YouTube - Daewoo Lanos Sport vs. Honda Civic VTi
MMamdouh
عرض للطباعة
مش دي عربيه mr g
؟؟؟؟؟؟؟
yes
MMamdouh
شديده اوى
هوه مركب تيربوا على مكنه 2.0؟؟
فيديو جامد, علي فكره عندي أخت الجوليت دي و نفس اللون بس مكنه 1500 مواصافات كوري وكان نفسي أعمل فيها الشغل ده بس حسبي الله ونعم الوكيل, تراخيص عربيات المعوقين وقفت.
الله ينور يا ممدوح باشا على الفيديو بجد ديما بتشرف الانوس
بس يا pop3 هيا هيا تراخيص المعوقيين وقفت تماما نهائيا ولا لسة فى قرار هينزل متعدل
طيب لو معوق معة رخصة يقدر عادى يرخص عربية من جديد لأنة كان لية حق يجدد كل خمس سنين
وموقف اللى معاهم عربيات كدة مع حضرتك اية مع المرور مش هتترخص خلاص ولا بعد خمس سنين هيرخصوا
وشكرا
ايوه فاكرهاقتباس:
فاكر الزميل اللى كان معاه لانوس و عربيتة بتدخن و كان فيها مكنة اوبل؟
بس المكنه دي عفيه اوى اوى بدرجه فظيعه وكمان على جوليت
الواحد يسقط مكنه 2.0 على الانوس ويروح يركبها تيربوا وينسى الكلام :d
ايه الجمال دا.
daewoo rules
you are fighter
متهيألي ان السيفيك ستوك....ولا إيه؟
honda vti
تحفة
هههههههههههه
مش عارف اقولك ايه
هتخلينى افكر فى الموضوع ده :d
اوك يا pop3
انا مستنى منك اى رسالة على الخاص
والف شكر ياباشا
طيب عرفنا اللانوس فيها ٢٫٠ تيربو الهوندا بقى فيها إيه
الهوندا حصل لها وييل سبيننغ كتير جداً
الهوندا فيها 1600 cc
dual cam, 160 hp, stok
طبعا الهوندا اتقل, ومينفعش نقارن كمان موتور تربو بموتور عادى, اكيد التربو حيكسب يا باشمهندسين
جامدة جدا الله ينور عليك
لما تكون الهوندا ١٦٠٠ واللانوس ٢٠٠٠ تربو
والفرق بينهم في الدراج قليل بالمنظر دة يبقى في حاجة غلط !!
يا إما اللانوس فيها موتور تربو عيان
أو الهوندا كلها كربون فيبر
حوالى 1100 , مش متأكد بالظبط من الموديل ده , بس مش حتقل عن كدة, الجوليت وزنها كام ؟
يعنى يا باشا نفس الوزن تقريبا, بس موتور السيفيك ده مش تايب r , ده موتور الستوك العادى خالص, التايب r قوتة 185 حصان مش 160 , بس انا كنت فاكر ان الدايو عموما خفيفة, لأن عندنا سيفيك 93 و نوبيرا 1 بس بحس ان السيفيك اتقل, على فكرة انا بحترم الجوليت جدا و بحبها , بس برده الدراج ده مش فاير خالص
الهوندا السيفيك الvti الأوروبي الهاتش بتوزن1195
والمحرك 1600 سي سي بيخرج 160 حصان عند 7600 و عزم 150 عند 7000
CIVIC TURBO vs GT-R R35 PART 3 - DYNO TUNE & RACE - Car Videos on StreetFire
دى يا شباب سيفك بس بالتربو بتوصل لأكتر من 500 حصان, طبعا انا مش فاهم اوى فموضوع التربو ده, بس ممكن بشمهندس محمد ممدوح يقولنا اذا كان الموضوع ده حقيقى فعلا ولا الاجانب بيشتغلونا !!!
لا لا مش اشتغالات ولا حاجة... التربو فعلا بيعمل كدة
اديك شوفت نفس العربية ب 3 ضبطات مختلفة للبوست نقلت نفسها من عربية خسرانة بفرق طول واحد الى مكسب بفرق شارع
boost is all about tuning
MMamdouh
البوست ده اللى هو ضغط الهوا بتاع التربو ولا شئ أخر ؟ و ازاى بيتظبط, و ازاى موتور صغير يستحمل اللفات الكتير اوى دى حتى لو مظبط مكوناتة (الكرنك و البساتم) عمليا يا باشا و فى مصر, الكلام ده ممكن ؟ شكرا على ردك وعلى الافادة
هو فعلا ضغط الهوا بتاع التربو
من خلال ضبط الwastgate بس طبعا محتاج شوية تضبيطات معاه زى نسب البنزين و توقيت الاشعال و لو بنتكلم فى ضغط عالى ممكن الموضوع يوصل لتغيير بساتم و بيلات و كرنكاقتباس:
و ازاى بيتظبط
عدد لفات الموتور متغيرش و التربو مش بيغيرها.. اللى بيتغير هو الضغط داخل غرفة الحريق... و عشان مواجهة الضغط دة بيتركب كرنك و بيلات اقوى من الستاندراقتباس:
و ازاى موتور صغير يستحمل اللفات الكتير اوى دى حتى لو مظبط مكوناتة (الكرنك و البساتم)
الناس اللى ممكن تعمل حاجة زى كدة قليلة اوىناس اللى تقدر تعمل الحاجات دى فى مصر قليلة اوىاقتباس:
عمليا يا باشا و فى مصر, الكلام ده ممكن ؟ شكرا على ردك وعلى الافادة
MMamdouh
شكرا على الرد بس سوررى كنت عاوز استفسر تانى بعد اذنك, ايه هى الواست جات ؟ بوابة الفاقد ؟؟؟
الحاجة التانية بقى لما الضغط يعلى اكيد الموتور بيلف اسرع بكتير وده اللى بيخلى العربية تجرى اسرع ولا ازاى العربية بتجرى و عدد اللفات مش كتير, انا بلاحظ كمان ان ال ار بى ام بيدخل فى الرد زوون, ازاى بقى الموتور بيتعامل مع الكلام ده ؟
الوست جيت دة عبارة عن صمام بيسرب غازات العادم و بيخلليها متعديش على توربينة التربو... فتح او قفل الوست جيت بيعتمد على ضغط الهواء اللى بيولدة التربو و انت تقدر تضبط الوست جيت انة يفتح عند ضغط الهوا اللى انت عايزة بالتالى ممكن تشتغل ب نص بار او بار او واحد و نص حسب احتياجك للقدرة و حسب ما مكنتك تستحمل
هو مش بيلف اسرع... لكن العزم الزيادة بيخللى العربية تتسارع فى زمن اقل بالتالى انت بتحس بالسرعة... يضاف الى كدة ان المكنة حتقدر توصل لRPM عالى على النقلة الخامسة بالتالى توصل لtop speed اعلى من الطبيعىاقتباس:
الحاجة التانية بقى لما الضغط يعلى اكيد الموتور بيلف اسرع بكتير وده اللى بيخلى العربية تجرى اسرع ولا ازاى العربية بتجرى و عدد اللفات مش كتير
العربية معمول ليها توننج و المانجمنت مختلف بالتالى ممكن تعديل نقطة التفصيلاقتباس:
, انا بلاحظ كمان ان ال ار بى ام بيدخل فى الرد زوون, ازاى بقى الموتور بيتعامل مع الكلام ده ؟
MMamdouh