الموضوع: عروض اضاحى العيد(متجدد)

شكرا استاذ احمد على العرض
طيب لو هنشتري بس يفضل عندك لغاية العيد تكلفة الاقامة لحضرته كام؟؟
ملحوظة في السر من غير ماحد ياخد باله
اللون الاحمر مخصص لمداخلات الادارة فقط وممنوع استخدامه على الاعضاء
منور المنتدى

طيب ممكن معلومه عن سعر المواشي و افضلها (( للاضحيه طبعا )) عشان موضوع السن و غيره

احنا جبنا من اول شهر رمضان وعلى فكرة انا والدى ليه خبرة جامدة مع تربية العجول والخرفان والاكل وكده
نصيحة منى اللى عايز ياكل لحمة صافية من خروف او عجل يتبع الاتى:
نظام العلف:
شول دشيشة (ذرة صفرة)
شوال ( ردة)
شوال قشر فول
............
طبعا على حسب الاعداد اللى موجوده يعنى احنا عندنا خروفين
بيبقى نظام الاكل عندنا كالاتى:
بناخد من كل شول قيمة 300 جرام منه ونخلطه مع بعض
وقت الاكل :
مرة الساعة 6 الصبح
مرة الساعة 4 العصر
وياجماعة ما تفرحوش ان الخرفان بتاكل اوى لا حطله الكمية اللى انا قولتلك عليه وماتحطلوش كميات كتير من الاكل لانه بيفضل يرمى فيها وما بيكلهاش ولا مؤاخذة (بيعمل حمام عليها) وبعد كده بيقرف ياكل منها تانى وتضطر تغيرله مكان الاكل
المية لازم بستمرار قدامه
واتفرج يا معلم على كمية اللحم اللى على صدره بس مش هقولك الفخدة ولا الكتف
وضرورى جداجدا جدا لازم المكان يكون فيه شمس لان عن تجربة الشمس مهمة جدا
وكان عندنا خروف ما اقولكمش كان طور بيضرب اى حد يخشله بس كان محطوط فى المخزن بتاعنا فى الدور الارضى وكان مابيخشلوش شمس !!!! ايه اللى حصل الخروف مابقاش ياكل زى الاول بقى قليل الحركة جدا على طول عنده برد ورشح وكده
وجبنا دكتور بيطرى وقالنا اللى عمل كده الشمس يا حج لازم شمس .. (يعنى انا مابجبش كلام من عندى )
ويارب اكون افدكم
اخوكم يوسف

مرسى يا احمد انت ومشاكس على العرض الجامد ده ومرسى لمستر كريم على الدعم ليكوو وتقريبا دى او مشاركه لى فى المنتدى ويتم الاتصال وتحدي الموعد ان شاء الله
واستاذ يوسف ده عرض يا توافق يا موتفقش وشكراا على الاضافه تقريباا استاذ احمد جزار وفاهم كل ده مش محتاج توضيح منك شكراا على تحليلك للموقف ويارب يكون عندك خرفان وعجول كتير وتربيهاا تربيه حسنه وشكراا ليكوو
استاذا احمد جارى الاتصال والمراسله باذن الله شكراا ليكو