هو فعلا المازدا 323 1982 كورى والاحسن منها ال 1981 لانها يابانى

**digato** · 13-10-2009 01:10 PM

هو فعلا المازدا 323 1982 كورى والاحسن منها ال 1981 لانها يابانى
يا جماعه انا سألت ميكانيكة كتير وقالولى كدة والمهم انا ناويت اشترى العربية دى ودى اول ركوبة ليا وانا اصلا كنت ناوى على 128 او 127 توب المهم كلوا ناصحني ب المازدا

انا دلوقتى ادامى واحدة بشنطة 1981 عاملة 20 ونصف
بس فابركية جوة بالكامل
موتور ناعم موووت وسحبة جميل قوى ويابانى
عافشة جديدة ومتينة موت وبطارية جديدة فالضمان وكاوتش جديد
وبالنسبة لل شكل من برة فهيا لونها اخضر ومحتاجة بوية كمان سنة والطابلوة محتاج شغل ((مشقق من الشمس شوية))

وفى سوال هو انا لازم ارفعها فى بنزينة
وسعرها كد حلو ومناسب ولو لا يبقى كام بالحالة دى

افدوينى يكرمك الله

**digato** · 13-10-2009 01:56 PM

فين الردود

**khaled_rafea** · 13-10-2009 02:36 PM

بص يا باشا, انا كان معايا ال82 السيدان لمدة طويلة, مفيش حاجة اسمها كورى , ده أختراع بس من الميكانيكية المصريين, العربية كدة غالية حبتين, و انصحك تدور على واحدة موديل 83 او 84 وتكون 1500 و مكيفة, لو ناوى تخليها عندك شوية, والسعر معتقدش انه حيزيد عن ال 20 الف برده, وطبعا لازم تكشف كويس اوى على العربية حوض و شنطة و شاسية و كلة

**digato** · 13-10-2009 04:28 PM

لا هيا وصلت ل 19 الا ربع اية رايك

**digato** · 13-10-2009 04:49 PM

يا خونا اجيدونى انا رايح اخلص خلاص يوم الخميس

**ENG\AHMED** · 13-10-2009 05:10 PM

اللى بيقولك فى يابانى وكورى والكلام دة خد العربية وقلة اعرف اذا كانت يابانى ولا كورى !!!
اى كلام ولو سألت كذا حد ازاى تفرق كل واحد هيقولك حاجة شكل ومفيش حد عارف حاجة وكل واحد هيقولك سمعت كدة

اللى هيقولك حديدة متثبتة على صدر العربية الداخلى ورا الموتور وهتلاقى كلة مكتوب علية made in japan
واللى هيقولك فى العربية البيج لو لون الفرش بنى تبقى يابانى ولو ازرق يبقى كورى .. قولة طيب وباقى الالوان تعرفها ازاى!!!!
اللى هيقولك من الكتالوج بيبقى مكتوب فية ولو قعد يقلب فية مش هيلاقى حاجة

ريح نفسك ودور على حالة نضيفة وسيبك من الكلام الفاضى .. انا كان معايا 82 ولما كنت ببيع سمعت الكلام الفاضى دة مو 82 بتاعت الجيش تبقى كورى .. كان اللى بيقولى كدة بقولة العربية قدامك اهى طلعلى اذا كانت يابانى ولا كورى لأن اللى اعرفة ان مازدا كلها يابانى !!!!! وبشهادة ناس فى التوكيل كمان مفيش حاجة اسمها كورى ويابانى

**kholio** · 13-10-2009 07:15 PM

المازدا ياباشا من يوم بدؤو يصنعوها لغاية النهاردة وهي ياباني مية في المية والمازدا والسوبارو بس اللي مبيتجمعوش بره اليابان ومفيش حاجة اسمها مازدا كوري

**khaled_rafea** · 14-10-2009 01:53 PM

تمام كده يا رجالة كلام صحيح 100%

**DR.M** · 14-10-2009 02:06 PM

طبعا ياباني مفيش كوري

**digato** · 15-10-2009 01:13 PM

يا جماعه الحقونى وحد يقولى العربية بالوصف الى انا وصفتة كدة فعلا تستاهل ولا لا انا هخلص على 19

الموضوع: هو فعلا المازدا 323 1982 كورى والاحسن منها ال 1981 لانها يابانى

LinkBack

أدوات الموضوع

عرض

-

المواضيع المتشابهه

محتار اشترى يابانى ولا كورى ولا اية

دانلوب يابانى * كورى

السلام عليكم يا منتدى المازدا عاوز افاده فى مازدا 929 موديل 1982 بابين

تحب تركب ايه أمريكانى ولا يابانى ولا ألمانى ولا كورى ؟

صراع يابانى يابانى كورى

الكلمات الدلالية لهذا الموضوع

المفضلات

المفضلات

ضوابط المشاركة