الموضوع: انا ناس لعبتلى فى دماغى ياجماعه

مع احترامي لحضرتك طبعاً و اصدقائك طبعاً..

بس بجد الناس اللي بتقول ان العربية الفلانية اخرها 3-4 سنين عشان كوري او كذا او كذا ..بجد بينرفزوني .. هم مبينزلوش الشارع ؟ ولا عمرهم ما شافوا عربيات ؟؟

السلام عليكم ورحمة الله وبركاته

يا جماعه اليابانى, محدش فيكو يحكم علكورى علشان اكيد محدش منكو ركبو فمنتوش عرفين اذا كانت عربيا ممتازه ولا مش أوى
عن تجارب كثيره جداً, توكل على الله الكيا عربيه ممتازه و مش خساره فيها الفلوس خالص, ولو مجبتهاش حتندم, و كل الى بيشككو فيها يشوفو العربيه د بعد 10 سنين و هيا لسه شغاله بكفاءه و ساعتها حيندمو و يقولو يا رتنا غشتريناها

سبحانك اللهم وبحمدك ، أشهد أن لا إله إلا أنت أستغفرك وأتوب إليك

خلاص كلامكو حمسنى تانى لانهم وجعولى دماغى اوى وواحد منهم بيقولى انا بشترى العربيه مثلا تقسيط لمده 3 او 4 سنين كانى بركب بفلوسى كانى ماجرها بيقولك بركب بقسط الشهر
شوفتو التفكير وصل لفين حاجه عجيبه فعلا

يلا على العموم انا خلاص استقريت ومش هشتت نفسى وهى خليجى هاى لاين لانى طبعا عايزها على العيد ان شاء الله مش هستنى الوكيل انا

بس سمعت انها غليت تانى الفين جنيه الكلام ده صح ؟

يمكن الاصدقاء قصدهم ان كلها 3 او 4 سنين ويروح على العربية دي بريقها اللي هي عاملة بيه شغل دلوقتي..
واكيد بعد 3 او 4 سنين فعلا مش هاتبقى مبهرة زي دلوقتي:)

قولك على حاجه مضحكه ههههههههه

اللى عارضونى امبارح جم قالو النهارده احنا هنشترى كيا ديه عربيه جميله جدا هههههههه ومنهم مديرى فى الشغل