الموضوع: انا ناس لعبتلى فى دماغى ياجماعه

عندي رأي في الكوري والياباني الصيني كمان بالمرة مش هينفع التعميم ان الكوري مش بيعمر تلات أربع سنين والكلام دا والياباني هو المعمر
انا شايف ان الكوري القديم - برايد مثلا واكسيل والأحدث شوية السيفيا والأكسنت الشكل القديم العربيات دي لسة ماشية لحد دلوقتي والاكسيل مثلا داخلة على العشرين سنة ولحد النهاردة ماشية زي العفريت واول مانزلت الناس برضة كانت بتقول مش هتعمر تلات اربع سنين واديها داخلة عالعشرين سنة
الناس دي - اليابان وكوريا والصين بالمرة - مش بيفضلوا زي ماهما كتير والتطوير عندهم سريع اوي وطبعا مش محتاج اقول دلائل عالكلام دا وكل الناس شايفاه

آخر حاجة ان العربية استعمال وحسب ماصاحبها بيعاملها وبيعملها صيانتها في مواعيدها وتغيير مايلزم تغييره في الميعاد من غير مايستنى عالحاجة تبوظ - والكلام دا عن تجارب

المشاركة الأصلية كتبت بواسطة sherif2net

كورولا 2009 وكيل بتاعت صديقى بتغير تيل وطنابير بعد 29ألف كيلو فقط!!!!!
دا غير الشكوى المتكررة من سوء التكييف وعشان محدش يقولى دا عيب فى عربية صديقك ... أحنا حاجزنلها عند كل دكاترة مصر فى التويوتا و الكل اجمع ان مفيش حاجة و العربية كدا زى الفل ... (على فكرة العيب دا مش موجود فى التويوتا الوكيل تكييف تاتش و الخليجى)

على فكره انا رحت التوكيل كتير وشفت بنفسى العملاء بيشتكوا من ايه!!!!!!!!!
تغيير التيل والطنابير ده بسبب ان التيل كان المفروض يتغير وصاحب العربيه ما غيرهوش فطبعا الطنابير باظت وده اهمال من صاحب العربيه والتوكيل بيغير الطنابير على حسابه
بالنسبه لموضوع التكييف بسبب ركنة العربيه فى الميناء الفلتر بتاع التكييف فى (بعض الدفعات )كان ملىء بالاتربه والمفروض الفلتر يتنضف اول ما تستلم السياره
توضيح اخير الكورولا هىى السياره الاكثر اعتماديه فى فئتها على مستوى العالم
تحياتى