لو فكرنا على المدى البعيد الغاء الدعم هيعمل حاله فقر وجوع فى بلد ملهاش مثيل
اولا اللى هيبقى مستفاد من الزياده فى المرتبات اذا حصلت يعنى هيبقى موظف الحكومه بس , بمعنى ان الراجل بتاع القطاع الخاص ايه اللى هيلزمه على انه يعلى مرتب موظفينه اذا كان هو اساسا هيتضرر زيه زيهم من ارتفاع سعر الكهرباء والبنزين
بالتالى الموظف بتاع القطاع الخاص راح فى الرجلين , ضيف على كدا ان مش هيبقى زياده فى البنزين وبس
لا ده اى حاجه هتغلى علشان كذا سبب , اولهم ان اى سلعه بتتنقل بعربيات وده لوحده زياده فى مصاريف النقل فزياده فى سعر السلعه وكمان البائع اللى بيبيع السلعه والمصنع اللى عملها زاد عليه الفواتير فهو كمان عايز يكسب اكتر
يعنى اللى كان بجنيه النهارده بكره هيبقى بأتنين جنيه , الحكومه بقا ناويه تعمل ايه فى الحوار ده ؟
المفضلات