اشهد ان الا اله الا الله وحسبى الله ونعم والوكيل

من حوالى 3 او 4 ايام كان فى خبر فى الجرنال مفاده ان وزير الداخليه وقيادات المرور طالبوا بضرور الشد على المخالفين اللى بيتسببوا فى ازدحام الشوارع ( وطبعا كالعاده مافيش شئ هيتغير غير لم اكتر للمخالفات )
لكن هتفضل ازمه اختناق الشوارع موجوده وبالعكس بتزيد كل يوم
اللى فكرنى بالموضوع ده
انى تقريبا كل يوم بمر بالشوارع من الجيزه الى اخر مصر الجديده ذهابا وايابا ولقيت سبب مهم جدا للازمه اللى بتسبب اختناقات مروريه فظيعه ( واعتقد من انا لواحدى اللى اخد باله )
هو اليوترن اللى انتشر بسرعه فى كل شوارع البلد بطريقه ابعد ماتكون عن تنظيم مرور بالعكس بعتقد انه اتوجد علشان يعمل ازمات تتعبنا كلنا بدون استثناء ضيق اليوترن وطريقه تصميمه للخروج منه على الشارع مصيبه مابعدها مصيبه شوفوا مثلا اليوترن اللى موجود فى الكورنيش امام معهد ناصر وشوفوا الاختناق الفظيع اللى عامله فى الاتجاهين وده للان البيه اللى صممه ( دا اذا كان فى تصميم من اصله ) عامل الخروج من اليوترن عمودى على الشارع وبالتالى اى عربيه بتلف هتوقف الشارع ضيف عليه عدم الاحترام لبعضنا ولا عدم وجود صبر وذوق وتخيلوا الشارع بيبقى ازاى انا بتشاهد على روحى كل مااعدى اليوترن ده
نموذج تانى من اليوترن الغبى موجود امام فندق شهرزاد للى جاى من العجوزه وعاوز ياخد الملف للرجوع الى الكيت كات لعنه الله على اللى صممه نموذج تالت اليوترنات اللى معموله فى شارع شهاب بالمهندسين مااروعها فى قفل الشارع بطوله شارع لا يتجاوز عرضه ال10 متر تخيلوا بقى اليوترن هيعمل ايه فى الشارع فى مساحه ضيقه مع وجود ركن صف اول وتانى ومشاء الله عاوز 5 دقايق بين شتيمه وكلاكسات من الاخرين وانت بتحاول تلف
اليوترن اللى موجود على اول طريق السويس للى جاى من مدينه نصر وعاوز يلف علشان يدخل مصر الجديده
والامثله لاحصر لها على طول البلد
اعتقد ده سببه انفراد الشرطه بعمل اليوترنات بدون الرجوع لمهندسين متخصصين فى تخطيط الشوارع اللى اصبح علم كبير لغايه امتى هنفضل معتمدين على ناس لا تفهم الا فى القانون فى رسم الشوارع والميادين ليه هما مش شايفين اللى بيعملوه وسوء تخطيطهم ودايما السواقين هما اللى غلطانين فقط اى نعم فى نسبه كبيره من السائقين تتحمل سؤء الحاله المروريه فى البد بس برضوا كمان سوء التخطيط فى راى بيتحمل نسبه فظيع من الازمات المروريه فى البلد
وعاوز تشوفوا بجد المسخره فى التخطيط روحوا وحاولوا تعدوا تقاطع شارع بورسعيد وشارع السواح منتهى منتهى المسخره اللى فى الدنيا لو كان فى الصومال اللى ماعندهاش تقربيا اى امكانيات ماكان حد صمم القاطع بالمنظر ده
اكتر من اكتر من سبع اتجاهات فى اشاره واحده وكله سايح على بعضه
والله والله لو فى حد ممكن الواحد يروح يشتكى ليه لكنت اول الناس اللى تروح له لكن للاسف محدش بيفهم غير الشرطه ومحدش هيخطط غير الشرطه ومافيش شئ هيتغير وعلشان كده الواحد بقى حاطط فى دماغه انه ممكن يخرج مايرجعش تانى
وحسبان الله ونعم الوكيل

