ارجو الافادة وسرعة الرد

**ahmed28** · 11-11-2007 07:21 PM

معروض عليا عربيتن واحدة هيونداى النترا 1994
1600س س مانيوال فيل اوبشن دواخل فبريكة الابواب مرشوشة السعر 39 الف جنية
العربية التانية اكسل 1994
1500س س فابريكة دواخل وخوارج السعر 40 الف جنية
الاسعار قابلة للتفاوض لدا ارجو الافادة السريعة

**fahd_628** · 11-11-2007 07:29 PM

رأى اكسيل قطع غيار متوفرة و سهلة البيع و فابريكة بالكامل بس تأكد انها فابريكة بالكامل عن طريق سمكرى ثقة

و الألنترا دية اعتقد والله اعلم ان قطع غيارها غير متوفرة ( لو انا غلطان ياريت حد يصلحلى المعلمومة )

**Adham** · 11-11-2007 07:57 PM

المشاركة الأصلية كتبت بواسطة ahmed28

معروض عليا عربيتن واحدة هيونداى النترا 1994
1600س س مانيوال فيل اوبشن دواخل فبريكة الابواب مرشوشة السعر 39 الف جنية
العربية التانية اكسل 1994
1500س س فابريكة دواخل وخوارج السعر 40 الف جنية
الاسعار قابلة للتفاوض لدا ارجو الافادة السريعة

اوعى الالنترا ال 94 دي

من كام سنة كان واحد صاحبي قريب مني قوي وكان زميلي في الشغل كمان(بتاع حكاية العرسة اللي دخلت في رجل بنطلونة ايام العربية ال128 الابارث :D ) بعد ماباع ال 128 جاب الألنترا ال 94 طلعت عينين اهلة في قطع غيارها الغالية و مشاكلها لغاية ماباعها بخسارة كبيرة بسبب اللي صرفة عليها بالذات فتيسها باظ و هوة معقد جدا و فية كونترول يونيت و لقط كهرباء و اضطر يشترية استيراد بكذا الف كمان غير التيل بتاعها كان غالي و سير الكاتية غالي و غيرة و غيرة

**sab3aawy** · 11-11-2007 07:58 PM

الإلانترا عربية حكاية بالمقارنة بالإكسيل ، فخمة وجميلة ومهيبة

لكن إلانترا 94 قطع غيارها نادرة وصعب الحصول عليها

فى نفس الوقت فإن الإكسل كل قطع غيارها موجودة ورخيصة، بس عربية عادية جدا بدون اى مميزات

الصراحة

مش عارف

الإختيار صعب

**sokasoon** · 12-11-2007 08:26 PM

مش صعب ولا حاجة الاكسيل افضل من الالنتر الموديل 94

بالتالى هيا احسن وعلى قد السعر المتاح

**Ahmed_Ezz** · 12-11-2007 08:49 PM

رأى الاكسل افضل انا واحد صحبى جابها و كانت راشة كمان و معاه زى الفل

**Ah.Farid** · 13-11-2007 01:31 PM

توكل على الله وصلى استخارة واشترى الاكسيل وربنا يسترها

**thegreatnileman** · 13-11-2007 04:08 PM

1500س س فابريكة دواخل وخوارج السعر 40 الف جنية

توكل على الله انا ركبت الاكسيل قبل الماتريكس حمالة اسية وجبتلعا جوز مساعدين يابانى جداد ب160جنيه وغيرتلها طاقم دبرياج كامل يابانى ب220جنيه وتيل الفرامل ب30جنيه وناعمه ورائعه وخصوصا كانت فابريقه بره وجوه بس اتاكد الاكسيل عربية جميله جدا حدا حدا وعلى فكره وش الفانوس الخلفى ب 10جنيه ولمبة الصالون ب4جنيه واكرةة الباب المعدن ب38 جنيه انا مش عارف انت لسه ماشترتهاش ليه