ساعدوني عملة حادثه في الواجا
مرحبا ياجماعة كيفكم انشالله كل شي تمام اول شي انا نضال من سوريا وسيارتي بروتون واجا اوتوماتيك موديل 2006 سوداء وبتشرف كون معكم وبتمنى تقبلوني صديق معكم وتساعدوني بحل مشكلتي
الحادثة : يوم الاحد وانا راجع عالبيت الساعة 6المساء وتعبان وكانت سرعتي 50 تقريبا عالطريق مجموعة شباب بسيارة كيا سيراتو والشاب يلي كان عم يسوق صار يكسر عليي ويسابقني وانا كان طريقي عاليسار وقت لفيت الدركسيون عاليسار عملت كيك داون لحتى ابتعد عنه والنتيجة ان السيارة زحطت وخبطت بالرصيف بالعجلة الأمامية اليمين وبسرعه ركنت عاليمين ونزلت شوف شو صار لقيت ان العجل راجع لورا و وداقق بالرفراف والجنط اتقحوط وصارت وقت امشي لقدام او وقت لف الدركسيون عاليمين يطلع صوت احتكاك حديد قوي ومرعب تاني يوم اتوكلت على الله وطلعت على ورشه دوزان وبعد الفحص غير معلم الورشه القطعة يلي بتمسك جسم الدولاب بجسم السيارة وشكلها تقريبا مسطح يشبه حرف إل كابيتال ليتر - الكبير - بالانجليزي ومصنوعه من الفولاذ اكيد انتوا فهمتوا قصدي ونحنا بسوريا منسميها - صينية - وكانت مطعوجه وهي القطعة الوحيدة اللي اتأثرت بالخبطة والقطعة يلي اتركبت نفس شكل القطعة القديمة وقال معلم الورشه انها استيراد من سيارة واجا عامله حادثه ووقت انتهى من التركيب و تظبيط الدوزان ركب الجنط طبعا بعد ما اتصلح واستلمتها ومشيت ورجعت السيارة تمام وانا عالطريق اكتشفت ان السيارة عم تروح عاليمين وقت يكون الدركسيون عالنصف ولازم لف الدركسيون عاليسار 1 سم تقريبا لحتى تبقى السيارة ماشية مستقيم اكيد رح تسألوني ليش مارحت عالتوكيل بصراحة التوكيل اسعاره غالية جدا جدا ولو صلحتها بالتوكيل كانت كلفتني خمس أضعاف السعر يلي دفعته بالورشه وانا اصلا اخدها بالتقسيط ولسى عندي سنة دفع اقساط المهم لو سمحتوا ساعدوني وقولوا لي سبب ظهور المشكلة مع ان القطعة المضروبة اتغيرت وشو حل ? وممكن السيارة ترجع متل ماكانت ولا خلص هذا صار عيب وماعاد يتصلح ?
ومشكلتي خطيرة ولا عادية ? انا اسف لأن اسئلتي كتيرة بس انا خبرتي بالسيارات قليلة ياريت تردوا بسرعة لأن هذا الموضوع زاعجني ومنرفزني وقلقان كتير وانا خايف اذا اسرعت يصير شي للسيارة والف شكر مقدما