طيب لما مصر تحل مشكلة اللبس الحريمى والشرعى والكلام ده ..
إبأو رنولى على التليفون ..
عشان نشوف حلول للمشاكل التانية ...
وعلى رأى tayler_durden
سمعونى سلام .. اتحجبتى برافو عليكى أيوة كده ربنا يهديكى .
طيب لما مصر تحل مشكلة اللبس الحريمى والشرعى والكلام ده ..
إبأو رنولى على التليفون ..
عشان نشوف حلول للمشاكل التانية ...
وعلى رأى tayler_durden
سمعونى سلام .. اتحجبتى برافو عليكى أيوة كده ربنا يهديكى .
هو احسن من البادى لكن لسش زى اسلامى كامل .
الناس ما تقصدش التقليل أو التحقير من الزى الشرعى
لكن هما شايفين إن فى حاجات أهم بكتيييير أوى من إن الاهتمام ينصب على المظهر الشرعى فى الوقت إللى الأساسيات و صميم الإيمان متزعزعين و مخوخين و حالتهم بالبلاء....
يعنى تقدر تشبه الموضوع بواحد معاه عربية قديمة و عايز ينصب و يبيعها بسعر كبير
يقوم بدل ما يعملها عمرة و يجيب لها طنابير و تيول و رادياتير و شكمان و يكلف و يتعب نفسه
يقوم موديها للسمكرى معرفته يدهنها له بلون فاقع و جايب له دستة Stickers لاطعهم فى أى مكان مع معطر و خلاص
أرجو إن الصورة تكون وصلت لحضرتك
انا بصراحة صعبان علي البنت (غادة) هي اجتهدت لحل مشكلة، قد تكون اخطأت ولكنها نالت شرف المحاولة. والأجمل من هذا كله انها مبتكره ومبدعة حيث قامت بعمل اللبس ده بنفسها. كنت افضل تشجيعها على الابتكار وتصحيح الغلط بالنُصح الجميل..بلاش احباط ورفقا بها
أنا بصراحة مش عارف قصده إيه
لكن حقيقى فيه مشكلات أعوص بكتيير
احنا مش بنعمل أكلنا بنفسنا
و مش أقوياء اقتصاديا بما فيه الكفاية لضمان وجود فلوس نقدر نشترى الأكل من أى حد على مزاجنا فى الدنيا
أفتكر دى مصيبة ...مش بس مشكلة
ناهيك عن الحاجات اليومية إللى المعاناة منها أصبحت يومية بل مستمرة على مدار الساعة لدرجة إن الناس أصيبت بالملل من نفس المعاناة..زى التلوث و الفوضى و البطالة و عدم الأمان و قانون الغابة...
فى حاجات كتيير أوى تزعل أكتر من واحدة بتقول أنا أوجدت الشكل العصرى للزى الشرعى و و هى مش عارفة هى بترغى فى إيه :M_yes[1]:
و الحاجات دى تستاهل وقفة مع النفس و من الناحية الشرعية كمان..
مش المفروض مثلا لو واحد مشى بجنون فى الشارع الناس تغلس عليه و توقفه و تمسكه ترنه علقة بدل ما يعمل مصيبة يروح فيها أبرياء ؟؟
مش المفروض سواق الميكروباص إللى بيزود الأجرة استغلالا لحاجة الناس ... الناس ما تركبش معاه و تخليه واقف لغاية ما يحترم نفسه ؟؟؟
لما بيكون فيه فرصة بشكل عام...شوف التكالب و السعى بطرق ملتوية بيوصل الناس تعمل إيه فى بعضها للحصول على الفرصة ؟؟؟
و ضيق ذات اليد و التكدس السكانى عمره ما كان سبب و مبرر لارتكاب المعاصى و إلا ربنا مش هيحاسب الناس...
العملية ضعف إيمان بس و مافيش أى رغبة لاختبار القوة الإيمانية و لا بقى فيه اعتراف ( صميم من القلب ) بإن الدنيا قسمة و نصيب
شوف بعض موظفين السجل المدنى بيعملوا إيه فى الناس..ده على اعتبار إنهم موظفين مدنيين فى وزارة الداخلية....أمال العسكريين .....
