-
أنا موسوس أوي !!!
السلام عليكم يا شباب
بجد انا مش عارف اذا كانت دي مشكلة ولا حرص و خوف على عربيتي زيادة عن اللزوم بس انا ماشي بمبدأ الوقاية تغني عن العلاج :11:...!!
انا مثلا بعرف ان فلتر البنزين بيتغير تقريبا كل 10000 كم ويمكن في ناس بتغيرة اكتر من كده , انا بحب اغيرة كل 2000 كم بس نفس الكلام للبوجيهات حتى فلتر الزيت بغيره كل مرة مش بستنى مرة ومرة وبغير زيت MObile hxp اللي المفروض بيقعد 5000 كم انا بغيرة تقريبا كل 1500 كم ... ومثلا ممكن كل اسبوع اروح للميكانيكي يبوص على العربية واربط العفشة (تخيلوا كل اسبوع او اسبوعين اعيد تربيط العفشة ) وبتكون زي الفل بس بقول اهو زياده تأكيد .
تنصحوني بأيه يا شباب عشان اقلل خوفي كده على العربية ولا اللي بعملوا صح ولا غلط .. بجد مش عارف .
شطرا لسعه صدركم .
-
انت كدة بترمى فلوسك فى الارض
تانى حاجة كتر الربط على افلاتر و مسامير العفشة و البوجيهات ممكن ينعمها
-
-
التزم بفترات الصيانة اللى فى الكتالوج
MMamdouh
-
بالظبت حضرتك بترمى فلوسك فى الارض
تخيل نفسك شارى قميص او تى شرت جديد ومن ساعة ماجبتة كل يوم عمال تكوى وتغسل فية
مش اكيد القميص ولا التى شرت دة هيدوب بسرعة
الناس اللى واضعة مواعيد الصيانة دى عرفين بيتكلموا ازاى دة نظام الناس كلها ماشية عالية
ولو حضرتك بتحب تغير زيت بدرى ممكن تجيب ال3000 كيلو وتقلبة على 2000او 2500 معقول اوى مش 5000 تقلبة على 1500
دة هو كدة بادوب ابتدى يشتغل
متخفش اوى كدة واعمل الصح وامشى على الكتالوج وكلام الناس الفاهمة مش اى حد يفتى تديلة انتباهك وتخلية يلعب فيها
وبجد احسن حاجة انك بتستشير فى الامور اللى بتشك فيها زى اخوك العبد لله طالما فى حاجة انا مش عارفها
اسأل اهل الخبرة هما يفيدونى من غير لاقدر الله ما افتى واخترع واخرب
-
اقتباس:
أنا موسوس أوي !!!
:star1:
إعقلها وتوكل
-
طبعاً غلط
بعني ممكن لو أنت حريص تعمل الصيانة في مواعيدها وتجيب قطع الغيار الأصلية فقط (وده المفروض) أو الأفضل تتابع مع التوكيل وفي الحالة دية يبقى أنت ضامن أنت بتعمل صيانة زي ماقال الكتاب.
بس بالله عليك مفيش داعي للأسراف وإهدار الفلوس
-
اخى الكريم
انت بترمى فلوسك فى الارض كدا
الحرص والخوف كويس بس بالطريقه دى يبق مبالغ فيه اوىىىىىىىىىىىىىىىىىىىىىى
-
-
العملية نفسية بحتة xxxxxxxxxxxxxxxxxx فى ناس بتوصل معاهم انهم بيغسلوا الصابونة قبل مايستخدمها
العضو الفاضل
يرجى الإلتزام بسياق الموضوع
مع مراعاة إختيار أسلوب النقاش
الهادف دون التلميح لأى شىء خارج الموضوع
ولا داعى لإختيار الأسلوب غير اللائق فى التعليق
وهذا بمثابة إنذار لك بتحرى الدقه فى الردود
مشرف القسم
Content Relevant URLs by
vBSEO 3.6.0 PL2