حمار يعني حمار

**horas3000** · 13-10-2009 02:07 AM

بيقولك فيه واحد راح يتعلم السواقة...

طلع أول درس مع المدرب على سيارة التدريب .. '

قال له المدرب: اتحرك...

فتحرك بدون ما يدي إشارة..!

قال له المدرب:

يا حمار ادي إشارة قبل ما تمشي ..

الرجال ادايق وفكر ازاي المدرب يتكلم معه بالطريقه دي..!

المهم طنش ومشى و كان عايز يتجاوز شاحنة..

فتجاوز بدون ما يبص وراه..

قال له المدرب:

يا حمار بص وراك قبل ما تتجاوز..

الرجال ادايق وفكر ازاي المدرب يتكلم معه بالطريقه دي..

طنش تاني ومشي وكان قدامه إشارة ضوئية منورة أصفر ..

قام شد وقطعها..!!

قال له المدرب :

يا حمار الإشارة الصفرا يعني هدي السرعة مش تزود السرعة..

الرجال جاب اخرة وقال للمدرب:

أنا الحق علي إني قاعد أتدرب مع واحد زيك ...

مش عايز أتدرب على السواقة و رجعني مكان ما أخذتني .

المهم نزلوا وبدلوا الأماكن, وشغل المدرب

السيارة واتحرك بدون ما يدي إشارة.

شافه شرطي و وقفه. المتدرب انبسط لان الشرطي هيبرد قلبه فيه.

جالة الشرطي وقال له:

الحق مش عليك.. أنت باين عليك بتدرب...!!

لكن الحق على الحمار اللي جنبك..!

**yoko** · 13-10-2009 02:25 AM

هههههههههههه جامدة فحت

**dr-mohamed** · 13-10-2009 02:27 AM

حلوة
بس بجد العيب على الحمار اللى كان راكب جنبه ليه بقة ؟
علشان لما الحمار اللى بيدربه فضل يقوله يا حمار مكانش المفروض يخليه يسوق ويقوله رجعني كان المفروض رماه من العربية وقاله شوف حمار تانى يرجعك مكان ما كنا