فعلا عندك حق فى موضوع اليوتيرن ده..... انا باستخدم اللعين اللى عند فندق شهرزاد كل يوم و احيانا باستنى عليه بالخمس دقائق لغاية معرف الف و مزيكة حسب الله ورايا من جميع انواع الكلاكسات..... هنعمل ايه بس

ضيف ليهم يوتيرنات مصطفى النحاس في مدينة نصر اللي بتقفل الشارع كله من أوله لأخره , أنا شايف إن الفكرة دي تبقى كويسة لو الشوارع مش بزحمة شوارعنا في مصر ,
لكن بالزحمة اللي عندنا دي أصبحت اليوتيرنات دي سبب في عرقلة السير الشوارع أكتر

سبب زحمة اليوترنات قلة الأدب وعدم احترام الناس لبعضها زي ماقلت !!! اضيف على كلامك اعتقد اعتقد يعني مجرد اعتقاد انه حتى لو اليوترن ضيق ومهما كان الطريق ضيق لو اللي عايز يلف يمشي في حارته واللي هيكمل على طول يمشي في حارته واللي جاي في الوش يسيب حارة للي بيلف اليوترن يطلع فيها مع وجود ناس بتعرف تسوق واحساسها بالعربية وبالشارع عالي وهيدخل الملف صح ويلف على طول وينجز في الحارة بتاعته مش في عرض الشارع !!!!ساعتها هتبقى الزحمة حتى مريحة نفسيا وللاعصاب ولو مفيش الحارات دي كلها والطريق ضيق اوي المفروض الحل يبقى عربية وعربية - نظرية كان كاتب عنها صلاح منتصر في الأهرام - بس بتتكلم مع مين وتفهم مين
الناس بقت عندها روح عدائية جدا اثناء السواقةومحدش مستعد يسيب حد يعدي من قدامه - حتى لو المسافة كافية تبص تلاقي كبس وحرق عالبنزين عشان مش يسيب حد يطلع قدامه حتى لو كان هو هيطلع يقفل الطريق مش مهم!! المهم محدش ياخد الحتة دي من قدامه - تحسها حرب

من أشهر نجوم عالم اليوتيرن الملف الجميل الرائع في شارع الهرم أمام كايرو مول طبعا أكيد في كتير منكم أتظبط فيه ولا ننسى طبعا أن نشكر الأخوة القائمين على يوتيرن الطالبية عند شارع الهرم ولا اليوترن في أول الهرم و انته جاي من نفق الهرم داخل شارع الهرم قدام قسم العمرانية اللي بيقفل الدنيا تماما بالليل لأن اللي بيلف عايز يخطفها و يدخل العمرانية و ترعة الزمر

على صعيد أخر طبعا أحلى يوترن في الدنيا بتاع الطالبية اللي على شارع فيصل..و ده سببه الناس بتلف محدش بيقفلهم و لا حد بيعبر التاني و بعدين عاملينه عريض شوية فالناس بتيجي أربع خمس صفوف عايزة تلف مرة واحدة يعني حتى لو اللي جاي من فيصل فاض خالص فبرده مش بيعرفوا يلفوا مع بعض و طبعا ما بيكونش فاضي

و أخيرا شكر خاص لصاحب الموضوع اللي جه عالجرح لأن عند بيتنا في فيصل عملوا يوتيرن بدل من تقاطع المطبعة و عملوه من أسوء و أضيق و أبشع ما يكون في عالم التخطيط و النتيجة اني بقيت ألف من حسن محمد و أدخل شوارع جانبية لحد بيتنا اختصارا لييجي عشر دقايق أو أكتر ده غير السب و الخناق و احتمالات خبط العربية الأكيده ده غير المكروباصات الصبح لما ييجي فاضي و يلف و تنطلق ثورة الجماهير وراه علشان تركب و يقف يحمل في الملف عادي و يكمل واحدة واحدة ساحب الناس وراه بيجروا في منظر مهين لمصر بلدنا سنة 2009 اللي عايزة تروحا كاس العالم و زعلانة على صفر المونديال

