الموضوع: موضوع مهم للنقاش جدا

اخى العزيز بكام ال 2110 سعرها

وماتقيمك لها من خلال تجربتك لها

لانى ايضا اود شراء لادا لكن فكرت فى ال 2107 باعتبار انها اثبتت كفائه لكن نحب نعرف عن ال 2110 و 2115 معلومات اكثر وخصوصا من اصحاب التجارب

بص ياباشا العربية 57 بعد الفصال من المعرض سبق وقولت ف المشاركة اللى فاتت ليا ان انا اول مرة اركب عربية فمقدرش اقيمها بالنسبة للعربيات التانية بس ممكن اقوللك شوية مميزات انا شايفها ف العربية
ان العربية عالية لدرجة كنا قاعدين فيها 6 والله 6 اوزان ما حكت ف اى مطب خصوصا عندنا المطبات ماتتوصاش ف الارياف
بحطلها 80 بس سحبها جميل البودى بتاعها حدادى واحلى ما فيها كشافتها اللى شكل الbmw بس انا اول ما جبتها كانت فيها مشكلة هى انا الفايظ ف اربة الماء كان مسدود بمسمار برمة وعشان كده كانت بتسخن بس الميكانيكى شاف المسمار بالصدفه واول ما شيلناه الحرارة طبيعية

تميم باشا
ربنا يباركلك في ويكفيك شرها ان شاء الله

عندي كام سؤال ويمكن تعرف تقييمهم منها
ايه رأيك في تقفيلها وخصوصا ان الناس بتشكك في التقفيل المصري؟
ايه رأيك في دريكسونها وخصوصا انه مش باور؟
يا ترى سألت عن قطع غيارها اسعارها ايه؟

ويا ريت الاخوة الخبراء يطرحوا اسئلة تانية من النوع البسيط دا علشان اللي مش خبير يرد عليها

والف مبروك مرة تانية

الف مبروك واختيار موفق وربنا يديك خيرها ويكفيك شرها

الله يبارك فيك يا استاذ حسام ويا استاذ وائل
بالنسبة للتقفيل المصرى هو كويس بس فيه شوية عيوب
تلكس العربية مش مريح عند الضغط عليه وصوته وحش
الفروق بين الفوانيس الخلفية والشنطة واسعة شوية
الكلبسات اللى ماسكة سقف العربية من ورا واقعة ومش ماسكة حاجة
البلاستيك اللى تحت فرامل اليد مكسور وانا شوفت كده ف عربيات تانية
دراع المساحات والاشارات ضعيفة شوية
وعموما بلاستيك العربية وحش مش حلو مثلا زى الفيرنا بس من ناحية جسم العربية ككل تمام
والدريكسيون الادا 2110 مش بور بس بقول بصدق انه خفيف
اما قطع الغيار لسه ما جربتش كل اللى انا غيرته مروحة الريداتيرمجبتش
واحدة روسى او مصرى جبت واحدة المانى استيراد خارج عموما انا بسمع انها رخيصة

عايز اكلم عن مميزات العربية
1:العربية واسعة
2:عالية عن الارض وعمرها ما حكت ف مطب حتى لو معاك مين راكب
3:شكل العربية شيك جداا انا بفضله عن الروسى
4:فوانيس العربية شيك جدا وخصوصا بالليل تشوفها تقول بى ام
5:سحب العربية جميل
6:شنطة العربية تنام فيها
7:صاج العربية الف ما شاء الله حدادى انتوا طبعا عارفين صاج العربيات التانية عامل ازاى الورق احسن منه
8:صوتها ناعم والمحرك 1600 سى سى
سعرها حلو وفيها اوبشن من الصعب ان انت تلاقيه ف الفئة السعرية بتاعتها من كمبيوتر الاعطال والتكيف والسنتر وزجاج كهرباء وغيرها وغيرها
المشكلة انها مش منتشرة فحد يقولى هى هتنتشر ولا لا

استاذ تميم مشكوووووووووووور لردك علينا وذكر العيوب والمزايا بأمانة
للعلم العربية دي ابتدت تنتشر في القاهرة بشكل كويس جدا لدرجة انا يوم لقيت اتنين لادا 110 ماشيين ورا بعض
ما تقلقش ان شاء الله وكل حاجة هاتبقى تمام