيع بنقل الملكية علشان تعرف تشترى عربية تانية من غير الدخول فى ضريبة الترفيه
فى حالة لو انت المشترى ولسة رخصة العربية فيها فترة ممكن تنقل ملكية بعقد مسجل بس اهم حاجة انك متمضيش على العقد وعند التجديد ونقل الملكية امضى على العقد
هتكلف حوالى 600 الى 700 رسوم نقل ملكيه
شكرا ياباشا ....
انا ان شاء الله اللي هبيع .
أنا على حد علمى إن القانون الجديد لغى ضريبة الرفاهيه
بس الإفضل إن الشراء أو البيع يكون على الأقل بعقد مسجل و بيبقى مكتوب فيه إسم المشترى و عند مكان توقيع المشترى بيتكتب " المشتى لم يوقع " وده عشان المشترى يقدر يمشى بالعربيه من غير ما يروح ينقل الرخصه بإسمه لحد ما ييجى ميعاد دفع الضريبه
مفيش اي مشاكل من البيع بالتوكيل خصوصا انك حتمضي المشتري اقرار استلام سياره وده بيكون علي ضهر نسخه العقد الخاص بيك او في ورقه تانيه منفصله
بتكتب فيها اقرار استلام سياره ,, اقر انا ,,, باني اسلتمت السياره ,, رقم ,, شاسيه ,, موتور ,, من فلان,, في تاريخ ,, الساعه ,, واني اصبحت مسئولا عنها مسئوليه كامله جنائيه ومدنيه وهذا اقرار مني بذلك
لو حتبيع بتوكيل وعاوز تضمن انه يسجل بعد انتهاء الرخصه اكتب في التوكيل ( له حق البيع لنفسه وللغير فقط ) ولازم تكتب فقط
لو عندك عربيه تانيه بتدفع عليها ضريبه ترفيهيه
اسمحولي:
معلش سؤال جه على بالي بخصوص الموضوع
ضريبة الرفاهيه اد ايه تقريبا
وتتدفع على انهو عربية يعني الاقدم والا الاجدد والا ايه بالظبط
وشكرا ع الافاده