انا ناس لعبتلى فى دماغى ياجماعه

**yoko** · 16-10-2009 10:01 AM

المشاركة الأصلية كتبت بواسطة safeeagent

لو العربيه هتعد معاك سنتين تلاته وهتبيعها يبقى سيراتو انما لو سيادتك مش محدد ميعاد تبيع فيه العربيه يبقى اللينيا احسنلك كأداء واستهلاك وقود وجوده خامات واوبشنز وكل حاجه باستثناء ان اللينيا مانيوال شورت شيفت (جامد جداً)

+١

**devilishtigers** · 16-10-2009 01:56 PM

والله اللينيا عربية تحفة انزل وشوفها
بس في الاخر دي حاجة بتاعتك ممكن تستخير ربنا وهو يهديك بإذن الله

**Youssef.Awad** · 16-10-2009 03:05 PM

المشاركة الأصلية كتبت بواسطة mshawky

انا كنت مزبط اخر الشهر خلاص باذن الله على النيو سيراتو هاى لاين خليجى ولسه كنت بتشاور مع زمايلى فى الشغل وكله طلع فيا كانى بقولهم تعالو نهرب مخدرات

المهم كل اعتراضهم على اكتر حاجتين اتكلمنا عليهم فى المنتدى هنا انها عربيه كورى والاكتر من كده ان سعرها مبالغ فيه لدرجه انهم قالولى حرام يابنى الفلوس ديه كلها فى العربيه ديه

فالمهم انا دماغى لفت واتخنقت وحسيت انى توهت كده وكلهم قالولى هات حاجه سعرها كويس ومتكنش غاليه زى النيو اكسنت مثلا

المهم انا عملت الموضوع ده اخد رايكم هل استمر فى اختيارى ومستقر على رايى ولا شايفين ايه

اصل كل ماقول لحد هشترى سيراتو يقولى العربيه ده اخرها 3 او 4 سنين وحرم الفلوس ديه كلها

ياريت حد يفيدنى وهل اختار حاجه حنينه شويه فى السعر مع العلم انى اقدر اجيب السيراتو ولا هى فعلا مستاتهلش ؟ لانى مبقتش عارف حاجه

يبدو ان اصدقاء حضرتك اوفياء جداااااااااااااا
واذا دل رأيهم على شىء انما يدل على شدة حبهم ليك وخوفهم عليك وعلى فلوسك
انا رأيى من رأيهم لأن فعلا العربية دى خدت أكتر من حقها جدا فى مصر والعربية مش كماليات وبس خصوصا ان سعرها عالى على الفاضى من وجهة نظرى وبلاش خالص فكرة الخليجى دى عشان ده وهم كبير
وبص بنفسك فى الشوارع على العربيات القديمة منها زى السيفيا i وii - الاسبكترا - الشوما - السيراتو القديمة وبعدين احكم بنفسك
ده بيت تانى مفتوح يعنى لازم تفكر الف مرة قبل اما تقرر اذا كنت هاتشتريها ولا لأ خاصة ان شوارع بلدنا الجميلة تسد نفس اى حد عاوز يركب عربية نضيفة ومحترمة
وانا شايف ان اليابانى مهما كان غالى بس ثمنه فيه عكس الكورى وكمان بيستحمل ويعيش لاولاد ولادك

**Mshawky** · 16-10-2009 04:50 PM

انا متشكر لكل الى رد وفادنى بكلامه

لكن انا العربيه اولا عجبانى الصراحه رغم انى مختلف على السعر اوى اوى ومعنديش استعداد برضه استنى الوكيل اللى قارف ابونا ده وبيتنططو علينا فطبعا هجيب خليجى والخليجى ولا وهم كبير ولا حاجه اغلب عربيات البلد خليجى على فكره وهى عربيه نضيفه وكويسه جدا وعامله حتى سمعه فى الخليج كويسه فكعربيه مختلفناش عليها والناس اللى كانو بينصحونى لقيتهم هيشتروها الشهر الجاى هما كمان فمعنى كده انهم مقعتنعين بالعربيه كعربيه لكن المشكله انا مختلف على سعرها بس وغاليه اوى 130 الف حرام اوى

وملحوظه كمان : انا العربيه ان شاء الله لو كان لينا عمر اخرها معايا 7 سنين مش اكتر فده تخطيطى

ومعلش اللينا ديه عربيه جميله اه بس قطع غيارها ووكيلها وسوقها مش زى الكورى فى مصر لان الفيات لسه مش مسمعه بالتكنولوجيا الجديده ديه وبعدين ناس كتير اشتكت من عدم توفر قطع الغيار بصوره كبيره للعملاء العربيه مش مجرد نقول حلوه ونجرى نشتريها وخلاص

والكورى مهما كان حاجته رخيصه عن الاوربى بغض النظر عن الماركه

وانا هستخير ربنا وربنا يوفقنى لما فيه الخير ان شاء الله

**ldsaklf** · 17-10-2009 04:57 PM

عملت اية يا باشا استقريت علي اية

**Mshawky** · 17-10-2009 05:51 PM

المشاركة الأصلية كتبت بواسطة ldsaklf

عملت اية يا باشا استقريت علي اية

هو تقريبا كده الكورين عامليلنا عمل على السيراتو اننا نحبها

خص استفريت سيراتو sx بفتحه سقف

**محمد محمد** · 17-10-2009 06:22 PM

المشاركة الأصلية كتبت بواسطة sherif2net

عربيات زى الفل وماشية ومش قايلة لأ.......

كورولا 2009 وكيل بتاعت صديقى بتغير تيل وطنابير بعد 29ألف كيلو فقط!!!!!
دا غير الشكوى المتكررة من سوء التكييف وعشان محدش يقولى دا عيب فى عربية صديقك ... أحنا حاجزنلها عند كل دكاترة مصر فى التويوتا و الكل اجمع ان مفيش حاجة و العربية كدا زى الفل ... (على فكرة العيب دا مش موجود فى التويوتا الوكيل تكييف تاتش و الخليجى)

العربية عاملة معايا لغاية النهاردة 44000ك ومغيرتش طنابير خالص وغيرت تيل مرة واحدة علي 27000ك وكان لسة فيه شوية صغيرين.
والحتة بتاعة التكييف دي مش فاهم فيها حاجة التكييف التاتش 7 سرعات ودايما مبعديش السرعة التانية.
واسف اني خرجت برة الموضوع.

**sherif2net** · 17-10-2009 11:46 PM

والحتة بتاعة التكييف دي مش فاهم فيها حاجة التكييف التاتش 7 سرعات ودايما مبعديش السرعة التانية

ما أنا بقول لحضرتك ان العربية الوكيل اللى فيها تكييف تاتش و العربيات الخليجى مفيهاش مشكلة فى التكييف... الشكوى من المانيوال تكييف بكر وكيل..

أنا كمان أسف أنى خرجت من الموضوع بس حبيت أوضح أن مش كل الكورى فيه مشاكل و مش كل اليابانى خالى من المشاكل...