ده لو افترضنا إن البنت بتتاجر بإسم الدين..ففى ناس بتقود حملات انتخابية و تضلل شعب بنفس الطريقة علشان توصل للسلطة...تفتكر هى و لا هما...
يا محمد باشا...الموضوع ده أهيف بكتير أوى أوى أوى من إنه يزعل حد أو حتى يبقى فيه بداية طفيفة لخلاف بين الأعضاء عليه...
أنا شايف إنه مزحة بالنسبة للمصايب إللى البلد فيها
هى فين الصورر
عمري ما كنت اتخيل ان الردود دي كلها حلاقي اكتر من معظمها هجوم على اللي لابساه وتريقه منها ما هو صريح ومنها ماهو تريقه عليها عشان بتدخل الدين في الشغل......
اكتر موضوع طلع بسرعة ونرفز الناس كلها كان موضوع شيخ الازهر لما هزأ البنت بتاعة النقاب
بغض النظر عن النقاب وبغض النظر بتاع شيخ الازهر
الموضوع نرفزنا عشان حاجه واحدة
البنت قررت انها تتقرب إلى الله بشيء وكان هذا الشيء الذي في استطاعتها هو النقاب.
وشيخ الازهر (ارضاء للحكومة اللي فيها موجة من الهجوم على النقاب) اشترك في الاستهزاء بالطالبة والاستهزاء بالنقاب.
بصراحة هو ده اللي نرفزنا لان معظمنا مفيش اي حد في عيلته لابس نقاب, كل عيلتي الحمد لله محجبات او عبايات انما نقاب مفيش
يبقى لما نتنرفز من شيخ الازهر لانه (تدخل في علاقة بين بنت وربها) ونيجي احنا نعمل اللي عمله شيخ الازهر بالضبط يبقى ده اسمه ايه ......
انا لا احجر على رأي الاعضاء ومبمنعش حد من انه يقول رأيه
كل اللي بقوله ( بالرااااااااااااااااااااا حه يا جماعة بالرااااااااااااااااااااح ة....
احنا كده عملنا زي اللي بيهاجموا الاسلام عشان كان الاسرى بيتاخدوا ملك يمين ويعيشوا تحت عناية المسلمين
الغرب اعتبر ده نوع من الرق
الشيخ الشعراوي قال كلمة شهيرة : لا تقارن بين رق وحرية
بل قارن بين رق وموت
لان الاسرى زمان كانوا بيتقتلوا تقتيل
انما الاسلام اداهم فرصة انهم يعيشوا مع المسلمين
الخمر اتحرمت بالتدريج
يعني في الاول نزلت ايه ان الخمر شيء سيء
ثاني حاجه نزلت آية ان ضررها اكبر من نفعها
ثالت حاجه نزلت آية انها من الخبائث ورجس
وانتهت الآية بقول الله تعالى : فهل أنتم منتهون صدق الله العظيم
يعني في الطب النفسي ما يطلق عليه (تعديل السلوك التدريجي)
البنت موقفتش تقول ان اللبس اللي هي عاملاه ينافس العباءة ولا النقاب
البنت قالت انها كانت بتلبس بادي كارينا يعني للي مش عارفه كأنها داهنه دراعها دوكو بلون البادي
لو عندها فسفوسة حتبان تحت البادي الكارينا لان الكارينا مفيهاش احجام, يعني لو حجم البنت نملة زي ما يكون حجمها فيل
يبقى بقول الناس
متقارنوش بين البالونه اللي هي عاملاها وبين الحجاب المثالي
لأ قارنوا بين البالونه وبين الكارينا
احنا في علاج الادمان مش عايز اقولكو اني ممكن انزل الشارع في نص الليل اشتري علبة سجاير لمدمن عشان سجايره خلصت وبعتبر اني بعمل عمل خير !!!!!!!!!!!!!!!!!!!
مع اني لو شفت اخويا بيشرب سيجاره حنط في كرشة؟؟؟
ليه ؟؟؟
لاني بقارن اخويا بين واحد بيشرب وواحد مبيشربش
لكن مع المدمن بقارن بين واحد بيشرب مخدرات وواحد بيشرب سجاير, ممكن لو قعد من غير سجاير لحاد الصبح يهرب من المستشفى ويعرف يجيب مخدرات ويبوظ لي علاج كذا شهر.
