الموضوع: حاجة غريبة فى فيروز !!!

المشاركة الأصلية كتبت بواسطة medo_2060

يا راجل انا من عنوان الموضوع قولت انت بتتكلم على فيروز الى بتغنى هههههههه
وعموما لو فى مشروب اسوء فهو اكيد الكوكاكولا ودى معروفه

ياريت كان عن فيروز اللى بتغنى كان الموضوع هيبقى اسهل فى الهضم انا مبشربش كوكا المعدة مش ناقصة غسيل ومنظفات ههههههه .

الموضوع ببساطه له دعوة بالصودا وضغط جوة الزجاجة.

الزجاجة اللي الضغط فيها أكبر بتحتاج درجة حرارة أقل (برودة أشد) لتتجمد.
عشان كده ممكن تلاقي الزجاجة مش متجمدة قبل ما تفتحها، أول ما تفتحها الضغط يقل وتتجمد فجأة.

بس أنا كنت متوقع العكس، الفيروز تتجمد و الكولا لأ.

الفيروز متجمدتش حتى بعد مفتحتها وشكراً .

نفسي ابطل البيبسي كله مش عارف

الموضوع مش صعب البيسبسى طعمها احلى من الكوكا بس حاول تغير لسفن واستحمل طعمها مرة فى التانية هتتعود عليها واجمد يا بطل .

الموضوع ده كانت اثير من فترة
مضمونه ان الفيروز فيها كحول
البيريل مافيهاش ومكتوب انه خالي من الكحول .... لكن الفيروز مش كتوب عليها خالي من الكحول ... ولا خالي من كفر الزيات حتى
والناس طبعا معتمدة على انهم منتج واحد ..... واكيد طالما البيريل خالي من الكحول يبقى الفيروز برضه خالي من الكحول ...... طبعا هما يقصدو خالي يعني مافيهوش .... مش خالي اخو أمي
الله اعلم بالحقيقة لكن انا عموما مش باشربها ......

حج احمد اخبارك ايه يا اخى بتوحشنا مداخلاتك وعموماً محدش عارف خالى ولا عمى ومش لاقى تفسير وعموماً تحيا السفن بس اوعى حد يقولى السفن فيها بلاوى برده لان حتى مياه الشرب مش مضمونة وشكراً على المداخلة يا أبو الحمد .

انا بقالي سنين مبطل كل الحاجات الساقعة ومقضيها بيريل فقط أو أي حاجة شعير سادة

ومستني اليوم اللي يقولو فية البيريل طلعت أنيل من الكولا ههههه

علشان كدة لما شوفت اسم موضوعك اتخضيت لأنهم ولاد عم

وعلي فكرة صاحب اخويا كان بيشرب فيروز بكميات غبية جدا وتعب حصلة حاجة فى المخ علي ما أذكر ولسة بيتعالج لحد دلوقتي ، الله أعلم بقي دة لعلة فيها ولا هوا مكانش متظبط

اظاهر ان الحاجة الساقعة ادمان وحضرتك عندك قوة ارادة وبطلت بس مخ هى وصلت للمخ الموضوع كبر كده قوى حد يقولى يا جماعة على مشروب صحى ممكن نشربه بجد ياريت وربنا يعافينا جميعاً وشكراً لحضرتك .