صدق او لا تصدق فتورة الكهرباء جتلى 1200 جنية

**Ahmed Nouh** · 14-10-2009 11:35 AM

يا جماعه مشروع ادفع وبعدين اتظلم ده كان ايام ما الكهرباء كانت حكومه , ربنا يعيدها الايام دى

دلوقتى ينفع تتظلم عادى وقسم المراجعه بيبص فى فواتيرك اللى فاتت لما بيلاقى الاستهلاك مختلف بشكل غريب زى كدا فعلا بيعمل اجراءات التصحيح عادى

من غير ما تتعصب ولا حاجه من ساعه الكهرباء ما بقت شركه الجراءات بقت اسهل متقلقش , المهم ان فى موظفين علشان ينجزو هيقولك ادفع اوعى تسمع كلاموا

انا عندى شقه وكانت مقفوله لقيتهم باعتلى وصولات الوصل الواحد فيهم ب 70 جنيه واساسا الشقه محدش بيدخلها , رحت عملت التظلم وخدت معايا القارئ والوصلات كلها نزلت ل 5 جنيه الوصل

بس هو حضرتك تبع كهرباء ايه ؟

**zaza_lanos** · 14-10-2009 11:40 AM

لييييييييييييييييييييييه كتير قوى
بفتراى انته فاتح مصنع

**ahmed_khalil** · 14-10-2009 12:56 PM

لااااااااااااااااا تدفع عشان لو دفعت مش هاينفع تاخد فلوسك كلم شركة الكهربه هايجبولك واحد معاد عداد و هايعمل تست على القديم لقاه بايظ يركبلك الجديد و ياخد هوه القديم
الحكايه دى لسه حاصله معايا العداد ما شاء الله كان مركب تربو و هوه بيلف

**A.Saad** · 14-10-2009 08:40 PM

بص هيا حصلت معانا بس بطريقة تانية
ان لو عدادك 40 امبير او 3 فاز
هما بيفتكروا انه بيقلب عند 10000 ولكن العداد الكبير بيقلب عند 100000
فبيكون فيه غلط فى الحساب
وعلى فكرة
هما عندهم بيانات الفواتير
بس لو لقيت الوصل يكون افضل كى تقارنه بقراية العداد

**beautiful0mind** · 14-10-2009 10:20 PM

لا جديد لغايط دلوقتى ياجماعة .........انا فعلا خت قراية العداد دلوقتى وجبت الفواتير اللى فاتت كلها لغايط سنه 2008 وهروحلهم المشكلة انى مضغوط اليومين دول جدا مش عارف اروحلهم ..........اه نسيت يجماعة الكشاف طلع مش بيطلع يكشف بيكتب بالويم كدة اللى قالى كدة البواب .....وشكرا ليكم كلكم جدا بجد وضحتولى اشياء كتير وربنا يعديها على خير دول 1200 كهربة .......دانا اذود عليهم وجيب مولد كهربة احسن

**Ahmed Nouh** · 14-10-2009 10:47 PM

بص انا سألت لك دلوقتى بالتفصيل

الاول لازم تاخد قراءه العداد عندك وتقارنها بكعب الوصل اللى جالك , لو القراءه الحاليه اكبر من اللى انت لقيتها فى العداد يبقى تطلع على الكهرباء اللى انت تبعها ومعاك القراءه السليمه وتبلغ بيها وهناك هيتعملك تسويه بالاستهلاك الجديد

لكن لو القراءه اللى عندك طلعت اعلى من اللى فى الوصل يبقى انت كدا يا اتسرق منك كهرباء يا اما العداد بايظ , فى الحاله دى لازم تدفع الاول وبعدين تعمل طلب فحص عداد وهيتم سحب العداد لفحصه فى معمل الشركه ويطلع تقرير بالحاله

لو ثبت انه سليم بعيب دون تعمد المالك هيتم محاسبتك حسب تسويه لأخر استهلاك خلال 3 شهور ومقارنتها بنفس الاستهلاك خلال الفتره دى من السنه اللى فاتت وطبعا المبلغ اللى اتدفع هيبقى رصيد ليك هناك

**theking2690** · 14-10-2009 10:51 PM

مش عايزك تستغرب الموضوع ده حصل معايا فى شهر 7 و 8 و كانت الفاتوره 1000 والله و مهما عملت لازم تدفعهم فريح دماغك و متفكرش

**SHNORY** · 14-10-2009 10:53 PM

مره واحد من اللي بيقروا العداد جالنا وكان جديد
وطلع اننا واخدين 11 الف كيلوا
طبعا احنا لو مشغلين توربينات نوويه بالكهربا مش حناخد الرقم ده
وبعدها بيومين من غير ما نشتكي ولا حاجه جه واحد تاني يراجع علي العداد علشان لقي ان القرايه مش طبيعيه والحمد لله عدت

-

-

الموضوع: صدق او لا تصدق فتورة الكهرباء جتلى 1200 جنية

LinkBack

أدوات الموضوع

عرض

-

-

-

-

-

-

-

-

المواضيع المتشابهه

جتلى رساله غريبه !!!!!

السمكري عاوز 1200 جنية في الآسكندرية

جتلى فكرة قولت اجربها !

صدق او لا تصدق عامل النظافة فى اليابان مرتبة فى حدود اربعين الف جنية فى الشهر

الكلمات الدلالية لهذا الموضوع

المفضلات

المفضلات

ضوابط المشاركة