ماعدش عندى وقت

**zego** · 14-10-2009 02:40 AM

يا جماعة الله يبارك فيكم انا عندي فرح واحد صاحبي يوم الخميس ولازم اروح وهو من محافظة جمبنا بس الواحد طبعا هيبقي لابس بدلة وكدا فماينفعش البهدلة في المواصلات فأنا عايز أأجر عربية وانا كان عندي عربية بس بعتها من شهرين فعاوز أأجر وخايف لا قدر الله يحصل حاجة وللعلم العربيات اللى ادامى لحد دلوقتى هما فيرنا مانيوال وأفيو مانيوال والانترا اتوماتيك فمحتار ومش عارف اعمل ايه دلونى بسرعة

**abdallah_7** · 14-10-2009 06:01 AM

اركب الحنطور ..درجن درجن واتحنطر ههههههههههههههههههههههههه هه

لمخالفة القاعدة رقم 13
تم حصولك على انذار ووقف اسبوع

مشرف عام .4

**ashraf229** · 14-10-2009 09:29 AM

توكل على الله عايزنا ندلك في ايه؟؟؟

عايز تأجر أجر و الموضوع بدون مبالغة فيه مخاطرة و يفضل الابتعاد عنه لكن في الأول و في الأخر كل شيء نصيب و محدش بيأخد أكتر من نصيبه

لكن لو كل الناس اللي بتأجر بيحصلها مشاكل و حوارات و مخاطر كان زمان الناس بطلت تأجير من زمان و الشركات دي فلست و قفلت

لكن نصيحة حاول تأخد عربية من حد معرفة يعني مكتب يكون حد من أصدقائك أو زمايلك تعاملوا معاه قبل كده و معروف عنه انه حقاني و محترم

و ربنا يوفقك و ألف مبروك ربننا يتمم بخير

**A_H_M_A_D** · 14-10-2009 10:16 AM

المهم إنك تسوق على مهلك و خليك حريص
و متخليش العربية تغرك إنك تجري و تعمل غرز و الكلام ده
و ربنا يسترها معاك إن شاء الله

**Osama_soliman** · 14-10-2009 10:24 AM

ممكن تأجير عربية بسواقها وتتنهى المشكلة لو متاح عند الحل ده. وممكن الشركات صاحبة السيارات يكون عندها كده. بس هيكون اغلى اكيد بس أأمن . وربنا يسترها معنا جميعاً

**zego** · 14-10-2009 02:50 PM

المشاركة الأصلية كتبت بواسطة abdallah_7

اركب الحنطور ..درجن درجن واتحنطر ههههههههههههههههههههههههه هه

دمك خفيف اوووووووى !!!!
يعني ده وقت خفة دم يا لذيذ بص علي الاعضاء المحترمين اللى ردوا وكتر الف خيرهم

_______________________________
تقرير المشاركة هو الطريقة الوحيدة للرد على أي مضايقة او إهانة
ردك المباشر عرضك لتلقى هذا التحذير

مشرف عام.4

**Ashraf_Ashraf** · 14-10-2009 02:55 PM

اهم شئ اختار من مكتب معروف وليه سمعه كويسه بدل ماتروح لحد نصاب يقولك عملت وسويت فى العربيه
وقول يارب هو الستار
ومبروك مقدما ومش تنسى تشرب لينا شربات معاك

**zego** · 14-10-2009 04:03 PM

انا باشكر
ash_rsi -- اسامه سليمان -- واشرف 229
باشكركم بجد وقررت ان انا مش هأجر واصبر شوية لغاية ما أجيب عربية ليا وتبقي ملكى احسن

**dr.nemo** · 14-10-2009 06:35 PM

ممكن تاخد تاكسي مخصوص
بس هيبقى مكلف لو المشوار بعيد

**sha2e** · 14-10-2009 06:50 PM

رأي خليك فى المضمون واجر العربيه بالسواق هتزيد كام يعنى 30 جنيه بالكتير
بس هتريح دماغك من حجات كتير :
1- مش هتمضي على اى حاجه ( وده الاهم )
2- لو العربيه لا قدر الله حصلها اى حاجه انت ملكش دعوه
3- فى الرجوع بالليل بعد الفرح اكيد هتكون مرهق هتريح والسواق هوا اللى هيرجعك زي الباشا