أروح (محمد زكى) ازاى .. ينوبكم ثواب

**Egyzizo** · 13-10-2009 05:34 PM

عايز بقى أروح أحجز اللوجان عند محمد زكى اللى فى القطامية ، وكنت ناوى النهارده بس احتست فى الطريق ومافهمتش أروح ازاى ، فأجلتها لبكره.

أنا العنوان اللى عندى هو : القطامية ، أول محطة موبيل يساراً عند مدخل مدينة نصر بعد كارفور بـ 3 كيلو ..
ولما كلمتهم فى الشركة قالوا لى تاخد الدائرى فى اتجاه المعادى وتنزل نزلة العين السخنة اللى قبل المعادى.

أنا كده اتلخبطت ، ايش جاب مدينة نصر للمعادى ؟؟

وبعدين حاولت أشوف نزلة العينة السخنة دى عل خريطة النت (هنــا) لقيتها ملعبكة وملخبطة

يا ريت تساعدونى عن الطريق بالتفصيل ..

أنا رايح من المنوفية، يعنى هاخش الدائرى من على طريق مصر اسكندرية الزراعى ..

فيه دخلتين للدائرى من على الزراعى ، الدخلة الأولى ودى رايحة الجيزة .. ماليش دعوة بيها

والدخلة التانية دى اللى رايحة ناحية المطار والمعادى ، دى هاخش فيها

بعد كده أعمل ايه بالتفصيل؟

كتر ألف خيركم مقدماً.

**emam** · 13-10-2009 05:58 PM

شوف ياباشا انته لو جى من الصحراوى هتاخذ الدائرى اتجاه المنيب والمعادى وهتكمل لحد متلاقى كارفور على يمينك هتسيبه وتكمل حوالى 3 كيلو كمان هتلاقى فتحة يمين مكتوب عليها تقريبا العين السخنه والغردقة على ما اعتقد هتنزل فيها وتلف من جنب مصنع الغاز هتلاقى نفق على شمالك هتدخل فيه بعد النفق ب 300 متر تقريبا هتلاقيه على يمينك والف مبروك مقدما ً

**Egyzizo** · 13-10-2009 06:08 PM

شكراً جزيلاً .. أنا مش جاى من الصحراوى .. أنا هاخش الدائرى من على الزراعى .. يبقى هاخش برضه الدخلة اللى بتودى اتجاه المطار - المعادى؟؟

أتوقع ألاقى كارفور بعد ما أمشى قد ايه تقريباً على الدائرى؟

ومدخل العين السخنة هيبقى فعلاً يمين ، يعنى أنزل منه وأنا ماشى فى سكتى عادى ، واللا هو الناحية التانية فهالف وأرجعله؟ أصل مكتوب فى العنوان يساراً.

مصنع الغاز ده مبنى واضح مكتوب عليه اسمه يعنى ، هيقابلنى بعد مشى أد ايه على طريق العين السخنة؟ وهيبقى على يمينى واللا شمالى
وألف جنبه ازاى ؟ يمين واللا شمال

**M.Moustafa** · 13-10-2009 06:29 PM

يا باشا انت هتمشي فعلا في اتجاه المعادي خليك ماشي لحد ما كارفور هيجي على يمينك بعد كام كيلو بالظبط مقدرش افيدك بعد كارفور هتلاقي مودرن اكاديمي على يمينك وبعد كده هتلاقي البافارية على يمينك بعد البافارية مباشرة في نزلة ومكتوب عليها مخرج 9 انزل منها والطريق طبيعي هياخدك على ناحية اليمين وهتلاقي الناس كلها بتلف تاني يوترن هتعمل اليوترن وهتلاقي صينية قدامك ونفق هتنزل من تحت النفق واول ما تطلع منها اخر الشارع هتلاقي محمد زكي على ايدك اليمين

