الموضوع: سيارات المعاقين وحكايتي معاها وسيارتي الـ BMW 1997

سؤال: هو العربية كدة مش سعرها عالى جداً و لا أنا غلطان؟ يعنى أنا شايف فى موقع Car100100.com عربيات بى ام موديلات قريبة من دى أو أحدث و بسعات موتور أعلى و فرق السعر بسيط و غالباً ممكن يكون فيها فصال فتقرب من السعر دة بدون وجع الدماغ ... هل دى فيها ميزة مختلفة؟؟

على فكرة أنا أعرف من خلال العديد من الأصدقاء اللى عايشين فى دول أوروبية ان أسعار السيارات المستعملة فى أوروبا رخيصة جداً ... يعنى مثلاً واحد صاحبى عايش فى انجلترا كان شارى رينو لاجونا موديل 2001 بـ 1700 استرلينى و حالتها فابريكة ... يبقى ازاى العربيات دى بتوصل مصر بالأسعار الخيالية دى؟؟؟

المشاركة الأصلية كتبت بواسطة Dr Ahmed

إللى يقبلها لا يمكن يقتنع بالعكس وهيلاقى 1000 مبرر، ولا أظن أن المقاييس اللى حضرتك ذكرتها تصلح قواعد للتعامل ، وعمر ما كان الغلط يبرر الغلط...

(وإن تطع أكثر من فى الأرض يضلوك)
وما حدش هيتحاسب مكان التانى يوم القيامة

يا جماعه دكتور احمد كتب خلاصه الموضوع ;)
لو صح فهو ليه ولو غلط فهو عليه

يعني لو المعاق معهوش رخصة هل ينفع ؟ وإيه الإجراء الي بيتم في حالة المعاق معهوش رخصة ؟

يا جماعه مالوش لزم التحايل دا وبعدين الحكومه هتقاوم الموضوع دا وبدات تضع فعلا علامه للمعوق على لوحه الارقام
هو صحيح كل حاجه في مصر بايظه بي بلاش الموضوع دا لاترجع تموت فيها بحادثه ولا حاجه ربنا مش هيبارك فيها ابدا لانك جبتهاغلط
وربنا يوفق الجميع

المشاركة الأصلية كتبت بواسطة pics

ال يعنى الجمارك اللى بتاخدها الحكومه هى اللى حلال

هات لى بلد بتاخد من شعبها الشرائح المضاعفه اللى بندفعها هنا .. اسال فى السودان حتى !!

و احنا كالعاده مستسلمين .. و

و يجعل ه عامر....

+10000000

صحيح إيه مدى مشروعية الجمارك دي ؟؟!!!
- محدش يقول دا وضع البلد والكلام اللي لا هايودي ولا يجيب دا...أصل بالعقل كده لو كانت الجمارك من الأشياء التي إن تركناها نأثم أي أنها من المعلوم من الدين بالضرورة يبقى ماشي ونلتزم بيها .. إنما كل شوية نفصل قانون وكل شوية نرفع الجمارك ونزل الجمارك ونحط رسم إغراق ونشيل رسم الإغراق ونخلي المبيعات 40 % وبعدين نخليها 15 % وممكن البيه لو مزاجه رايق يشيلها خالص ..وممكن ناخد فوق دماغنا من الخارج وبالجزمة يشيلوا الجمارك دي خالص .... إيه دا .. يبقى لما يكون كل دا ممكن يحصل لمحاباة أشخاص معينة من أجل تكديس الملايين في أرصدتهم ..ولما يكون في استثناءات ولما ولما ولما .........يبقى أنا عن نفسي لو أُتيحت ليا الفرصة لعدم دفع الجمارك مش هادفعها وضميري حي وراضي تماماً..واللي يقول غير كده يبقى أكيد مش عايش معانا في المحروسة!!