و لو قعدنا نتكلم على اليوترنات السيئة جدا مش هنخلص من أول مصطفى النحاس لغاية ملف عباس العقاد و مكرم عبيد عند سيتي ستارز على الأوتوستراد و غيرهم كتير جدا من الأفكار المتألقة في عالم ((الفوضى))

بس برضه الناس خلت قلوبهم من الرحمة و الذوق و الايثار و الحكمة في انه لو عدينا بعض و انتظرنا لثواني كله هيبئى كويس بس مين يسمع و مين يعقل ده..........

و على رأي المثل...........ان جالك اليوتيرن...حط ابنك تحت رجليك

فوتكم بعافية.........حسبنا الله و نعم الوكيل

صيف اليهم يوترون وانت نزل نزلة الدائرى وانت فى اتجة الى الاتوستراد يوترون بيوقف النزلة كلها وانت بتلف من جانب مرور البساتين دا مفرود يوسع الدنيا

هو اى يوتيرن فى مصر كلها

اول صف يتملى تلاقى تلقائيا كدا الناس عملت صف تانى وثالث ورابع لو امكن علشان تدخل اليوتيرن

وتبقى انت ماشى على طول واساسا الشارع فاضى بس اتحشرت ورا واحد معندوش دم عايز ياخد اليوتيرن من اقصى اليمين علشان مكسل يقف فى الصف

للأسف الحل فى اليوتيرنات هنا , هو رصيف يادوب على قد عربيه واحده من قبل اليوتيرن وغصب عنهم يدخلو فيه واحد واحد مع ان برده هتلاقى الناس بتتزاحم على حرف الرصيف والشارع يقف

فعلا من اكتر الحاجات اللى بتوقف الطريق اليوترنات الغبيه دى

اقتباس:

---

المشاركة الأصلية كتبت بواسطة ashraf229

من أشهر نجوم عالم اليوتيرن الملف الجميل الرائع في شارع الهرم أمام كايرو مول طبعا أكيد في كتير منكم أتظبط فيه ولا ننسى طبعا أن نشكر الأخوة القائمين على يوتيرن الطالبية عند شارع الهرم ولا اليوترن في أول الهرم و انته جاي من نفق الهرم داخل شارع الهرم قدام قسم العمرانية اللي بيقفل الدنيا تماما بالليل لأن اللي بيلف عايز يخطفها و يدخل العمرانية و ترعة الزمر

على صعيد أخر طبعا أحلى يوترن في الدنيا بتاع الطالبية اللي على شارع فيصل..و ده سببه الناس بتلف محدش بيقفلهم و لا حد بيعبر التاني و بعدين عاملينه عريض شوية فالناس بتيجي أربع خمس صفوف عايزة تلف مرة واحدة يعني حتى لو اللي جاي من فيصل فاض خالص فبرده مش بيعرفوا يلفوا مع بعض و طبعا ما بيكونش فاضي

و أخيرا شكر خاص لصاحب الموضوع اللي جه عالجرح لأن عند بيتنا في فيصل عملوا يوتيرن بدل من تقاطع المطبعة و عملوه من أسوء و أضيق و أبشع ما يكون في عالم التخطيط و النتيجة اني بقيت ألف من حسن محمد و أدخل شوارع جانبية لحد بيتنا اختصارا لييجي عشر دقايق أو أكتر ده غير السب و الخناق و احتمالات خبط العربية الأكيده ده غير المكروباصات الصبح لما ييجي فاضي و يلف و تنطلق ثورة الجماهير وراه علشان تركب و يقف يحمل في الملف عادي و يكمل واحدة واحدة ساحب الناس وراه بيجروا في منظر مهين لمصر بلدنا سنة 2009 اللي عايزة تروحا كاس العالم و زعلانة على صفر المونديال

