لو حد رخص قريب يفيدنا هل لسه التكلفه ديه زى ما هى ولا زادت لأنى رايح اجدد شهر 11 الجاى
عرض للطباعة
لو حد رخص قريب يفيدنا هل لسه التكلفه ديه زى ما هى ولا زادت لأنى رايح اجدد شهر 11 الجاى
وأنا مثلك جديد لانج وعاوز أعرف الترخيص اليومين دول وحوار الطفاية والمثلث وشنطة الإسعاف فى مرور المنصورة ؟
و الله هحاول اجيبلكم التكلفة بس بتاعة شهرين فاتو و ربنا يسهل
بالإنتظار
شوفوا يا جماعة أنا لسة مرخص من 5 أيام لمدة 3 سنوات كالآتى:-
870ج ضريبة شاملة 35ج ورق الترخيص ل3سنوات
121ج طفاية
20ج تظبيط للمهندس الفنى عشان ميسألش عالمثلث و حقيبة الإسعافات اللى هم موجودين أصلا
125ج نمر جديدة
45ج ورق الفحص
75ج أخذها الموزع المعتمد لإستصدار شهادة البيانات
320ج تأمين إجبارى 3سنوات
الرجل اللى بعته معايا الموزع أخذ 100ج و حسيت أنه سرقنى فى أكتر رغم أنى كنت معاه خطوة بخطوة بس موضوع 125 النمر ده أنا شاكك فيه!! هو ورانى ورقة كومبيوتر مطبوع فيها بنود آخرها مكتوب ال835ج و الخزينة زودتلى ال35 ج بتوع ورق ال3سنين.....
بس أنا أعرف أن النمر الجديدة بحوالى 155ج وبتبقى مدرجة ضمن الضريبة!! لو حد عنده معلومة أنا مش عارفها بهذا الخصوص يقولى
10ج للواد اللى شنير الإكصدام وعلق النمر
حوالى 40 ج تظابيط أخرى للموظفين
الموضوع مخدش أكتر من نصف ساعة عشان الرجل اللى كان معايا كان عارف سكته كويس !!
و مبروك مقدما لكل اللى مقبل عالترخيص و بالتوفيق إن شاء الله
هل أشطترى الطفاية والمثلث وشنطة الإسعاف من القاهرة عادى من الخارج ؟ وأرخص فى أى مرور ؟
متابع