لتاثي مرة وبعد شهر واحد من الزيادة الأولي يرتفع سعر الكارينز ليصبح
112900 لللآتوماتيك :whtauwant:
102900 للمانيوال :whtauwant:
ولاعزاء للسادة الحاجزين
عرض للطباعة
لتاثي مرة وبعد شهر واحد من الزيادة الأولي يرتفع سعر الكارينز ليصبح
112900 لللآتوماتيك :whtauwant:
102900 للمانيوال :whtauwant:
ولاعزاء للسادة الحاجزين
الكيا كله اوفر برايس وطالما الزبون بيدفع نرفع تانى وثالث وكآننا بنشترى سيارة ماحصلتش
حقهم يزودو طالما الطلب كتييييييير
يعني ايه حقهم يزودو!!!! .. هو عشان السلعة عليها طلب مع ان في بدايل في السوق يبقى ارفع السعر عشان استغل المستهلك .. ده في شرع مين .. مفيش اي قاعدة اقتصادية تجارية تؤيد اللي توكيل كيا مصر بيعمله ومتقوليش الطلب زاد والعرض قليل فا السعر بيزيد .. لان ده استغلال ..لما تبقى الناس حاجزة والدفعات تيجي ويسلم العربيات للموزعين والنس تدفع غصب عنها ..ولو مش عاجبك استنى ست سبع شهور يبقى عيب اوي !!!.. الله يرحمك يا نصير .. وانا متأكد ان اي اوفر برايس في اي معرض في مصر الاساس فيه التوكيل .. وشرحنا الموضوع ده قبل كده .. وربنا يحنن قلب الوكلاء علينا .. قولو امين
هما مش مصدقيين نفسهم ولا ايه ؟؟؟؟فعلا نتيجة للاقبال على منتجات كيا هيرفعوا ممكن الناس والسوق يقلبوا في لحظة وممكن حاجة تانية تنزل تاكل السوق وتاكل كيا وساعتها هيعيطوا بدل الدموع ملوخية!!!!!!!!!!!
ياجماعه البدائل كثيرة وساعتها تعرفوا السعر الحقيقى لبضاعه الكيا . الحل اتركوا الماركه دة شويه ساعتها ستجدوا الاسعار تهوى غصب عنهم . للاسف السوق هو عميل بيدفع فلوس . العملاء غالبآ فى دولنا يتحركوا بتوجيه البائعيين والبائعيين امامهم مصالح . البدائل الافضل
السيراتو .. النترا او هوندا سيتى او لانسر كلاسيك او جديد. الكارينز عندك الماتركس او ( اى 30 وجن الجديدة ) وهناك بدائل تانى .
تعمل ايه في المستهلك المصري!!!
تغلي الحاجة ولا تعملها بالحجز و لا تحرقها بجاز حتى هوه كده كده شبطان فيها و مش هيتنازل عنها أبدا!!!!!!!
مش عارف ايه اللي جابر الناس على كده تخيل انك عايز تجيب نطلون و لا قميص و يقولك أدفع و تعالى استلمه بعد تلات شهور و بسعر اغلى!!!
طبعا ساعتها هتقول ما في داهية ده حلاوة الحاجة انك تدخل المحل تتفرج و تقيس و تشتري و تروح بحاجتك و تنزل تروح بيها الشغل تاني يوم بئى و انته فرحان بالطقم الجديد
فما بالكم بعربية!!!!!!! ادفع و أستنى تلات أربع خمس شهور ليه يعني!!! لأ و السعر عليك بيزيد مش كفاية انهم حاجزين فلوسك بيشغلوها و تدر عليهم ربح كل ساعة!!
(((ده رأيي الشخصي و تفكيري مع كل احترام و تقدير لكل من يختلف معي من أخواني و أخواتي من غير زعل)))
الماتركس افضل من الاتوبيس الكارينز والالنترا افضل من السيراتو يا اخونا المصريين هم بانفسهم يشجعوا الجشع . اتركوها وجربوا وروحوا للبدائل وشوفوا الاسعار تنزل ازاى. وبعدين الكيا فى الخليج رخيص جدآ ومش لاقيين زباين خلوا التجار الكبار يستوردوها ويضربوا اسعار الوكيل
يا ريت حضرتك تبطل تحامل على منتجات كيا .........
