انا نفسى اعرف حكاية "هتقبل على نفسك عوض؟ " دى اصلها ايه
اصلى شايفها اختراع من اختراعات البحاجة والعباطة المصرية اللى ملهاش آخر زى خرافات قلب الشبشب وفتح المقص ولبس الأسود على الميتين والخمسان والأربعين وان العريس ميشوفش عروسته بقستان الفرح اللى دافع فيه دم قلبه قبل الفرح وكل مفردات الخيبة التقيلة اللى احنا عايشين فيها دى
انا معنديش فكرة عن موضوع العوض فى الدين ظروفه ايه بس من واقع اسلوب الدين فى الدية والقصاص انا متصور ان الأمر نفسه يسرى على اتلاف المال (وتانى بؤكد ان ده محض تصور قد يصيب وقد يخطئ ولا يستند الى نص معين حتى لا يتهمنى احد بالفتوى فيما لا أعلم) واكيد ربنا لا يرضى بالظلم ولا الإفترا، وبالتالى لا يرضى بالبحاجة بتاعة موضوع "انت هتقبل عوض" دى