انا اعرف اكتر من واحده من خلال عملي, كل البنات اللي اتعودوا انهم يبقوا شيك نقلة الحجاب بالنسبة لهم نقلة جامدة
يعني ححاول اني اقرب للرجاله الصورة
تخيل لو انت دكتور او مهندس : اطلب منك انك تدخل تلبس بادي ماسك وواصل لقبل الحزام وتلبس بنطلون برمودا ساقط ومبين من تحته ال .............
على الرغم من ان نص الشباب لابس كده انما انت اتعودت ان الناس تشوفك على صورة كذا .
تغير الصورة دي بطريقة مفاجئة بيعمل هزه في الثقة بالنفس ويديك الاحساس المزعج ان كل البلد بتنده بعض عشان يبصوا عليك
نفس الموضوع
كذا واحدة تشتكي لي انها عايزه تتحجب انما لما تروح السلام شوبنج مثلا
اجارك الله
انا نفسي رحت مع واحدة قبل كده عشان نفسها تلبس حجاب وقلت لها انا عندي استعداد اروح معاكي عشان ننقي حاجه حلوة
مش عايز اقول لكم اني لقيت حاجات لو امي لبستها حتكبرها عن سنها
يعني انا نفسي كنت واقف قرفان
ساعتها قلت يعني احنا في بلد الناس بتتنافس فيها عشان تعمل اكاديمية للغناء ولما حد يهاجمها ميتردش عليه... ويستمروا برضه
في بلد تطلع واحدة في برنامج اسمه الجريئة تقول انها عندها كذا ابن وبنت غير شرعية
وهي فخورة باللي هي عملتو
انما مفييش حد عنده دم دارس دراسة صح او معاه business ad يقدر انه يفتح مشروع يملا فيه ال gap بين البادي الكارينا والسلام شوبنج؟؟؟؟؟؟؟؟؟
هو ده المقصود انك تكون عندك كل الاختيارات للحجاب مع قابلية زيادة الطاعة
على فكرة البالون اللي هي عارضه شكله مش عاجبني اوي
لكن حشجعها
عشان اللي يعمل حاجه ويجمع اراء ممكن يعرف يحسنها في الاول
دا الناس بتمشي ورا شركات عربيات وهي عارفه ان في العربية عيوب عشان حاسه ان الشركه بتتقدم
ونذم في اول بنت ونطلع نقول ان الحقيقة لا تجزأ
لأ .... تجزأ
فيه حكاية مشهورة ان فيه واحده اجنبية راحت لعالم معروف (مش فاكر اسمه للأسف)
وقالت له انها عايزه تعتنق الاسلام
قعد يكلمها بالساعات عن الاسلام ويعملها
بد ما مشيت جم زمايله الشيوخ يقولوا له
طبعا قلت لها اول حاجه تداري شعرها الاصفر اللي هي ماشيه بيه ده
قال لهم لأ
الشيوخ ذهلوا ... ازاي .... قال لهم انا بحط قواعد الاسلام دلوقتي
وانا متعودتش اني ابني البيوت من فوق لتحت.....
عشان كده انا بقول للبنت دي
ربنا معاكي:Ob_mak1[1]:
استاذ سمير ..
ياريت متكونش زعلان منى .. بسبب تعليقى ..
يمكن ده يكون تقصير منى لإيضاح وجهة نظرى ..
ياجماعة عارفين مشكلتنا الكبرى ايه ؟؟
اننا بنبوص للظاهر مش الجوهر ..
يعنى نبص لواحدة محجبه نقول دى عفيفة ومتدينة وبنت ناس ..
ونبص للواحدة اللى مش متحجبة نقول دى بنت منحلة ومش متربية ومش متدينة ..
يا جماعة الامور مش بتتقاس كده ..
ليه مبنتعاملش مع المضمون ..
طب منتا ممكن تلاقى البلد كلها متحجبة لكن الاغلبية العظمى منهم منحلين .. وده طبعاً مش محتاج كلام .. واكيد واضح ..
