Daewoo Lanos Sport vs. Honda Civic VTi

**khaled_rafea** · 18-10-2009 04:33 PM

البوست ده اللى هو ضغط الهوا بتاع التربو ولا شئ أخر ؟ و ازاى بيتظبط, و ازاى موتور صغير يستحمل اللفات الكتير اوى دى حتى لو مظبط مكوناتة (الكرنك و البساتم) عمليا يا باشا و فى مصر, الكلام ده ممكن ؟ شكرا على ردك وعلى الافادة

**MMamdouh** · 18-10-2009 05:46 PM

المشاركة الأصلية كتبت بواسطة khaled_rafea

البوست ده اللى هو ضغط الهوا بتاع التربو ولا شئ أخر ؟

هو فعلا ضغط الهوا بتاع التربو

و ازاى بيتظبط

من خلال ضبط الwastgate بس طبعا محتاج شوية تضبيطات معاه زى نسب البنزين و توقيت الاشعال و لو بنتكلم فى ضغط عالى ممكن الموضوع يوصل لتغيير بساتم و بيلات و كرنك

و ازاى موتور صغير يستحمل اللفات الكتير اوى دى حتى لو مظبط مكوناتة (الكرنك و البساتم)

عدد لفات الموتور متغيرش و التربو مش بيغيرها.. اللى بيتغير هو الضغط داخل غرفة الحريق... و عشان مواجهة الضغط دة بيتركب كرنك و بيلات اقوى من الستاندر

عمليا يا باشا و فى مصر, الكلام ده ممكن ؟ شكرا على ردك وعلى الافادة

الناس اللى ممكن تعمل حاجة زى كدة قليلة اوىناس اللى تقدر تعمل الحاجات دى فى مصر قليلة اوى

MMamdouh

**MMamdouh** · 19-10-2009 02:58 PM

المشاركة الأصلية كتبت بواسطة khaled_rafea

شكرا على الرد بس سوررى كنت عاوز استفسر تانى بعد اذنك, ايه هى الواست جات ؟ بوابة الفاقد ؟؟؟

الوست جيت دة عبارة عن صمام بيسرب غازات العادم و بيخلليها متعديش على توربينة التربو... فتح او قفل الوست جيت بيعتمد على ضغط الهواء اللى بيولدة التربو و انت تقدر تضبط الوست جيت انة يفتح عند ضغط الهوا اللى انت عايزة بالتالى ممكن تشتغل ب نص بار او بار او واحد و نص حسب احتياجك للقدرة و حسب ما مكنتك تستحمل

الحاجة التانية بقى لما الضغط يعلى اكيد الموتور بيلف اسرع بكتير وده اللى بيخلى العربية تجرى اسرع ولا ازاى العربية بتجرى و عدد اللفات مش كتير

هو مش بيلف اسرع... لكن العزم الزيادة بيخللى العربية تتسارع فى زمن اقل بالتالى انت بتحس بالسرعة... يضاف الى كدة ان المكنة حتقدر توصل لRPM عالى على النقلة الخامسة بالتالى توصل لtop speed اعلى من الطبيعى

, انا بلاحظ كمان ان ال ار بى ام بيدخل فى الرد زوون, ازاى بقى الموتور بيتعامل مع الكلام ده ؟

العربية معمول ليها توننج و المانجمنت مختلف بالتالى ممكن تعديل نقطة التفصيل

MMamdouh