و لو قعدنا نتكلم على اليوترنات السيئة جدا مش هنخلص من أول مصطفى النحاس لغاية ملف عباس العقاد و مكرم عبيد عند سيتي ستارز على الأوتوستراد و غيرهم كتير جدا من الأفكار المتألقة في عالم ((الفوضى))

بس برضه الناس خلت قلوبهم من الرحمة و الذوق و الايثار و الحكمة في انه لو عدينا بعض و انتظرنا لثواني كله هيبئى كويس بس مين يسمع و مين يعقل ده..........

و على رأي المثل...........ان جالك اليوتيرن...حط ابنك تحت رجليك

فوتكم بعافية.........حسبنا الله و نعم الوكيل

---

اهلا بالجيران
يو تيرن المطبعة ده بشع
شوفه الصبح
زكمان بقى البهوات اللى بتلف من عنده تقفل فيصل كله
علشان محدش عايز يستنى اللى قدامه يعدى
لا لازم يعمل صف تالت ورابع

يا جماعة مشكلة المرور في مصر انة اللي متحكم في المسارات واليوترن هو الشرطة ودي حاجة احنا منفردين بيها علي كل بلاد العالم
يعني في كل العالم وظيفة الشرطة هو تامين الطرق وضبط السير
اما التخطيط والتصميم فهو من دور مهندسين الطرق والخبراء
وطبعا العبقري اللي صمم اليوتيرنات دي ( طبعا رتبة كبيرة ) هو كان فاكر انة كدة بيحل المشكلة بس للاسف هو زودها
والحل الطبيعي هو التقاطعات ال تي سيكشن بالاشارة الاليكترونية اللي تخليى الواحد لما يقابل اكثر من تقاطع يقف في اولة مثلا وبعدين بقية التقاطعات يعدي بدون توقف ودي متنفذة برة من زمان بس البهوات هنا مش عايزينة وبدو ابداء اسباب

بسبب اليوترنات المصرانيه حضرت 6 حوادث 4 منهم كنت راكب جمب الى سايق و2 واحده وانا سايق وواحده شوفتها من بعيد
اصعبهم كانت فى شبين الكوم عند مصنع المعسل
وكانت بعربيه نص نقل دبابه 2008 لسه معملتش 4 شهور فى الشركه الى كنت شغال فيها وزميلى كان سايق
هوب ماشين ورا عربيه جامبو
وعلى سرعه 70
واحنا ماشين وراه بمسافه 3 متر
وتروسيكل ماشى جمبنا فيه 3 مزز راكبين فى الصندوق
بقوله شايف المزز يا واد يا نادر
ومره واحده لسه ملحقش يتهنا بالبص عليهم ولقا العربيه الى قدامنا بتقف مره واحده وبياخد يوترن
نادر افندى على ما لم الدريكسيون ومات عليه كانت العربيه كابوتها نزل تحت اكصدام الجامبو
ومش عايز اقولكو على المأساه الى انا شوفتها
كفايه اقولهكم ان البجم الى معاه الجامبو مركب اكصدام حديد فولازي مصدى زياده على الاكصدام الاستندر بتاع العربيه والكابوت نزل من تحته
منظر الكابوت محزن موووووووت
كفايه دماغى الى شرخت الازاز من الخبطه لانى مكنتش رابط الحزام
ودا كله بسبب البجم الى رايح يعمل يوترن وهو ماشى بسرعه ويقوم مره واحده واقف علشان البيه ياخد اليوترن
ومش عايز اقولكم هو نزل واتخانق ولا كاننا احنا الى غلطانين مع ان عربيته يادوب شويه خدوش فى الصدا الى على الاكصدام وبس
يعنى لمعنهالو وهو الغلطان وجاى يمسك فى السواق