طب انا عايز اسأل سؤال تانى ؟؟
ليه العيال الصغيرة والشباب وحتى الكبار بأو كده ؟؟؟؟
ليه لما يشوفوا اى بنت صغير سورى تكون إبتدت مظاهر الانوسة تظهر عليه يعاكسوها ويضايقوها وبتوصل للمس ؟؟؟؟ وليه البنت العادية مش بتعرف تمشى دلوقتى فى شوارع (بلدها) بحريتها ؟؟ إلا لازم تتعاكس وتتبهدل .. مبيبصوش بأه لحجاب ولا مش حجاب معظم اللى بيتعاكس بيكونوا محجبين !!
طب ليه ؟؟ وهل الحجاب حل مشكلة ؟؟
ياجماعةةةةةة التقرب لله بيكون بين العبد وربه ..
التقرب لله ده بيكون جوهر البنى آدم من جواه ..
انا مش ضد الحجاب ..
لكن انا ضد السزاجة واللامبالاة والجهل ..
لازم نبتدى نلاقى حلول عملية لحياتنا .. لازم نبتدى نصلح بالفعل ..
مش نجادل .. إحنا مش فى مرحلة جدال ..
ياريت اكون عرفت ابين لحضرتك شوية من وجهة نظرى
ومتشكر للأستاذ المحترم chato_eg
لأنه حاول يوصل شوية وجهة نظرى وحرصه كمان على ان ميكنش فيه بوادر مشاكل ممكن تحصل ...
وفى النهاية احب إنى اوريكم الكاريكاتير ده يمكن يساهم شوية فى توضيح الفكرة
http://www.masrawy.com/images2008/FARD_tcm6-2522458.jpg
السلام عليكم .
مشكور جدا لتوضيح وجهة نظرك وانا مزعلتش ولا حاجة بس ردك كان مبهم ويتفهم علي وجوة كتيرة
مفيش خلاف ان الأهم هو الجوهر ، وان اللي بيحصل سببة ان العبادات تحولت لعادات ظاهرية فقط بدون جوهر .. كل دة كلام مش ممكن نختلف فية ، ان كان الظاهر مهم فالجوهر أهم
لكن كل اعتراضي علي نقطة وهيا :
مش شايف أي علاقة بين القضايا الدينية والتخلف اللي البلد فية ، وكون الناس بتتناقش فدة مش معناه انها سايبة شغلها ، زي ماحنا بنتكلم دلوقتي في أي حاجة هل دة معناة اننا منفضين للشغل ؟ مش شرط .. يبقي لية نربط مجرد الكلام علي الدين بالتخلف وحال مصر المذري ، ويمكن دة باين برضو في الصورة .. أمريكا طلعت الفضاء ، طيب واحنا ؟ سايبين الشغل وبنتكلم في الدين ؟ أظن لأ مش كدة خالص ... احنا مش عايشين علشان نتخانق علي خلافات وبس
والله أعلم في مصلحة مين الربط بين الأتنين واية الهدف من نشر المنطق دة
مع احترامى لكلام حضرتك ..
مش عارف ابتدى منين الكلام ..
بس فى الاول نظرية المؤامرة اللى موجودة فى كل حاجة بنتكلم فيها فى اى وقت واى مناسبة واى موضوع ..
مش عارف ليه دايماً حاسين ان فيه مؤامرة علينا من كل الدنيا ...
على ايه يعنى ؟؟؟ تقدر تقولى ؟؟؟؟
على سيادتنا للعالم ؟؟؟ ولا عشان احنا متقدمين وباقى العالم كله متخلف ؟؟
ولا عشان إحنا عندنا استقرار فى كل نواحى الحياة والدنيا كلها بتحسدنا على كده ؟؟ :dzey:
ياراجل دانت العربية بتتصنع فى اليابان مثلاً وبتنزل فى كل الدنيا بسعرها الطبيعى ..
وبلدك هى اللى بتغلى تمنها عليك .. هى دى المؤامرة الحقيقة
طيب بلاش ..
تقدر تقولى إيه اللى إحنا بنقدمه للعالم ؟؟
تقدر تقولى ايييييييييييه اللى موجود عندنا يخلى الدنيا تتآمر علينا ؟؟
مش عايز اخوض اكتر فى الموضوع ده لأنه كبير ولأنى بشوفه يعتبر كدب على النفس وكدب على الضمير لحفظ ماء الوجه فقط ..