والكارينز بكل المقاييس والنواحي افضل من الماتريكس وده موضوع منتهي ومفروغ منه وتم حسمه ......والنترا ايه اللي افضل وافضل في ايه .......
ومحدتش جاب سيرة الخليج خالص وزي مابرده الكيا رخيصة هناك الهيونداي ارخص واقل استعمالا وانتشارا
الناس ده محتاجة وقفة علشان الاسعار
يا اخونا ال عايز كيا ببلاش فى الخليج محدش بيشتريها . ال عندة حد فى الخليج يجبها وبالاسعار ال هنا يكسب كثير . السيارة تباع 41500 ريال فول اوبشن وعليهم 52000 ج جمرك. توصيل لحد السويس 4000 ريال . الريال = 44و1 ج احسب وشوف تكسب كام لما تلاقى سعرها 130 الف هنا . تكسب لك 14 الف جنيه وانتى باشا . دة مثال يورى جشع واستغلال الناس من الوكيل . وعلى فكرة موصفات الخليج اعلى وافضل من الكيا المصرى لآن الوكيل شايل حاجات كثيرة ويلعب فى الفئات للربح السريع ومحدش عارف حاجه وفرصه فى الهيصه
السلام عليكم ... يا جماعة كل التوكيلات اللي الناس مقبلة على شراء عربياتها زي الكيا و الاوكتافيا و بعض الماركات التانية بيزودوا في الفترة دي ثمن العربية حوالي 3 أو 4 الاف جنية و ده قبل شهر 1 / 2009 لأن الحمارك هتخفض 10 % يعني هيقل ثمن العربية 3 أو 4 الاف جنية و بالتالي ميخسروش و لا مليم من أرباحهم الفظيعة و خلي بالكم الزيادة في الأسعار هتبقى سنوية علشان يكسبوا أكثر رغم أن تخفيض الجمارك مش هيأثر على أرباحهم أنما نقول ايه جشع و احنا طبعا بنشجعهم على ده لما نشتري العربية أغلى من ثمنها بخمس أو عشر الاف جنية نفسي أفهم لية؟؟؟؟؟؟ يا جماعة رجاء اللي عجباه عربية أوي و مش قادر يلاقي لها بديل يحجز بالسعر الرسمي و يصبر شوية .. بدل الخسارة دي .. امتى هنعرف نوقف اللي بيستغلونا و يكسبوا على حسابنا و امتى نعرف نجيب حقوقنا منهم لما العربية يظهر بها أي عيوب .. يا جماعة كل ده بيحصل و احنا في ازمة عالمية و جميع التوكيلات بتترجى الناس و تتحايل عليهم و تعملهم عروض مغرية جدا علشان يشتروا العربيات ؟؟؟؟؟؟؟!!!!!!
ياسبحان الله . هوندا سيتى والالنترا واللانسر والكرولا وفئات الكارينز عندك الماتركس والبيجو 407 اس دبليو والسيات التيا وهيونداى اى 30 واجن مجموعه سيارات محترمه مش عارف تيجى ايه الكيا جنب هؤلاء؟؟؟؟
407 sw بكام و الكارينز بكام؟ انت بتهزر و لا انت كده؟
akram2010
ما ردتش على سؤالى ليه ؟؟؟
يا جدعان حد يجبلى مصحف أحلف له عليه أن كيا و هيونداى تبع بعض
كيان واحد
شركة واحدة
عيلة فى بعضيهم
مش لاقى رد للموضوع غير حسبى الله ونعم الوكيل وبجد احنا اللى بنعمل فى نفسنا كده مفيش فايده اخدنا على كده من التجار جشع وبس وكلام وبس بجد عليه العوض ومنه العوض فى حماية المسكين المستهلك