جولف 3 رحت اغير جوان وش السلندر الموتور باظ ههههههههه
نبدأ الحكاية من الاول انا عندى جولف 1993 1400cc من حوالى شهرتقريبا نقول شهرين لقيت العربية بتعرق ماية من الشكمان بس زيادة شوية (من يوم ما جبت الموتور ده من 4 سنين وهو بيعرق) والماية كانت بتنقص نقول كوب ماء كل اسبوع مثلاوكان فية ماسورة ماية فى الموتور بتجيب ماية بسيط جدا. قولت يبقى منها قولت ابقى اجيب واحدة من الشونة من عندنا فى بورسعيد علشان الجديدة صينى. المهم وللامانة انا مكنتش مرتاح لموضوع التعريق الكتير والكل يقولك ايه يا عم احمد ربنا واسكت ما تقولش لحد علشان الحسد وكنت بتابع الزيت علشان اطمئن على جوان وش السلندر( يعنى الزيت مش عامل طحينة) وكلة تمام المهم امبارح باليل وانا باركن العربية سمعت المروحة شغالة على السرعة العالية وده نادر الحدوث قولت انزل الصبح ابقى اشوف الماية يمكن ناقصة وفعلا لقيت الماية ناقصة حوالى لتر قمت فاتح غطى الزيت لقيتة عامل طحينة الرشيدى الميزانقولت اجيب طعمية على الطحينة وافطرالمهم قولت كدة عسل قوى يبقى الجوان قل بأصلة رحت للميكانيكى وجبنا جوان وش السلندر وقفلنا وقالى دور العربية وحصل دارت وبعد ثوانى بطلت قالى مش مهم اطلع بالعربية اقرص عليها شوية وتعالى قلت ومالة طلعت اجرب واول ما اشيل رجلى من على دواسة البنزين تبطل رجعتلة قالى مش مهم امش عليها شوية وهى هاتظبط المهم قالى تعالى وصلنى للبيت ركبنا واحنا ماشيين لمبة الزيت قعدت تنور وتطفى وقفنا شوفنا الزيت لقيناه كويس قالى امشى مش مهم وصلنا البيت عندة فتح الكبوت وسمعنا صوت رنه غريبة فى الموتور وشه جاب الوان قالى سيبلى العربية وروح انت مشيت ورجعتلة على الورشة بعد كام ساعة لقيتة فاكك وش السلندر تانى علشان يراجع على الجوان لقاه كويس قام قفل تانى وجرب تانى صوت الموتور حلو قعد ياخد هواها شوية لحد ما سخنت وفجأة ظهر صوت رنه تانى فى الموتور وظهرت داخنة بيضاء من الشكمان ولمبة الزيت تنور وتطفى قالى بس شكلنا هانجيب موتور تانى ازاى ياعم الموتور عندى عمره ما دخن ولا اسود ولا ابيض ولا اكل زيت خالص يعنى من غير اى بوادر خالص كدة قالى ممكن انا بقة السؤال اللى هايجننى ايه تفسير اللى حصل علشان ابقى مرتاح مع ان معلوماتى فى العربيات كويسة بس مش لاقى تفسيروباعدين لو اضطريت اجيب موتور تانى اجيب الموتور الابيض ولا الاسود وانتم عارفين لازم يكون اقل من 1500cc علشان قرف المنطة الحرة وربنا يبعدكم عن الحرفيين والصنايعية بوجه عام