طيب ..
نيجى لنقطة وجه اعتراضك على ان القضايا الدينية هى سبب التخلف اللى احنا بنمر بيه .. سورى اللى إحنا غرقانين فيه ..
المشكلة اننا بنبالغ ..
حتى فى الدين ..
ياراجل ده الله نفسه هو اللى بيقول (إعملوا) ..
إحنا شغلنا الشاغل دلوقتى .. الحجاب , إرضاع الكبير , جواز المسيار , النقاب , المؤامرة الكبيرة اللى علينا ..
وده ولد إختلاف كبير بين الناس .. الناس مبقتش عارفة الصح من الغلط ..
ده اللى ولد الاحتقان الطائفى واللى بيرتكب بسببه جرايم دلوقتى .. بين المسلمين والاقباط !!!
واللى ينكر ده يبأه هو اللى مش عايز الخير للبلد .. وهى دى المؤامرة الحقيقية ..
عندك اعلى نسبة محجبين .. وبالمقابل عندك اعلى نسبة تحرش واغتصاب
عندك أعلى نسبة متدينين .. وبالمقابل عندك اعلى نسبة فساد فى العالم ..
على فكرة الكلام ده موجود بإحصائيات مش من عندى .. ومن جهات محايدة كمان عشان محدش يقول دى مؤامرة ..
بأه مفيش اكتر من الدعاه .. عملوا ايه ؟؟ بأه فيه بنهم تنافس .. زى المطربين بالظبط ..
وده بيحب الداعية الفلانى ودى بيحب الداعية الفلانى ..
عملوا ايه ؟؟
الحيرة زادت عند الناس .. حصل إفتراق اكتر بين الناس .. ده يقول على حاجة حلال .. التانى يقول حرام .. ده يقول حرام .. التانى يقول حلال ...
طيب وبعدين ؟؟
انا مش ضد الدعاه بردو .. انا ضد المبالغة .. ودى موجودة عندنا فى كللللللللل حاجة ..
نلاقى شغلانة الموبايلات مشيت مع واحد .. الباقى يقولك خششش فيه ..
البرامج الرياضية بتجيب إعلانات .. الباقى يقولك خشششششش فيه ..
الغنا .. البلد كلها بأت كروانات ..
المشكلة ان ده مش من باب المنافسة .. ولا حتى من باب الاحترافية .. ده من باب التقليد وخلاص ..
يخش فى الحوار ده عشان عارف انه هو ماشى حتى لو مكانش بيفهم فيه .. دى آخر حاجة ممكن يبوصلها ..
وفى الاخر .. الدنيا كلها تخرب وده يقطع على ده والعملية تدمر خالص ..
ميعرفوش ان لو كل واحد إدا للى بيعمله كل مجهوده واجتهد فيه هيوصل لمكانة كويسة مهما كانت الشغلانة دى إيه ..
المشكلة اللى مجننانى إن إحنا عندنا الناس اللى ممكن تبدع وتبتكر ..
لكن الناس متبانش إلا لما تخرج من الحيز اللى عندنا ..
ليه ؟؟
لو عندك سبب ياريت تنور أخوك .. بس بعيد عن المؤامرة الله يكرمك ..
نفسى نبص لأودام .. نفسى اشوف مصر لاحقة الركب الحضارى والتطور اللى فى العالم ..
مصر مليانة بالعقول النيرة اللى ممكن توصل لمرحلة الابداع .. بس فيه حاجة بتحوشهم هنا لكن مش هتحوشهم لما يكونوا بره ..
هى دى المؤامرة الحقيقية ياباشا ..
آسف عشان خت من وقتك كتير ..
السلام عليكم .
كنت مستني اسمع منك كلمة "نظرية المؤامرة" بعد ما مسحتها انا من ردي اللي فات قبل ما اضيفة ، وبصراحة مش عايز اتكلم فيها
أما المؤامرة التانية اللوكال دي فا ربنا يعدينا منها علي خير
القصد ... حاسس اننا بندور في دايرة مفرغة ، و مش عارف لية كلامك فكرني ببيت الشعر اللي بيقول "ولولا كثرة الباكين حولي علي إخوانهم لقتلت نفسي"
مبدأيا و ظاهريا المحجبة افضل بلا ادنى شك من الغير محجبة
واحدة التزمت بأمر الله و التانية لأ هو ده اللي بقيس عليه
كونها بقه داخلها سيء او منحلة فالحجاب لا يعفها من العقاب لكن ده برضه مش عذر للي مش محجبة ... لو العفيفة المتدينة اللي بنت ناس دي مش محجبة ... تقدر تقولي مش محجبة ليه؟؟!!
