الموضوع: سحب العربية جنني

مش عارف أقول ايه. العربية اليومين دول ساعات بتسحب وتشد من أقل لمسة لدواسة البنزين وساعات بتبقى زي البطة. بس أغلب الأحيان دلوقتي سحبها مش قوي.

وفي موقف غريب جدا ،،،
كنت حاطط بنزين 92 وقلت أحط 80 في العربية والسحب قبل ماحط بنزين ماكانش بطال.
حطيت بنزين 80 لقيت العربية بقت طياااااارة
علما بأن الموتور بدأ يخف.

العربيات اللى موتورها كبسه بيخف ،في الأول تلاقيها بتجري بسرعة برده و صوت محركها اقل من صوت محرك الموتور السليم وانعم لأن وجود زيت التزييت داخل غرفة الإحتراق مع رزاز البنزين وهواء الإحتراق بيمتص صوت انفجارية البنزين وبيزيد من عملية التزييت لأن الزيت بقي اعلي و اسفل البستن وطقم الشمبر بقى بيهرب الزيت من خارج غرفة الإحتراق الى داخلها"بكميات طفيفة" والموتور بينعم جامد و درجة حرارته بتنخفض اكثر من حرارة الموتور السليم لأن الزيت بقي يبرد الموتور من داخل و خارج غرفة الإحتراق مع عدم وجود دخنة في الأول لأن كمية تسريب الزيت قليلة و الكبس مش بيتسرب جامد.

في المرحلة المتقدمة من التفويت للمحرك بنلاقي كمية زيت التزييت اللي بيأكلها المحرك بقت ملحوظة جدا و الكبس بقى ضعيف جدا لأن احكام الحرق بقى مش متحقق بواسطة الشمبر و البستن و الصبابات.والعربية متجريش زي الأول و بقي الكبس يهرب لسكة الزيت و المحرك يسخن اكتر من المحرك العادي و ظهور دخنة "تميل الي اخضر اللون علي ابيض " من الشكمان و بكده الموتور كتر خيره حيحتاج عمرة نضيفة.
العمرة حتشمل:
- تنظيف المحرك من الداخل بالكامل من اي رواسب كربون- رصاص- بري سبيكة المحرك- رواسب صبغات لون البنزين- إضافات كيميائية لتطويل مدة عمل المحرك المفوت بواسطة تكوين غطاء مترسب حول البستن و الشنبر لإرجاع الكبس مرة اخرى مؤقتا.
- اعادة ضبط الخلوصات داخل المحرك و خرط اي جزء داخل المحرك لإحلال التالف بالمخروط العمولة ذات المقاسات و الأبعاد المظبوطة .
- تغيير كل جوانات المحرك وتركيب بدل منها جوانات جديدة من نفس العمر.وتنظيف دورة البنزين و الزيت بالكامل.
- تجميع اجزاء المحرك بالكامل والبدئ في تشغيل المحرك مرة اخري
- ترك المحرك شغال لفترة حتي يأخذ كل جزئ وضعة و راحته اثناء الحركة ويبدأ التطبيع ويعتاد المحرك على حركة كل جزئ من مكوناته
- تظبيط التاكيهات في السيارات القديمة بعد ما تطببع و مراجعة الجوانات لمنع اي تسريب و مراجعة تربيط وش الكامات من اي تسريب زيت.