**Beam28** · 13-10-2009 06:42 PM

بعد إذنك يا أستاذ محمد بس توضيح مهم هوه جاي من ناحية الطريق الزراعي في اتجاه المعادي مظبوط بس هوه مش هيوصل اصلا لحد كارفور ولا البافارية ودول هايبقوا على شماله بس بعد مايكون عدى مخرج مدينة نصر اللي بيدخلوا على محمد زكي

**M.Moustafa** · 13-10-2009 06:52 PM

المشاركة الأصلية كتبت بواسطة beam28

بعد إذنك يا أستاذ محمد بس توضيح مهم هوه جاي من ناحية الطريق الزراعي في اتجاه المعادي مظبوط بس هوه مش هيوصل اصلا لحد كارفور ولا البافارية ودول هايبقوا على شماله بس بعد مايكون عدى مخرج مدينة نصر اللي بيدخلوا على محمد زكي

يا باشا المفروض لو اخد الطلعة الجديدة بتاعت الدائري يبقى هيمشي في الاتجاه اللي شرحته وهوا كلامه انه متجه على طريق المعادي المطار مش العكس عموما هوا ممكن يوضحلنا اكتر ولو كده برضه ممكن اشرحله الطريق بالعكس

**medo99_pc** · 13-10-2009 07:02 PM

طيب ممكن رقم تليفون محمد زكى ؟؟

**osamaos20022** · 13-10-2009 07:07 PM

بص انت تاخد مطلع الدائري اتجاه المطار
هتمشي وتعدي نفق الاسماعليه وتفضل مكمل
هتمشي علي الدائري حوالي 50 كيلو
مش هتوصل كارفور
بعد اكادميه مبارك بشويه هتلاقي منزل السخنه انزل وكمل مع الاسهم الي بتقول مدينه نصر
هتلاقيه هناك

**Beam28** · 13-10-2009 07:08 PM

المشاركة الأصلية كتبت بواسطة Mohammed Moustafa

يا باشا المفروض لو اخد الطلعة الجديدة بتاعت الدائري يبقى هيمشي في الاتجاه اللي شرحته وهوا كلامه انه متجه على طريق المعادي المطار مش العكس عموما هوا ممكن يوضحلنا اكتر ولو كده برضه ممكن اشرحله الطريق بالعكس

آه مظبوط أنا نسيت انهم عملوا وصلة جديدة (وصلة المريوطية) مع إني بامشي عليها كل يوم !!

وهوه فعلا لو طلع في اتجاه المعادي (عن طريق المهندسين) يبقى زي ما سعادتك تفضلت ووضحت.. أما لو راح في اتجاه المطار (باتجاه مدينة السلام) فيبقى زي ما انا وضحت

**Beam28** · 13-10-2009 07:10 PM

المشاركة الأصلية كتبت بواسطة osamaos20022

بص انت تاخد مطلع الدائري اتجاه المطار
هتمشي وتعدي نفق الاسماعليه وتفضل مكمل
هتمشي علي الدائري حوالي 50 كيلو
مش هتوصل كارفور
بعد اكادميه مبارك بشويه هتلاقي منزل السخنه انزل وكمل مع الاسهم الي بتقول مدينه نصر
هتلاقيه هناك

+11111111111111

الموضوع: أروح (محمد زكى) ازاى .. ينوبكم ثواب

LinkBack

أدوات الموضوع

عرض

أروح (محمد زكى) ازاى .. ينوبكم ثواب - انشر الموضوع فى :

-

-

-

-

-

-

المواضيع المتشابهه

هل من الممكن أن تحصل يوم الجمعة على ثواب يقارب ثواب ليلة القدر !! (نعم)

ساعدوني ينوبكم ثواب

الحقوني ينوبكم ثواب

معلومة لله ينوبكم ثواب d:

أروح مارينا ازاى ؟

الكلمات الدلالية لهذا الموضوع

المفضلات

المفضلات

ضوابط المشاركة