هل الحجاب مختلف فيه في الدين ؟؟
هل في مسائل الخلاف ممكن اني اخد بالرأي اللي يعجبني - زي ما بيتردد كتير اوي اليومين دول-؟؟
انا لا انكر ان في محجبات اسوء مثال للبنات عموما لكن ده مش مبرر لاي واحده انها تترك فرض كالحجاب, و الا لو عملنا بهذا المبدأ لتركنا الدين كله
المفروض اني ابقى محجبة حسنة الخلق و احسن صورة الحجاب اللي بوظها كتير من البنات ربنا يحاسبهم بما يستحقوا
وربنا يهدي المسلمين الى الصواب
[QUOTE=Haytham4ever;3872068846] مبدأيا و ظاهريا المحجبة افضل بلا ادنى شك من الغير محجبة
واحدة التزمت بأمرالله و التانية لأ هو ده اللي بقيس عليه
كونها بقه داخلها سيء او منحلة فالحجابلا يعفها من العقاب لكن ده برضه مش عذر للي مش محجبة ... لو العفيفة المتدينة الليبنت ناس دي مش محجبة ... تقدر تقولي مش محجبة ليه؟؟!!
هل الحجاب مختلف فيه فيالدين ؟؟
هل في مسائل الخلاف ممكن اني اخد بالرأي اللي يعجبني - زي ما بيترددكتير اوي اليومين دول-؟؟
انا لا انكر ان في محجبات اسوء مثال للبنات عمومالكن دهمش مبرر لاي واحده انها تترك فرض كالحجاب, و الا لو عملنا بهذا المبدألتركنا الدين كله
المفروض اني ابقى محجبة حسنة الخلق و احسن صورة الحجاب الليبوظها كتير من البنات ربنا يحاسبهم بما يستحقوا
وربنا يهدي المسلمين الى الصواب[/QUOTE]
أستاذ هيثم ..
انت بتحكم على اساس منظر اللى اودامك دى حاجة ترجعلك .. وملكش دعوه هو مخبى إيه جواه او ده ميهمكش دى حاجة بردو بتاعتك .. انت حر ..
لكن انك تحاسب بنى آدم او بنت على اساس مظهرها .. سورى فا دى مش بتاعتك ولا بتاعتى ولا بتاعت اى مخلوق ..
ليه ..؟؟ لأن ده عمل الله وحده .. عارف يعنى إيه الله وحده ..
يعنى هو اللى خالقها وهو اللى عارف ايه جواها وهو اللى عارف هى مخبية ايه وظاهرة ايه .. وهو اللى عارف هتموت امتى .. وهو وهو وهو وهو ....
انا اشوف واحدة محجبة وأخلاقها كويسة وعارف كويس انها محترمة ..
ملهاش عندى غير كل تقدير وإحترام ..
أشوف وحدة بردو مش محجبة ومحترمة وتصرفاتها كلها أدب ..
بردو ملهاش عندى غير كل تقدير وإحترام ..
وبالعكس ..
ممكن تكون واحدة محجبة لكن اعرف إنها منحرفة وكل افعالها خارجة ..
تقدر تقولى .. ينفع احترمها لمجرد إنها محجبة وأضحك على نفسى ؟؟؟
لو انت بتحسبها كده يبأه انا موافقك فى كلامك ..
أما بالنسبة لجزئية طالما هى متدينة وبنت ناس ليه مش بتتحجب ..
أقولك انا ..
طب ليه اللى منحرفة وأخلاقها زى الزفت وسمعتها زبالة بتتحجب ؟؟؟؟؟؟؟
قولى ليه بتتحجب ؟؟
طب انا هقولك على حاجة ..
إفرض انت ربنا كرمك وعرفت واحدة وحبيتها ..
