هل ممكن الرينو لوجان 7 راكب تعمل ببنزين 80

**zorro_99999** · 13-10-2009 08:23 PM

هل ممكن الرينو لوجان 7 راكب تعمل ببنزين 80
عشان بنزين 90 غالي يعتبر الضعف ولا في مشاكل ارجو الرد

**DR/WAFEK** · 13-10-2009 08:35 PM

بالنسبه للموضوع ده هل لو ال 80 بياثر هل بياثر على السحب بس ولا على الماتور اصل فى واحد قالى انه بياثر على حاجه فى الماتور تقريبا الرشاشات ودى بتتغير وفرضا جدلا انه بياثر على الماتور ككل ايه الفتره اللى ممكن ياثر بعدها على الماتور يعنى بالكيلوميترات كام الف كيلو وهل التخليط بقلل التاثير ده ارجو الاعضاء الخبره الرد

**Ahmed Selim** · 13-10-2009 08:40 PM

على ما أفتكر أن غطاء تانك البنزين مكتوب عليه أقل نسبة أوكتين 90 أو 91

أنسو 80 دى خالص عشان مشاكلها هتبقى كتيرة......و محدش هيقدر يقول المشاكل ممكن تظهر بعد كام كيلو.......أنت و نصيبك.

**Col. Eng. Khaled** · 13-10-2009 08:55 PM

الرجاء الإلتزام باللي مكتوب على غطا التانك (توصية الصانع) بدل ما تحصل مشكلة و الناس يرجعوا يحطوا على عربيات رينو

**أحمد كمال** · 13-10-2009 09:30 PM

المشاركة الأصلية كتبت بواسطة col. Eng. Khaled

و الناس يرجعوا يحطوا على عربيات رينو

تصدق مش سمعت ان رينو لو التانك فضي ما بتدورش؟؟؟؟؟؟؟؟؟؟

**Col. Eng. Khaled** · 13-10-2009 09:39 PM

المشاركة الأصلية كتبت بواسطة أحمد كمال

تصدق مش سمعت ان رينو لو التانك فضي ما بتدورش؟؟؟؟؟؟؟؟؟؟

عربية مضربوة ......... بس في ماركة تانية غيييييييييييييييير

**أحمد كمال** · 13-10-2009 11:50 PM

المشاركة الأصلية كتبت بواسطة asdcat39

اصل صاحبى اللى دايما يحط بنزين 80 بيقولى لو حتى الماتور باظ ابقى اسقط واحد ب 3 او 4 تلاف جنيه دا ان باظ حلنى يعنى

ماهو اولا الموتور مش ب 3 و لا 4 الاف

ثانيا ابو 3 و لا 4 ده استيراد و ماشي عدد كيلومترات لا يعلمه الا الله و اكيد حالته ما بتبقاش زي موتورك و هو لسه بزهوته

ثالثا مش الموتور بس اللي هيبوظ .... دورة البنزين من تنك و خراطيم و رشاشات و فلتر و دي مش رخيصة ..... غير عمود الكامة و عمود الكرنك و علبة البيئة و غيره

رابعا اداء العربية هيبقى زفت و طين يعني مش هتمشي معاك على سرعات كويسة

خامسا اللي هتوفره في البنزين هتصرفه في التظبيط

سادسا لو سقطت موتور هتسقط معاه سعر العربية في الأرض

سابعا مش حلني و لا حاجة ..... لو انت بتمشي كيلومتر كتير الضرر هيحل بسرعة ....... و لو بتمشي كيلومتر قليل يبقى مش مستاهلة (مش هتوفر كتير)

للاسف تفكير صديقك شائع جدا بين ملاك السيارات المصريين و أحد أسباب ابتعادي عن المستعمل (يعني لو معايا جنيه اجيب عربية جديدة بجنيه احسن ما اجيب مستعملة بجنيه حتى لو المستعملة هتبقى ماركة أعلى بكتير)

**bmya** · 14-10-2009 05:58 AM

اكيد ياباشا هيأثر احنا ال90 بتاعنا 80 اصلا هههههههههههه
استاذ احمد كلامك في الجووووووون فعلا انا برده مرضيتش اجيب حاجه مستعمله كبيره خوفا من اتسعمال المصريين للسياره وجبت السيريون زيرو قلت احسن من اي عربيه مستعمله معرفش هو بيعمل فيها ايه

الموضوع: هل ممكن الرينو لوجان 7 راكب تعمل ببنزين 80

LinkBack

أدوات الموضوع

عرض

-

-

-

-

-

المواضيع المتشابهه

الي راكب رينو لوجان 7 راكب يسجل ويكتب انطباعه

سوزوكي فان 7 راكب تعمل كام

حد عنده نيسان صني تعمل بالغاز او ببنزين 80؟

سعر الرينو لوجان 7 راكب

ممكن صور او فديو او اي معلومة عن لوجان 7 راكب يحطها هنا

الكلمات الدلالية لهذا الموضوع

المفضلات

المفضلات

ضوابط المشاركة