مبروك لكل مالكيها وعقبال 450 ألف كيلو وانتم راضيين عنها إن شاء الله
عرض للطباعة
مبروك لكل مالكيها وعقبال 450 ألف كيلو وانتم راضيين عنها إن شاء الله
شكرا للرد حفاظا علي القرأن بس انا في الكلام كنت بقول المعني مكنتش بقول النص فأنا ماكتبتش ولا استعاذة ولا بسملة ولا تصديق..... بس علي العموم
وَيَمُدُّهُمْ فِي طُغْيَانِهِمْ يَعْمَهُونَ............سورة البقرةالاية 15
وَنَذَرُهُمْ فِي طُغْيَانِهِمْ يَعْمَهُونَ..................سورة الأنعام الاية110
وَيَذَرُهُمْ فِي طُغْيَانِهِمْ يَعْمَهُونَ.............سورة الأعراف الاية 186
يذر يعني يسيب او يترك او يطلق العنان
وشكرا تاني واديك كنت سبب الحمد لله لان احنا نرجع شوية لربنا و الحمد لله من قبل و من بعد
مساء الخير يا هيما... أخبارك ايه ....؟؟؟؟؟
يا ريت أول لما تعمل صيانة ال5000 تكتب تقرير عن اللى حصل والتكلفة وعملتها فين؟؟
لأنى دلوقت عامل 4000ك وقربت ... أنا عملت ال1000 فى أبوغالى المعادى... وبصراحة هم ناس محترميييين جدا .. بس كنت حاسس انهم مش فاهمين قوى فى العربية.. يا ترى اية رأيك فى أبوغالى طومانباى... ولا أعملها فى التوكيل فى أبورواش و خلاص....
وأخيرا متشكر جدا ....
ان شاء الله هابقي اقول لما اعمل الصيانة .... بس انا ناوي اخليها قرب ال6000 مش ال5000........
المهم .... ابوغالي طمان باي كان زي الفل و العربية مابتخدش في ايدهم غلوة ..بس انا كنت صيانة 1000 عادية ....
انما المرة اللي جاية علشان سمكرة الباب هاعملها في ابو غالي المنطقة الصناعية في اخر جسر السويس
انا عملت صيانة 5000 في الاسكندرية
كنت هناك الساعة 10 الصبح و استلمو العربية وبعد ربع ساعة كانت مرفوعة علي الونش
تم تربيط العفشة ورا وقدام و الحمد للة لم يتم فيها رباط خالص
وتم غسيل الماتور و الكشف علي السيور و تزييت الاجزاء الازمة و الكشف علي كل الزيوت بالسيارة و الاضواء بالكامل من الدخل و الخارج و حساسات الضوء و المساحات
و الكشف علي الفرامل واشياء كتيرة
المهم بعد حوالي ساعة استلمت السيارة ودفعت 112 جنية والفني قالي العربية مفهاش اي شيئ اكنك لسة مستلمها من المعرض غير ان في مسمار في الفردة الي ورا شمال ابقي اعملة عند اقرب مركز صيانة كوتش
علي فكرة مجرد ما العداد يعدي 5000 كيلو حتلاقي رمز مفتاح بينور مع الدوارة دة عشان بيفكرك بعمل الصيانة الدورية
للامانة -- المهندس احمد في التوكيل انسان فوق الممتاز ---- بعد ما بتخلص العربية بيشيك عليها قبل ما استلمها و بيجربها و علي فكرة قالي الباور عندي في العربية عندي عند لف الركسيون للأخر بيفر صفارة مش عجباة و عمل ركويست طلب للفرع الرئيسي لطرمة باور عشان في صيانة 10000 لو فضل الصفارة دي يغيري طرمبة باور
متهيالي لو الضمان مكنشي كويس والناس الي فية محترمين مكنوش وضحولي عيب انا مش شايفة و كمان يغيرو
ضمان محترم :satelite:
الله ينور عليك .... و دايما بخير ان شاء الله
لمبة المفتاح الانجليزي البرتقالي نورت ...."موعد الصيانة" عامل دلوقت 5150 كيلو .... نوافيكم بكل جديد
عقبال الـ 500 الف يا ابراهيم باشا