انا عايز اعرف معلومات عن الدبرياج الرياضى
يعنى بكام (سعره) ومنين (محلات بتبيعه) ومركاته ايه
وهل هو يفرق كتر عن العادى
ولو يفرق ,, يفرق فى ايه :rfds:
عرض للطباعة
انا عايز اعرف معلومات عن الدبرياج الرياضى
يعنى بكام (سعره) ومنين (محلات بتبيعه) ومركاته ايه
وهل هو يفرق كتر عن العادى
ولو يفرق ,, يفرق فى ايه :rfds:
و الله .. من خلال خبرتي العلمية المعملية الفذة .. أأ .. أأ .. أقدر أقوللك .. أأ ..أأ .. أنه دبرياج بس .. أأ .. رياضي !!!!
( حد يساعدني يا جماعة .. إيه اللي بيقول عليه الأخ ده ؟ .. متابع)
شكرا يا تمتم علي الاضافة .. ما فيش حاجة قيمة في الموضوع .. هي إضافة أحسن من بتاعتي طبعا ( رقاصة و بترقص )
بس لو حد يقول معلومات اكتر يبقي كويس .. متابع
الكلاتش الرياضي بيركب لما يكون فيه تعديلات في العربية بتخلي العزم عالي عن أقصى قدرة للكلتش العادي إلي نزل من المصنع
يعني من الاخر بيمسك أحسن وطبعاً بينقل قوة للعجل أعلى من العادي ومبيفوتش ولا تشم ريحة المطاط المحروق المعهودة
لكن لو مفيش تعديلات كبيرة في عربيتك يبقى بلاش منه لأنه بيكون من المراحل الاخيرة في التعديل
ثانياً بيخلي الدبرياج تقيل موت وهيجيلك شد عضلي في الزحمة
سعره على حسب نوع العربية والموتور والفتيس إلي راكب فيها
أحسن الانواع إيكسيدي وكلاتش ماستر
إلي أعرف سعره بتاع الانسر ايفولوشن إيكسيدي سراميك ب-٣٩٥٠ جنيه كل جنيه ينطح جنيه وبردو بيجيب هسس وشد عضلي
شكرا للافادة
[QUOTE=Evo;3872052058]الكلاتش الرياضي بيركب لما يكون فيه تعديلات في العربية بتخلي العزم عالي عن أقصى قدرة للكلتش العادي إلي نزل من المصنع
يعني من الاخر بيمسك أحسن
----------------------------------------
يعنى ايه بيمسك أحسن
---------------------------------------
وطبعاً بينقل قوة للعجل أعلى من العادي ومبيفوتش ولا تشم ريحة المطاط المحروق المعهودة
-------------------------------------------------------------------
طيب مادام هو كده يبقى ليه مركبهوش
----------------------------------------------------------------------
لكن لو مفيش تعديلات كبيرة في عربيتك يبقى بلاش منه لأنه بيكون من المراحل الاخيرة في التعديل
-----------------------------------------
مش فاهم
بيستخدم فى حاله انك عدلت فى الموتور او رفعت قدرته الحصانيه عن طريق تربو او اى حاجه تانيه , علشان ال Torque او العزم بيزيد و ممكن يحصل Slipping او من الاخر هايحصل فقد فى القدره المنقوله الى العجل بتاع العربيه .
الموتور الـ Stock او اللى مش متعدل فيه او مش مرفوع قدرته الحصانيه مالهاش لازمه انك تركبله Performance Clutch لان الدبرياج بتاعه مناسب ومتصمم مخصوص على حسب الخرج بتاع الموتور.
اما فى حاله عدلت ورفعت الـ Output بتاع الموتور مثلا من 100 الى 150 حصان فاهيكون مفيد جدا فى الحاله دى لان ال الدبرياج الاصلى مش مصمم انه يتعامل مع القدره العاليه دى ( مش هايقول لا وهايشتغل بس ممكن يحصل فقد فى القدره برضه )
المقصود ان الحاجة لطقم دبرياج رياضى بتيجى لما تعديلات الموتور تطلع عزم اعلى من قدرة احتمال الدبرياج الاصلى بتاع العربية و تبداء الاسطوانة تفوت باستمرار نتيجة شدة عزم الموتور
هنا انت تبقى محتاج دبرياج رياضى عشان يستحمل العزم دة و ميفوتش... غير كدة تبقى فلوس على الارض
MMamdouh