الموضوع: تقبل العوض ؟؟ طبعاااااااااااااااااااا

اسمحو لي اشترك معاكم بموقف مش لطيف حصل ليا
انا سايق 128 المهكعة بتاعت ابويا
رايح المكتب
و في نص سور حديقة الحيوان في شارع المراد و انا واخد يمين لان حدخل الشارع اللي بعد سور الحديقة
لاقيت التاكسي اللي قدامي و هو عربية قديمة بيقف
و الراجل علشان ياكد انو حيقف و ينزل الزبون طلع ايده عالية شامخة من العربية بيقول انا حقف
ولاننا علي سرعة قليلة جدا انا وقفت مفيش مشاكل و سايب مسافة بيني و بينه
و بمجرد ما وقفت
طخ اتخبطت من ورا بعربية اسكودا موديل قديم
نزلت طبعا اشوف ايه اللي حصل
خبطة خفيفة في الشنطة و كسر في الفانوس و كسر الفانوس الجديد اللي بيشيل النمرة و ينور عليها و الاكصدام اتعوج
يعني حاجات في حدود 100 جنيه بالكتير
هو حصل له ايه
من قدام مابين الفانوس اتفعص و هو من غير شبكة فبر هو صاج علي طوول
و اظن الراديتير كان بيجيب ميه

و لان الموضوع بسيط انا نازل و انا في نيتي اني اسامح

الاقي ايه يارجالة
الراجل نازل يضرب كف بكف و يبص علي عربيته
و دلوقتي الناس اتلمت
انا رحت قاعد علي شنطة عربيتي و بتفرج
و بعد ما فتح الكابوت و قفله
و تدخل اكتر من فرد بقول بسيطة و كلام من ده
و هو ماشي و لا بيعبرني لاقيته حيروح يركب و شكرا

الصراحة اعصابي فارت
ده لا اعتذر و لا قال حصل خير و لا عبر اهلي خالص
رحت ماسك فيه بالكلام ايه مش حتعبرني انت مش غلطان و كلام من ده
راح فاتح فيا ان انا الغلطان و وقفت فجاءة و انا لمض الفرامل مش شغالة
طبعا احرجته قصاد الناس كلهم شغلين لانها لسه جايه من عند السمكري من يجي شهرين
و حتي بعد الخبطة اللمض شغاله و الفاونيس مكسورة

بالمناسبة التاكسي اللي وقفني اصلا روح و اتغدي و نام و بيوصل واحد للمطار دلوقت :-)))

لاقيت من جاي
الموتسيكل و الامين من اشارة نهضة مصر
قلت له حصل كذا كذا و انا عايز اعمل محضر

خد الرخص و ارقام الموبيلات
و الراجل عرف نفسه علي انه مهندس في المرور
و انا قلت له انا عاطل انا لا مهندس و لا بتاع وريني حتعمل ايه بس بالادب احتراما للامين

يمين شمال الامين رافض يعمل اي نوع من المحاضر و واقف مبتسم
و الناس تقولي خلاص و حتدفع معاه غرامه

المهم بعد فترة قالوا لي عايز ايه
قلت لهم علي الاقل يعتذر هو الغلطان مش انا وانا مش عايز حاجة
فالنهاية اعتذر لانه مستعجل
و انا اكتفيت بتعطيلة النص ساعة دي
و بعد ما مشي
الامين بيقولي ايه
قالي رقمه و رقم موبيله معايا لو والدك عايز يعمل محضر
اصلي اتحججت علشان اعمله المحضر لما لاقيته معندوش دم
بان ابويا حيعلقني و الرخصة اهيه باسمه

لان الناس بتقولي عربية قديمة عايز ابه بقي اشتري دماغك و كلام من ده

المهم الامين بيقولي ايه
بس عيب قوي لو تعمل له محضر في القسم من غير ما تتصل بيه
و لو عايز عايز رقمه هو معايا في الورقة و راح مطبق الورقة و ماشي

السؤال كنت حعمل لو كنت سايق التويوتا مع واحد معندوش دم زي ده مش سرحان
كان زماني بخبط دماغي في الاسفلت لحد دلوقت

و عجبي

اعتقد ان ده نفس مبدأ حضرتك يا استاذ احمد

يا باشا افترض فيا حسن النية شوية

علي فكرة انا من النوع اللي ولا بيجري و لا بيعمل غرز و بحاول علي قد مقدر ابقي حريص جدا

مش عشان خايف علي نفسي وعلي الناس و عربيتي بس ، عشان خايف علي عائلتي اكتر و مبحبش المشاكل

قال أحد السلف : ( إذا بلغك عن أخيك شيء فالتمس له عذرا , فإن لم تجد له عذر
فقل لعل له عذرا لا أعلمه)

المشاركة الأصلية كتبت بواسطة fahd_628

معاك بس مثلا ساعات بيبقى فية تجاوزات مثلا سائق غلبان جدا و محترم و نزل قال لك انا اسف و حصلحهالك دة ممكن اقولة ماشى خلاص روح لكن لو واحد نزل و قالى مش تاخد بالك و الكلام دة حنزل ح........... و اخد منة فلوس طبعا لو هوة الى غلطان

+10000
و ممكن يكون حتى سواق أتوبيس نقل عام عجوز و غلبان و نزل يعتذر و إنت عارف إن ممكن يتخرب بيته لو دفع ألف أو ألفين، طب نعمل إيه ساعتها؟؟؟؟