عندك حق فى مهزلة فى الشارع المصرى

اليوترن حل زكي جداً بس لازم يكون بمواصفات سليمة و هي :
1- وجود جزيرة وسط الطريق كبيرة لعمل اليوترن.
2- ان يكون فيه مسافة قبل اليوترن لعمل حاره أخرى من الجزيرة لكي لا يتأثر الطريق في إتجاه اليوترن و لكي تتمكن السيارات من التباطئ قبل اليوترن , بمعني لا تجبر السيارات التي لن تستخدم اليوترن ان تأخذ حاره أخرى غير الحارة الشمال.
3- ان يكون هناك حارة بعد اليوترن من الجزيرة نفسها حتي لا يتأثر الطريق بعد اليوترن و حتى تتمكن السيارة بأخذ سرعة مناسبة لكي تسير في الطريق.

و بالتالي هنلاقي أغلب الملفات -اليوترن- الموجودة في شوارع القاهرة غير مطابق للمواصفات و بالتالي يسبب اختناقات مرورية بدلاً من حل مشكلة الإختناقات المرورية , و دا طبعاً غير السلوك السئ اللي اشار اليه الأخوة

اقتباس:

---

المشاركة الأصلية كتبت بواسطة a.elsheikh.01

بسبب اليوترنات المصرانيه حضرت 6 حوادث 4 منهم كنت راكب جمب الى سايق و2 واحده وانا سايق وواحده شوفتها من بعيد
اصعبهم كانت فى شبين الكوم عند مصنع المعسل
وكانت بعربيه نص نقل دبابه 2008 لسه معملتش 4 شهور فى الشركه الى كنت شغال فيها وزميلى كان سايق
هوب ماشين ورا عربيه جامبو
وعلى سرعه 70
واحنا ماشين وراه بمسافه 3 متر
وتروسيكل ماشى جمبنا فيه 3 مزز راكبين فى الصندوق
بقوله شايف المزز يا واد يا نادر
ومره واحده لسه ملحقش يتهنا بالبص عليهم ولقا العربيه الى قدامنا بتقف مره واحده وبياخد يوترن
نادر افندى على ما لم الدريكسيون ومات عليه كانت العربيه كابوتها نزل تحت اكصدام الجامبو
ومش عايز اقولكو على المأساه الى انا شوفتها
كفايه اقولهكم ان البجم الى معاه الجامبو مركب اكصدام حديد فولازي مصدى زياده على الاكصدام الاستندر بتاع العربيه والكابوت نزل من تحته
منظر الكابوت محزن موووووووت
كفايه دماغى الى شرخت الازاز من الخبطه لانى مكنتش رابط الحزام
ودا كله بسبب البجم الى رايح يعمل يوترن وهو ماشى بسرعه ويقوم مره واحده واقف علشان البيه ياخد اليوترن
ومش عايز اقولكم هو نزل واتخانق ولا كاننا احنا الى غلطانين مع ان عربيته يادوب شويه خدوش فى الصدا الى على الاكصدام وبس
يعنى لمعنهالو وهو الغلطان وجاى يمسك فى السواق

---

أعتقد أن سبب المشكلة ليست فى السيارة النقل التى تسير أمامكم
ولا فى سيارتكم التى تسير خلفها بسرعة 70 كم و لكن بدون تركيز فى الطريق
المشكلة فى تريسكل المزز

كل التعليقات على اليو ترن الموجودة فى شوارعنا فى مصر لم تنوه و لو من بعيد على حق المواطن السائر على قدميه فى عبور الطريق و الذى اصبح ضرب من العبث فى الشارع المصرى
فى وجود إشارات و أماكن عبور للمشاه مراعاة لحق المواطن السائر على قدميه فى عبور الطريق و هذا المواطن هو كل إنسان يسير فى الشارع بعد أن نزل من أى مركبة كان يستقلها .