تقييم الm11 من الاول للاخر

**hemaa_82** · 31-10-2009 10:53 PM

عملت صيانة ال 1000 ... زيت و فلتر و تربيط عفشة .... العربية زي الفل الحمد لله و ما شاء الله .... اللهم بارك لنا و لكم اجمعين

**teha** · 01-11-2009 04:21 AM

ناس كتيرة بتقول ان عيب الصيني هو ان لما تيجي تبيعه بعد كدة مش بيجيب فلوس و ناس قلتلي يعني الm11 هتقل حوالي 25000 الف جنيه كمان سنتين مثلا لما تيجي تبعها و بصراحة الموضوع ده مقلني شوية .
و في حاجة تانية برده قالقاني ان معظم الصيني برده مش معمر يعني الحاجة ممكن تبوظ فيه مثلا بعد سنة اما العربيات التانية سنتين و ثلاثة .
و ده كله كلام بيتقال لو حد يقدر يطمني يكون جزاه الله خيرا .

**hani945** · 04-11-2009 09:44 PM

مشكور على التقرير

**hemaa_82** · 07-11-2009 02:34 PM

العربية اتخبطت ...........الحمد لله

http://www.nilemotors.net/Nile/10461...post3872107842

**dolly13** · 07-11-2009 08:51 PM

اولا الف مبروك على العربية ويارب تثبت كفائتها لانى من مشجعى الصينى
ثانيا قدر الله وماشاء فعل على الحادثة وربنا يعوض عليك
على فكرة انا اشتريت فيرنا زيرو من كام شهر ومستية بس لما تقدم شوية وباذن الله ناوية اشترىام 11
وماتضايقش من الناس اللى بتهاجم الصينى هو كل الحكاية ان عندهم نظرة فوقية شوية للصينى لكن سرعان ماتزول هذه النظرة وتثبت العربيات دى كفائتها قريبا جدا

**hemaa_82** · 01-12-2009 05:38 PM

الحمد لله لسة العربيه زي ماهيه مخبوطة بس برضو لسه حالتها كويسة .... مافيش اضافات ... الانطباع لسة كويس الحمد لله برغم المشوار اليومي من الي الشغل 50 كيلو و انا ساكن في الحرفيين حيث الارض المدغدغة و الحمد لله .... لا ندم ....

**teha** · 01-12-2009 08:18 PM

العربية جميلة جدا و عالية من على الارض و وناعمة جدا في السواقة وعلى فكرة انا كان معايا هوندا موديل 1996 وطبعا مقلكوش على نعومة الياباني و لكن انا مش حاسس بفرق والله بالعكس انا حاسس ان العربية عفشتها ناعمة زي الهوندا و مش بسمع اي حاجة منها وانا ماشي .
كنت عاوز اسال على حاجة كدة انا بسمع صوت تزييق خفيف اوي اوي في الازاز لما اقفله على الاخر وانا ماشي وده مكنش موجود اول ما اشتريت العربية مع العلم اني لسة في التليين و هو غالبا طلع بعد مطب جامد شوية بس لما بفتح االازاز حاجة بسيطة مش بيطلع .
انا متوقع ان بسبب ان العفشة لسة جديدة و بتحتاج تربيط بعد ال1000 كيلو وانا عامل دلوقتي 700 وسافرت بيها وكانت زي الفل على الطريق.
ياريت لو حد يعرف حاجة عن موضوع العفشة الجديدة بتبقى نظامها ايه بالضبط

**hemaa_82** · 02-12-2009 03:13 PM

المشاركة الأصلية كتبت بواسطة teha

العربية جميلة جدا و عالية من على الارض و وناعمة جدا في السواقة وعلى فكرة انا كان معايا هوندا موديل 1996 وطبعا مقلكوش على نعومة الياباني و لكن انا مش حاسس بفرق والله بالعكس انا حاسس ان العربية عفشتها ناعمة زي الهوندا و مش بسمع اي حاجة منها وانا ماشي .
كنت عاوز اسال على حاجة كدة انا بسمع صوت تزييق خفيف اوي اوي في الازاز لما اقفله على الاخر وانا ماشي وده مكنش موجود اول ما اشتريت العربية مع العلم اني لسة في التليين و هو غالبا طلع بعد مطب جامد شوية بس لما بفتح االازاز حاجة بسيطة مش بيطلع .
انا متوقع ان بسبب ان العفشة لسة جديدة و بتحتاج تربيط بعد ال1000 كيلو وانا عامل دلوقتي 700 وسافرت بيها وكانت زي الفل على الطريق.
ياريت لو حد يعرف حاجة عن موضوع العفشة الجديدة بتبقى نظامها ايه بالضبط

برجاء توضيح السوؤال لوحده للرد او الافادة

**teha** · 04-12-2009 04:26 PM

انا عملت صيانة ال 1000 كيلو و ربطوا العفشة بس لسة الصوت بتاع التزييق الخفيف لما اقفل الزجاج الامامي على الاخر .
على فكرة الصوت مبيطلعش لو الطريق متسفلت كويس و لما قلتلهم في الصيانة قالولي مفيش اي حاجة راكبة غلط ولا في اي مشاكل في الزجاج ولاالجلد وقاولولي جرب ولو لسة موجود نبقى نشوف في صيانة ال 5000.
فانا كنت بسال لو الموضوع ده طلع عند حد او سببه ايه هوه مش مزعلني اوي بس يعني عشان العربية لسة جديدة فانا عاوز اطمن

**hemaa_82** · 04-12-2009 06:42 PM

طب هل الازاز بيتحرك بالعرض و هوه طالع؟؟؟؟"قدام و ورا"؟؟؟؟ ممكن يكون في حاجة مزنقة علي الكاوتش زي ماكان عندي بس انا عدلتها بيدي

الموضوع: تقييم الm11 من الاول للاخر

LinkBack

أدوات الموضوع

عرض

-

-

-

-

-

-

-

المواضيع المتشابهه

ما هى اخبار الm11

اروح لمهندس الرش الاول ولا السمكرى الاول

اروح لمهندس الرش الاول ولا السمكرى الاول

اركب الفلتر الاول ولا انضف الاول !!؟؟

اوبل فكترا من الاول للاخر

الكلمات الدلالية لهذا الموضوع

المفضلات

المفضلات

ضوابط المشاركة