الواحدة دى بنت ناس جداً بتخاف عليك جداً .. هتبأه مراتك وانت واثق فيها جداً ..
أهلها ناس محترمين جداً .. بتحافظ على العلاقة اللى بينك وبينها جداً .. بتتقى ربنا فيك وفى نفسها جداً جداً ..
بس ooooops
دى مش محجبة ...
اى هيبأه رد فعلك ..
هتسيبها ؟؟ لمجرد انها مش محجبة ؟؟
تعالى بأه نعكس الموضوع ..
دى منحرفة و متتقيش ربنا فيك ولا فى نفسها ولا بتحبك ولا ولا ولا ........
بس مخبيه كلللللللللللللللل ده ورا الحجاب اللى انت شايفه ؟؟؟
النماذج الوحشة موجودة هنا وهنا ..
والنماذج النضيفة موجودة بردو هنا وهنا ..
والكلام ده فى كل الدنيا مش عندنا بس ..
أهو إحنا من اعلى البلاد الاسلامية فى قصة الحجاب ..
ايه اللى جرى ؟؟؟؟؟؟
الصين بتصدرلنا غشاء بكارة صيييييييييييييييييينى .......
ياراجل صلى على النبى .. ماخفى كان اعظم ..
وربنا يهدى الجميع ..
+11111111اقتباس:
البلد دى انا وثقت تماما انها مش هتنصلح و لا ل 1000 سنة قادمة .
ليه يا جماعة 1000 سنة ؟؟؟
هى اليابان لما إضربت إحتاجت 1000 سنة عشان تقوم وتكون من اقوى دول العالم سواء صناعياً او إقتصادياً ؟؟
هو هتلر لما قضى على حاجة اسمها المانيا .. إحتاجت 1000 سنة عشان تكون المانيا النهارده .. مع العلم ان الالمان طول عمرهم تحت قيادة قيصر هو اللى يقولهم يعملوا ايه وميعملوش ايه ...
الهند .. اللى كنا بنتريأ عليها من فترة قريبة مش من 1000 سنة ولا حاجة بأت ايه النهارده ؟؟
البرازيل اللى بأت من اول 10 دول على العالم إقتصادياً .. وأكل عيشهم كله كان من الكورة .. محتاجتش 1000 سنة ولا حاجة ..
المشكلة كلها فى الدماغ ..
مش فى موارد دولة ولا يصحوا من النوم فجأة يلاقوا عندهم بترول ..
ولا دهب ولا ولا ولا ..
بس إحنا نحاول نستغنى شوية عن سذاجتنا والصيد فى المية العكرة ..
ونبطل نقول أصل العين علينا والعالم كله بيتلككلنا والكلام اللى لا يودى ولا يجيب ده ..
العطلة جاية من عندنا .. من جوانا إحنا .. مش حد عايز يوقفنا ..
ولو حتىىىىى إفترضنا جدلاً جدلاً يعنى ان فيه بيتربص بينا ..
إحنا لو عايزين نقوم هنقوم ولا فيه حاجة تعطلنا ولا تقف فى طريقنا ..
انا عارف انى كلامى ممكن الناس يضحكوا عليا ويقولوا انت بتتكلم كلام رنان وخلاص ..
لكن والله لو نسيبنا من التفاهات اللى بأت متغلغلة فى شعبنا ..
هنبأه من أحلى بلاد الدنيا ..
السلام عليكم .
اتفرجوا على الفيديو اللى بتقول انه كان سبب فى البلونه دى
YouTube - ‫ظ…طµط·ظپظ‰ ط.ط³ظ†ظ‰ ط¨ظٹطھظƒظ„ظ… ط¹ظ† ط§ظ„ط.ط¬ط§ط¨ ظˆظ„ط¨ط³ ط§ظ„ط¨ظ†ط§طھ KeSHoW‬‎
شفتوا التعليقات المكتوبة على الفيديو فى YouTube ؟؟؟
فى ناس شايفين إن مصطفى حسنى كمان بقى منافق....
مش قلتلكم الموضوع فى الآخر وجهات نظر...
و الحمد لله إن ربنا هو إللى هيحاسب البشر فى الآخرة فرادى و كمان الحساب جزء منه مبنى على النيات
ربنا يحسن خواتمنا :ask: