-
أنا عملت حادثه جامده !!
امبارح كنت فى الجامعه بتاعتى فى القطاميه و أنا راجع اخدت الدائرى و نزلت نزلت الجيزه و مشيت فى شارع البحر الأعظم و نزلت النفق الى شارع النيل و أنا ماشى فى شارع النيل كنت ماسك شمال و قدامى فيرنا بتجرى جريت انا كمان مره واحده بتاع الفيرنا ضرب فرامل و عربيته اتكلبشت فى الأرض المهم جيت أدوس فرامل ملقتش فرامل !!!! قمت مسقط نقله و كسرت الدريكسيون كله شمال و دخلت الشارع بتاع السفاره الكويتيه و كان فى اسكودا موديل 2005 لونها زيتى راكنه فى الملف خبطها خبطه جامده
النتائج اللى حصلت فى الاسكودا :-
تطبيق فى الاكصدام الخلفى و تطبيق فى الرفرف الشمال للاسكودا ( الفانوس الشمال متكسرش الحمد لله )
النتائج فى عربيتى :-
ضياع الشبكه الأماميه لحد الفانوس الشمال + تحطم الفانوس اليمين طبعا
تطبيق فظيع فى الرفرف اليمين
تطبيق فظيع فى الكبوت + الكبوت بقى جاى بزاويه يعنى زى العلامه دى كده /
تطبيق فى شفة الباب اليمين قدام
المهم الحارس جرى على عربيتى و مد ايده سحب المفتاح من الكونتاكت و اتصل بالمسئول عن العربيه ( أصل العربيه تبع شركه البناء و التعمير اللى هناك ) المهم الراجل جه شاف المنظر و عمل كام مكالمه قمت رايحله و قلتله احنا ممكن نحل الموضوع ودى قاللى نعمل محضر و بعدين نتكلم قمت مكلم أبويا و قلتله اللى حصل و بعد ساعه ابويا وصل و كان الراجل المسئول عن العربيه بمكالمه جاب نقيب فى اقل من ربع ساعه !! بعد اما ابويا وصل دخلنا اتكلمنا مع النقيب و الاستاذ هانى اللى هوه مسئول عن العربيه كان عايز يصلحها فى التوكيل على حسابنا و ابويا قاله هنصلحها بمعرفتنا يا اما نعمل محضر زى ما انتا عايز و انسى موضوع التوكيل ده خالص المهم وصلنا لحل ان النقيب عمل تعهد و كتب فيه وصف الحاله و تعهد منى باصلاح السياره بمعرفتى و ان لم يتم ذلك هيعمل محضر رسمى و تبقى قضيه و كده و عربيتى و رخصتى و مفاتيح العربيه مع استاذ هانى و عربيتى مركونه هناك فوق الرصيف جنب مكان الحادثه لحد ما الاسكودا تتصلح و بعت معانا سواق على الاسكودا و رحنا سمكرناها و اتمعجنت و اتصنفرت و المفروض هتترش النهارده و اللى هيعدى من هناك هيلاقى عربيه ارجنتا سماوى ضايعه من قدام و الرفرف اليمين كمان هيه دى عربيتى ربنا يقومها بالسلامه
طلب خاص
ياريت يا جماعه تتأكدوا من موضوع الفرامل و تتأكدوا انها مبتهربش انا كنت جاى بالعربيه من القطاميه لحد مكان الحادثه و الفرامل كانت زى الفل انما اللى حصل انها هربت خالص
-
ربنا يعوض عليك و يجعله في ميزان حسناتك
-
ربنا يسلم لم طريقك ، وما حدش بيتعلم إلا بعد خبطة.
-
الحمد لله انك سليم و ربنا يعوض عليك
-
قدر الله وماشاء فعل وبقى امشى على مهلك عشان ممكن فى اى لحظة واحد راح مفرمل فجائة وانا مرة عملة حادت عشان واحدة بتفادى قطة
-
قدر الله وماشاء فعل والحمد لله انك سليم وبخير
-
قدر الله و ما شاء فعل الحمد لله أنها جت على كده ربنا يعوض عليك و على صاحب العربية التانية خير. خلى بالك بعد كده يا باشا ربنا يستر طريقك.
-
قدر الله وماشاء فعل والحمد الله ان انتا سليم
-
حمد لله على سلامتك و لا يهمك كل اللى ييجى فى الفلوس
-
الحمدلله انها جت على قد كده
وربنا يستر
Content Relevant URLs by
vBSEO 3.6.0 PL2