معايا 22000 اجيب عربية نوعها اية من فضلكم انصحونى؟

**ahmedangel** · 20-10-2009 03:26 AM

بص يا سيدى بالنسبة للمازدا 323 العربية دية مع عمى وماشاء الله انا ركبتها عربية محترمة بتاعة شغل وحنينة فى الفلوس بالنسبة لقطع الغيار وحنينة على الطيق وسحبها موش وحش وبالنسبة لل128 انصحك ودا رائى الشخصى ابعد عنها لانها سعرها دلوقتى نازل جدااااااا بسبب ضعف الاقبال عليها دا رائى والله اعلم

**AMA** · 20-10-2009 04:15 AM

المشاركة الأصلية كتبت بواسطة ahmedangel

وبعدين انا لسة مدلوتش كلمة نهائية وبعدين كنت متوقع انكو تباركولى والى عايز يشوف اسعار العربيات الابيزا بكام موجود على نايل موتورز وعلى كونتكت كار احكمو بنفسكو طيب والله العظيم انا شفت ابيزا مو 98 ب 22 او 23 موش فاكر لاكن فالحدود دية فسكندرية وحالتها زى الفل

بتحصل كتير جدا و بتكون حالتها زى الفل كمان بس نادرا جدا جدا جدا جدا
إلى يخلى واحد يعرض بيجو 305 بحالة زى العسل كأنها زيرو بحوالى 8 ألاف جنية
هوا على العموم بيبقى فيه ناس بتبيع عشان جابت حاجة جديدة و فيه ناس بتبيع عشان تسافر و فيه ناس بتبيع عشان مشاكل معينه و هكذا

المشاركة الأصلية كتبت بواسطة ahmedangel

وبعدين انا لسة مدلوتش كلمة نهائية وبعدين كنت متوقع انكو تباركولى والى عايز يشوف اسعار العربيات الابيزا بكام موجود على نايل موتورز وعلى كونتكت كار احكمو بنفسكو طيب والله العظيم انا شفت ابيزا مو 98 ب 22 او 23 موش فاكر لاكن فالحدود دية فسكندرية وحالتها زى الفل

زى ماقالولك أكشف عليها فى مكان محترم و موثوق فيه جدا مهما قالك أن حالتها كويسة أو شكلها الخارجى فابريكا لازم تروح تكشف عليها الأول سواء فى السمكرة أو الميكانيكا بتاعتها

**ahmedangel** · 20-10-2009 04:17 AM

اكيد طبعا هكشف عليها محدش بيشترى حاجة على المغمض كدة

**AMA** · 20-10-2009 04:17 AM

المشاركة الأصلية كتبت بواسطة amrezzat82

يا سباب مش لاقي مازدا 323 نظيفة و بسعر كويس؟ ممكن أي أقتراحات؟
و فى واحد صحبي شكله مجنون 28 عمال يحكيلي البدع على عربية 28 موديل 86 و نظيفة قوي بس صاخبها عايز فيها 18 ألف -- طبعا بيحلم؟ و لا أيه؟
و أيه رأيكم بين الأثنين ال 28 ولا المازدا 323؟؟ خصوصا ان مشوايري حتكون عند كارفور القطامية و انتوا عارفين أن نمعظم الشوراع هناك كلها ترب فظيع و مكسرة قوي
و لا برضه المازدا مش حتنفع فى تكسيرات الطرق ده؟؟

بجد ياريت تفيدوني كلكم بخبراتكم

الـ128 أخرها لما العربية كاوتشها يتكلم هتبقى بـ14 ألف دا لما تكون خرافة كمان
لكن بالنسبة للطرق و كدة بصراحة معرفش مش قادر أحكملك يعنى بين المازدا 323 و بين الفيات 128
بس على ماأظن الأقوى و بما أنك طالع منك 18 ألف يبقى المازدا لأنها أقوى لكن كقطع غيار ماليش أى فكرة عنها

و أرجو أننا أكون فيدتك فى أى حاجة

**Terrible_DaRsH** · 20-10-2009 05:11 AM

ابيزا 94 ب 22000 جنيه !!!!

على كده الاونو تبقي ب 13 الف بقي .

بصراحة السعر مشكوك فيه جامد , حاول تتاكد من سلامة العربية دى .

**hossam_chixo** · 20-10-2009 01:10 PM

نصيحة من الاخر بال 22000 الى معاك هات حاجة 128 نوفا موديلات اواخر التسعينات و تكون نضيفة و حالتها حلوة
و على فكرة واحد معرفة بيقول السيات الاببيزا مطلعة عينوة فى مصاريف قطع الغيار بتاعة الابيزا غالية جدااااااااااااا جدااااااااااا
خليك غى ال 128 و اهى مضمونة و و مصاريفها معقولة جدا
و فى الاخر الراى ليك طبعا.

**ahmedangel** · 20-10-2009 07:13 PM

لا حول ولا قوة الا بالله انت اول واحد يقول ان الابيزا قطع غيارها غاليية يا اخى ممكن تكون غالية بالنسبالو او ممكن تسالو حضرتك قطع الغيار الاساسية بكام وعلى العموم انا صرفت نظر عن العربية دية لان حالتها مش حلوة وبدور على ابيزا تانية

**amrezzat82** · 20-10-2009 08:43 PM

جزاكم الله خيرا يا شباب
انا والله قلت كده برضه
بس انا مش لاقي مازدا نظيفة و لقطة....لو حد يعرف حاجة فى القاهرة ياريت يقولي

**most_wanted** · 21-10-2009 01:32 AM

المشاركة الأصلية كتبت بواسطة ahmedangel

يا جماعة الريجاتة زى الزفت اعطالها كتير انا على جثتى انى اجيب ريجاتا انا شوفت بعينى ان اعطالها كتير جدا اما بالنسبة للمازدا معروض عليا فعلا واحدة ب 20000 بس انا نفسى اوى فال 504 ومشكلة فعلا انها بتسحب بنزين كتير والاونو مشكلتها انها صغيرة بس حلوة موش عارف امل اية على العموم جزاكام الله خير يا اخوة

حضرتك متاكد ان الريجاتا اعطالها كتيير انا اول مره اشوف حد بيقول عليها كده!!!!!!!!

**ahmedangel** · 21-10-2009 02:23 AM

والله دا الى شفتو قدامى والله اعلم ممكن تكون ريجاتا حالتها كويسة ومشدودة شدة حلوة لاكن الى شفتو قدامى انها بلاعة فلوس كانت مع واحد صحبى ولمدة 3 سنين كان بيصرف عليها تصليح وعن ناس كتيرة ومختلفة واخر مرة المتور ولع والحمد لله بعها من 5 شهور وكنا على وشك ان نعملو حفلة بالمناسبة دية والله اعلم

الموضوع: معايا 22000 اجيب عربية نوعها اية من فضلكم انصحونى؟

LinkBack

أدوات الموضوع

عرض

-

-

-

-

المواضيع المتشابهه

ممكن اعرف لو معايا 45 الف جنيه اجيب بيهم عربية ايه ؟

معايا 100000الف وعاوز عربية يبانى اجيب

معايا 75 وعايزه اشترى سياره انصحونى يا اهل الخير والخبره---محتاره

اجيب بطارية نوعها اية؟؟

انصحونى من فضلكم

الكلمات الدلالية لهذا الموضوع

المفضلات

المفضلات

ضوابط المشاركة