اقتباس:
المشاركة الأصلية كتبت بواسطة Falcon
أى عربية مانيوال ممكن تفصل الحركة فيها طبعاً عن طريق تموير الفتيس أو عن طريق ضغط دواسة الدبرياج على الآخر ... الفرق بين الطريقتين ان فصل الحركة عن طريق تموير الفتيس حيبقى عمود الخرج اللى طالع من الموتور موصل حركة للاسطوانة و منها للترس القائد للجيربوكس و بعد كدة الحركة مفصولة ... أما فى الطريقة الثانية فبيبقى عمود الخرج اللى طالع من الموتور مش موصل حركة لأى حاجة بعد كدة ... و بالتالى الطريقة التانية بتخفف عدة كيلوجرامات من الحمل من على المارش أثناء تدوير السيارة فتقوم بصورة أسهل ... أعتقد الكلام دة بيبان أثره على العمر الافتراضى للمارش انه بيزيد جداً فى حالة الانتظام على تدوير السيارة مع الضغط على الدبرياج. طبعاً كل اللى أنا كاتبه دة مجرد رأى أو اجتهاد مش مبنى على أدلة لكن أنا فعلاً شفت فى كتالوجات كتيرة و منها كتالوج عربيتى نصيحة بالضغط على دواسة الدبرياج أثناء ادارة السيارة